Myanmar Idol Season 2 သီချင်းဆိုပြိုင်ပွဲရဲ့ ဇကာတင် (၁၀)ဦး ရွေချယ်မှုကစလို့ တစ်ဆင့်ခြင်း ယှဉ်ပြိုင်ခဲ့ရာမှာ တစ်ယောက်ပြီးတစ်ယောက် နှုတ်ဆက်အိမ်ပြန်ခဲ့ကြရပြီး အခုဆိုရင် ဇကာတင် (၆)ဦးသာ ကျန်ရှိပါတော့တယ်။ 

 

ပထမဦးဆုံး အိမ်ပြန်ခဲ့ရသူကတော့ အေမီစံဖြစ်ပြီး အဲဒီနောက်မှာတော့ ဖြူလေး၊ ယွန်း၊ ချမ်းငြိမ်းတို့ အသီးသီး အိမ်ပြန်ခဲ့ကြရပါတယ်။ ပြိုင်ပွဲဝင်ဖို့ ဆက်လက် ကျန်ရှိနေသူတွေကတော့ ရဲနောင်၊ သားငယ်၊ ဇင်ကြီး၊ မိုင်းမိုင်ဆိုင် နဲ့ ပိုးမီတို့ပဲ ဖြစ်ကြပါတယ်။

 

ကျန်ရှိနေခဲ့တဲ့ ပြိုင်ပွဲဝင် (၆)ဦးထဲမှာ မဲအနဲဆုံးသူတွေ ထိုင်ရလေ့ရှိတဲ့ Bottom Three ဆိုတဲ့ ထိုင်ခုံမှာ ခုချိန်ထိလုံးဝ(လုံးဝ) မထိုင်ဖူးသေးတဲ့ ပြိုင်ပွဲဝင်နှစ်ဦး ထူးထူးခြားခြားရှိနေပါသေးတယ်။ 

 

"သားငယ်" နဲ့ "ရဲနောင်" တို့ပဲဖြစ်ပါတယ်။

 

သူတို့နှစ်ဦးစလုံးဟာ ကိုယ်ပိုင်ဟန် ကိုယ်ပိုင်အသံရှိကြသူတွေ ဖြစ်တဲ့အတွက် ဒိုင်တွေရွေးချယ်ခဲ့တဲ့ (Judges Audition) အဆင့်အားလုံးကို အောင်မြင်စွာ ကျော်ဖြတ်ကာ ဇကာတင် (၁၀)ဦး Top Ten ထဲမှာ ပါဝင်ခဲ့ကြသူ နှစ်ဦးဖြစ်ပါတယ်။

 

Top Ten သီဆိုယှဉ်ပြိုင်မှုကစလို့ ပရိဿတ်က ပေးပို့လာတဲ့ SMS voting မဲရလဒ်အပေါ် မူတည်တာကြောင့် ဒိုင်လူကြီးများအနေနဲ့ သီချင်းသီဆိုပုံ သီဆိုဟန်နဲ့ ပက်သက်ပြီး ကောင်းသည်၊ ဆိုးသည်၊ လိုအပ်သည်များကို ပြောကြားပေးရုံကလွဲ၍ ဆုံးဖြတ်ပေးပိုင်ခွင့် မရှိတော့ပါဘူး။ 

 

ယှဉ်ပြိုင်မှုအဆင့်ဆင့်မှာ "ကြယ်ငါးပွင့်သင်္ဘောကြီး"လို့ မြန်မာပြည်သိန်းတန် တင်စားခဲ့တဲ့ "သားငယ်"ဟာ ဒိုင်တွေ အားလုံးရဲ့ ချီးကျူးပြောဆိုမှုတွေကို ရရှိခဲ့ပေမယ့် "ရဲနောင်" ကတော့ ဒိုင်တွေ သိပ်အားမရတဲ့ ပြိုင်ပွဲဝင် တစ်ဦးသာ ဖြစ်ခဲ့ပါတယ်။ ဒိုင်တွေတင်ပဲလားဆိုတော့ မဟုတ်ပါဘူး အဆိုပိုင်းနည်းပြအဖြစ် တာဝန်ယူထားကြတဲ့ ကိုဥက္ကဦးသာနဲ့ မထရေစီတို့ကပါ သိပ်အားရမှုမရှိတာကို အင်တာဗျူးဗီဒီယိုတွေမှာ မြင်တွေ့နိုင်ပါတယ်။

 

သူ့ရဲ့ သီဆိုဖျော်ဖြေမှုတွေ အပြီးမှာ အောင်မြင်မှုမှတ်တိုင်တွေကို စိုက်ထူနိုင်ခဲ့တဲ့ နိုင်ငံကျော်အနုပညာရှင် ဒိုင်လူကြီးမင်း သုံးဦးကတော့ သိပ်အားမရတဲ့ မှတ်ချက်တွေ ပေးသွားမြဲဖြစ်ပါတယ်။ အဲဒီလိုအခါမျိုးမှာ ဒိုင်လူကြီးတွေ မှတ်ချက်ပြုသမျှကို ရဲနောင်က အပြုံးမပျက်ပဲ ခေါင်းငုံ့ နာခံနေတတ်ပါတယ်။ 

