ဖြတ်ဆက်ပြုပြင်မှု ပြုလုပ်ထားသော မော်တော်ယာဉ်များအား မတ်လမှစ၍ မှတ်ပုံတင်ခွင့်ပြုမည်မဟုတ်တော့
06 Feb 2017 1,406 Views
ကုန်းလမ်းပို့ဆောင်ရေးနှင့် ညွှန်ကြားရေးဦးစီးဌါန (က.ည.န) ကနဦး မော်တော်ယာဉ်မှတ်ပုံတင်ဌါနမှ ပြည်ပမှတင်သွင်းလာသော မော်တော်ယာဉ် မှတ်ပုံတင်ခြင်းဆိုင်ရာ အသိပေးကြေညာချက်တစ်ခုကို ဖေဖော်ဝါရီ ၆ ရက် နေ့တွင် မော်တော်ယာဉ် တင်သွင်းသူများသိရှိစေရန် ထုတ်ပြန်ကြေညာခဲ့သည်။
ကြေညာချက်တွင် (၁.၃.၂၀၁၇) ရက်နေ့မှစ၍ ပြည်ပမှတင်သွင်းလာသည့် မော်တော်ယာဉ်များ ကနဦးစစ်ဆေးရာတွင် ဘောင်အမှတ်/ကိုယ်ထည်အမှတ် (Chassis Number) ပါသောနေရာအားဖြတ်၍ ဖောက်ထည့်ခြင်း၊ မူလစက်ရုံထုတ် ဘောင်အမှတ်/ကိုယ်ထည်အမှတ်ပုံစံမျိုး မဟုတ်ဘဲ ပြန်ရိုက်ထားခြင်းများကို စီစစ်တွေ့ရှိပါက ယာဉ်မှတ်ပုံတင်ခြင်းအား ခွင့်ပြုပေးတော့မည် မဟုတ်ပါကြောင်း အသိပေးအပ်ပါသည်။(အဆိုပါ ပြင်ဆင်ထားသည့် ယာဉ်များအား ဒဏ်ကြေးကောက်ခံပြီး မှတ်ပုံတင်ခွင့်ပြုပေးခြင်းကို (၂၈.၂.၂၀၁၇) ရက်နေ့အထိသာ ဆောင်ရွက်ပေးပြီး (၁.၃.၂၀၁၇) ရက်နေ့မှစ၍ မှတ်ပုံတင်ခြင်းအား ခွင့်ပြုတော့မည် မဟုတ်ပါ)
ဟု ကြေညာချက်တစ်ခု ထုတ်ပြန်ဖော်ပြခဲ့သည်။
