အမျိုးသမီးများရော အမျိုးသား အများစုပါ လက်ရှိကြုံတွေ့နေရတဲ့ ပြဿနာတစ်ခုကတော့ ဗိုက်အဆီတက်လာပြီး ဗိုက်ပူထွက်လာခြင်းပဲ ဖြစ်ပါတယ်။ ဗိုက်ပူလာတဲ့အတွက် အဝတ်အစား ဝတ်ရာမှာလည်း အခက်အခဲရှိသလို၊ ခပ်စူစူဗိုက်ကြောင့် ကိုယ့်ကိုယ်ကိုယ် ယုံကြည်မှုလည်း နည်းလာစေပါတယ်။ အဆိုးဆုံးကတော့ နောက်ဆက်တွဲ ကျန်းမာရေး ပြဿနာတွေပါ ရှိလာနိုင်လို့ဖြစ်ပါတယ်။

 

လူအတော်များများက အစားအသောက် လျှော့စားရင် (သို့မဟုတ်) ညစာ လုံးဝရှောင်လိုက်ရင် ဝိတ်ကျပြီး ဗိုက်မပူနိုင်တော့ဘူးလို့ တွေးထင်တတ်ကြပါတယ်။ မှားသည်လို့ မဆိုလိုနိုင်သော်လည်း အပြည့်အဝလည်း မမှန်ပါဘူး။ ဗိုက်ပူနိုင်တဲ့ အကြောင်းအချက်တွေ အများကြီရှိပါတယ်။ ခန္ဓာကိုယ်အလေးချိန် တက်လာတာနဲ့အမျှ ဝမ်းဗိုက်သားကလည်း စူထွက်ပူလာတာကြောင့် အချိုစားလွန်းခြင်း၊ စိတ်ဖိစီးခြင်း၊ အသက်ရလာခြင်း၊ အိပ်ရေးဝ,ဝ မအိပ်စက်ရခြင်းတို့ကလည်း ကိုယ်အလေးချိန်တက်လာနိုင်တဲ့ အဓိကအကြောင်းတွေ ဖြစ်ပါတယ်။

 

အတွင်းကလီစာများ ကာကွယ်ရန်၊ လိုအပ်သည့်အခါ အားအင်အတွက် အထောက်အပံ့ဖြစ်ရန်၊ အဆိပ်အတောက်များကို ကာကွယ်ရန် အတွက် စတဲ့အချက်တွေကို လုပ်ဆောင်နိုင်ဖို့ လူရဲ့ ခန္ဓာကိုယ်ဟာ အဆီသိုလှောင်တဲ့ အလုပ်ကို မဖြစ်မနေလုပ်ဆောင်ရပါတယ်။ ဒီလိုလုပ်ဆောင်နေရင်းနဲ့ အဆီပိုတွေများလာတဲ့အခါ ဗိုက်ပူလာတာ၊ ဗိုက်ခေါက်ထူပြီး ခါးမှာ အဆီစုလာတတ်ပါတယ်။

 

ဘယ်လိုကြောင့်ပဲ ဗိုက်ပူနေပါစေ ပြေးပြေးလွှားလွှား ပြင်းပြင်ထန်ထန် လေ့ကျင့်ခန်းတွေ မလုပ်ရပဲနဲ့ ပူနေတဲ့ ဗိုက်လေး ချပ်ရပ်သွားအောင် လုပ်နိုင်တဲ့ နည်းလမ်းလေးတစ်ခုကို ဖော်ပြပေးလိုက်ပါတယ်။ စုလာတဲ့ အဆီပိုတွေကို ဖယ်ရှားပစ်တဲ့နည်းကတော့ သူတို့ကို လောင်ကျွမ်းစေခြင်းပဲ ဖြစ်ပါတယ်။ 

 

ယခုဖော်ပြမယ့်နည်းလမ်းဟာ အိပ်ယာထဲမှာတင် သက်တောင့် သက်သာ ပြုလုပ်နိုင်ပြီး နံနက်စာ မစားသောက်မီ တစ်ကြိမ်၊ ညအိပ်ခါနီး တစ်ကြိမ်နဲ့ တစ်ရက်ကို (၂) ကြိမ်သာ ပြုလုပ်ရန်လိုအပ်ပြီး တစ်ခါ ပြုလုပ်လျှင် ၂ မိနစ်ခန့်သာ ပြုလုပ်ရန် လိုသည့်အတွက် သက်တောင့်သက်သာနှင့် အလွယ်ကူဆုံး ဗိုက်ချပ်စေနိုင်မည့် နည်းလမ်းတစ်ခုဖြစ်၍ နေ့စဉ် မှန်မှန်ပြုလုပ်ရန်သာ အရေးကြီးပါသည်။

ဖော်ပြပါ လေ့ကျင့်ခန်းကို အစာများများစားပြီးချိန်၊ ကိုယ်ဝန်ဆောင်သယ်များ၊ အစာအိမ်ရောဂါရှိသူများ၊ ကိုယ်တွင်းကလီစာ ရောဂါဝေဒနာကြောင့် ခွဲစိပ်ကုသမှုခံယူဖူးသူများ အတွက် မသင့်တော်ပါသဖြင့် မပြုလုပ်ပါရန် သတိပေးအပ်ပါသည်။

 

လေ့ကျင့်ခန်း အပြည့်အစုံကို ပိုမိုသဘောပေါက် နားလည်စေရန် ဗီဒီယိုသင်ခန်းစာနှင့်တစ်ကွ ဖော်ပြပေးလိုက်ပါသည်။