 

နောက်တစ်နေ့ Result ထွက်တဲ့အခါ ရဲနောင်ကတော့  မဲရလဒ်အများဆုံးနဲ့ ပွဲစဉ်တိုင်းကို လွတ်လွတ်ကင်းကင်း ကျော်ဖြတ်သွားခဲ့တာချည်းပဲဖြစ်ပါတယ်။

ဒါဆိုရင် ရဲနောင်ရဲ့ နောက်မှာ သူ့အတွက် SMS နဲ့ မဲတွေအလုံးအရင်း ပေးနေတဲ့ ပရိဿတ်ကြီးရှိနေတာ သေချာနေပြီဖြစ်ပါတယ်။

 

အချို့ပရိဿတ်က ရဲနောင်ဟာ အဆိုပညာသိပ်မကောင်းပေမယ့် စန်းတက်နေတာကြောင့် မဲရနေတာလို့ ဆိုခဲ့သလို၊ အချို့ကလည်း ဒိုင်က သူ့ကိုဖိပြောလေ လူတွေက သနားပြီး သူပိုမဲရလေလို့ မှတ်ချက်ပေးသကဲ့သို့ MPT SIM ကဒ်ကို တစ်ကူးတက ဝယ်ပြီး ပိုက်ဆံမရှိရင်တောင် ထမီပေါင်ပြီး ရဲနောင်ကို မဲပေးမယ်လို့ ဧရာဝတီတိုင်းသား အချို့က ဆိုကြပါသတဲ့..။

 

 

တစ်ကယ်တော့ Myanmar Idol ရဲ့ ပြိုင်ပွဲရင် အမှတ်စဉ်(၁) ရဲနောင်ဟာ ပရိဿတ်နဲ့ ဒိုင်လူကြီးမင်းများကြား အားပြိုင်မှုမှာ ညပ်နေခဲ့ရတဲ့ ဆားတစ်ပွင့်ဖြစ်ပါတယ်။ Result Show တစ်ခုပြီးလို့ အလားအလာကောင်းတဲ့ ပြိုင်ပွဲဝင်တစ်ယောက် ထွက်ရတိုင်း ရှိုက်ကြီးတငင်ငင် ငိုကြွေးခဲ့ရသူက ရဲနောင်ဖြစ်ပါတယ်။ 

 

ပြိုင်ပွဲဝင်တယ်ဆိုကတည်းက လူတိုင်းဟာ အနိုင်လိုချင်ကြပါတယ် ဒါပေမယ့် ကိုယ့်ရဲ့ အရည်အသွေးကိုတော့ ကိုသာလျှင် အသိဆုံး ဖြစ်ပါတယ်။ မည်သူမဆို ကိုယ့်ထက်တော်နေ၊ သာနေသူတွေနဲ့ ယှဉ်ပြိုင်ရာမှာ နောက်တစ်လှမ်း ဆုတ်ခဲ့ရလို့ ဝမ်းမနည်း တတ်ပါဘူး၊ ဖြေနိုင်ပါတယ်၊ ဖြေသာပါတယ်။ ဒါပေမယ့် ဒီလိုပင်ကိုယ် အရည်အချင်းပေါ်မှာ မမူတည်ပဲ ထွက်လာအဖြေမျိုးဆိုရင် လက်ခံဖို့ ခက်ခဲတာ သဘာဝပါ။

 

 

ဒါတွေအားလုံးဟာ ရဲနောင်မှာ အပြစ်မရှိသလို ဒိုင်တွေမှာလည်း အပြစ်မရှိပါဘူး။ ရဲနောင်က တတ်စွမ်းသလောက် အကောင်းဆုံး ဖျော်ဖြေတယ်၊ ဒိုင်တွေက ပညာရှင် နား၊ မျက်စိတို့နဲ့ စေတနာထားပြီး ပိုကြိုးစားလာအောင် မှတ်ချက်ပေးတယ်။ ပရိသတ်က မဲပေးဆုံးဖြတ်တယ်။ 

တစ်ကယ်တော့ရှင်းရှင်းလေးပဲ ဖြစ်ပါတယ်...

 

ဒါပေမယ့် ပရိဿတ်တွေရဲ့ စိတ်ထဲမှာသာ Myanmar Idol အစီစဉ်ကို အဆိုတော်ဖြစ်လာနိုင်သူ တစ်ဦးကို ရွေးချယ်နေတဲ့ သီချင်းဆို ပြိုင်ပွဲတစ်ခုအနေနဲ့ ရိုးရိုးလေးပဲ မြင်အောင် ကြည့်ပြီး သမာသမတ်ကျကျ မဲပေးမယ်ဆိုရင် Myanmar Idol ဟာ သိပ်အငြင်းပွားစရာ ဖြစ်လာလိမ့်မယ်လို့ မထင်ပါဘူး။ေ

 

ရဲနောင် အစွမ်းရှိသလောက် ရှေ့ဆက်လျှောက်လှမ်းနိုင်ပါစေ...

ပရိဿတ်ကြီးလည်း ရိုးရိုးလေးပဲ တွေးပြီး မဲပေးနိုင်ကြပါစေ....