e-စီးကရက် ရုတ်တရက်ပေါက်ကွဲပြီး မီးလောင်ဒဏ်ရာ၇မှုဖြစ်ပွားခဲ့
17 Jan 2017 1,492 Views
အမေရိကန်ပြည်ထောင်စု Pocatello, Idaho မှာ နေထိုင်တဲ့ Andrew Hall လို့ အမည်ရတဲ့ အမျိုးသားဟာ e-စီးကရက် သုံးစွဲသူတစ်ယောက်ဖြစ်ပါတယ်။ သူအသုံးပြုတဲ့ e-စီးကရက်ဟာ ရုတ်တရက် ထပြီးပေါက်ကွဲခဲ့လို့ သွား(၇)ချောင်း ဆုံးရှုံးခဲ့ရသလို၊ ဒုတိယအဆင့်ရှိတဲ့ မီးလောင်မှုကိုလည်း ခံခဲ့ရပါတယ်။ အိပ်ခန်းတွင်း လက်ဆေးကြွေခွက်လည်း ကွဲခဲ့တယ်လို့ သိရပါတယ်။
Andrew ဟာ e-စီးကရက်ကို အသုံးပြုဖို့ ပါးစပ်ကိုတေ့ကာ ပြင်ဆင်နေစဉ်မှာ ပေါက်ကွဲမှု ဖြစ်ခဲ့တာပါ။ သူ့ကို အရေးပေါ်ဆေးရုံပို့ပေးခဲ့ရပြီး လက်ရှိအချိန်ထိတော့ အစားအစား မစားနိုင်သေးပါဘူး။ ဒေါက်တာတွေဟာ ပေါက်ကွဲမှုကြောင့် ပျက်စီးနေတဲ့ သွားတွေနဲ့ e-စီးကရက် Device အပိုင်းအစတွေကို ပါးစပ်ထဲကနေ ဖယ်ရှားပေးခဲ့ရပါတယ်။ Andrew ဟာ မိမိအဖြစ်အပျက်ကို Facebook မှာ ပုံတင်ပြီး သတိပေးခဲ့ပါတယ်။
သူက ” ကျွန်တော် ဒီလို ဖြစ်မယ်လို့ ဘယ်တုန်းကမှ ထင်မထားခဲ့ပါဘူး .. ဒါပေမယ့် မျက်နှာနားကိုကပ်ပြီး ပေါက်ကွဲခဲ့ပါတယ် … ဒါဟာ အားလုံးအတွက် သင်ခန်းစာကောင်းတစ်ခု ဖြစ်မယ်ထင်ပါတယ် “လို့ ပြောခဲ့ပါတယ်။ ၎င်းတင်ခဲ့တဲ့ ဓာတ်ပုံတွေကို Like ပြုလုပ်သူ ငါးသောင်းကျော်ရှိခဲ့ပြီး Share လည်း သောင်းချီရှိခဲ့ပါတယ်။ e-စီးကရက်ထဲမှာ ရှုရတဲ့ အရည်စနစ်ပါဝင်ပါတယ်။ e-စီးကရက်အသုံးပြုခြင်းကို Vaping လို့ခေါ်ပြီး ၎င်းကြီယာတွေကို Vapouriser လို့လည်း ခေါ်ကြပါတယ်။
Credit:shwemom
လျှပ်စစ်စနစ်နဲ့ အရည်ကိုအငွေ့ပျံစေပြီး၊ ၎င်းအငွေကို ရှုရတာ ဖြစ်ပါတယ်။ ကနဦးတုန်းကတော့ ဆေးလိပ်အစားထိုးအဖြစ် ပေါ်ပေါက်ခဲ့တာဖြစ်ပေမယ့် ကျန်းမာရေးတာဝန်ရှိသူတွေက သာမန်ဆေးလိပ်ကဲ့သို့ပင် အန္တရာယ်ရှိကြောင်း ထုတ်ပြန်ခဲ့လို့၊ အချို့နိုင်ငံတွေမှာ အသုံးပြုခွင့် ပိတ်ပင်တာမျိုးတွေတောင် ရှိနေပါတယ်။ ယခုပေါက်ကွဲမှုဟာ ပြင်းထန်ခဲ့ပြီး၊ မျက်နှာကျက်ကိုတောင် ကြက်ခိုးစွဲစေသည်အထိ ဖြစ်ခဲ့ပါတယ်။
