၂၀၁၆ ရှစ်လတာ ကာလအတွင်း ဖုန်းဘီလ်ခွန် ကျပ် ၅၂ ဒသမ ၂၅ ဘီလျံကျော်
23 Dec 2016 1,323 Views
၂၀၁၆ ခုနှစ် ရှစ်လတာ ကာလအတွင်း ဖုန်းဘီလ်ခွန် ကျပ် ၅၂ ဒသမ ၂၅ ဘီလျံ ကောက်ခံရရှိခဲ့ပြီး လစဉ်ပျမ်းမျှ ကောက်ခံရရှိသော ဖုန်းဘီလ်ခွန် ပမာဏမှာ ၆ ဒသမ ၅ ဘီ လျံဝန်းကျင်ရှိကြောင်း ပြည်တွင်းအခွန်များ ဦးစီးဌာနမှ စုံစမ်းသိရသည်။ ပြီးခဲ့သည့် နိုဝင်ဘာလအတွက် ကောက်ခံရရှိခဲ့သည့် ဖုန်းဘီလ်ခွန်မှာ ကျပ် ၆ ဒသမ ၇ ဘီလျံဖြစ်ကြောင်း သိရသည်။
"စစချင်းလမှာ ရရှိခဲ့တဲ့ ဖုန်းဘီလ်ခွန်ကိုတော့ ပညာရေး ကဏ္ဍအတွက် ပေးခဲ့ပါတယ်။ နောက်လတွေအတွက် ရရှိတာတွေကိုတော့ နိုင်ငံတော် ဘတ်ဂျက်အနေနဲ့ပဲ ပေးသွင်းခဲ့တာဖြစ်ပါတယ်" ဟု ပြည်တွင်းအခွန်များ ဦးစီးဌာနမှ ညွှန်ကြားရေးမှူးချုပ် ဦးမင်းထွဋ်က ပြောကြားသည်။
မေလအတွက်ရရှိသော ဖုန်းဘီလ်ခွန် ကျပ် ၈ ဒသမ ၃၇ ဘီလျံတွင် မြန်မာ့ဆက်သွယ် ရေးလုပ်ငန်းက ၄ ဒသမ ၅ ဘီလျံကျော်၊ တယ်လီနောက ကျပ်သုံးဘီလျံနီးပါး၊ အူရီဒူးက ကျပ်သန်း ၈၀၀ ကျော်ဖြစ်ကြောင်း သိရသည်။ ရရှိလာသော ဖုန်းဘီလ်ခွန်များကို ပြည်သူလူထုအတွက် တိုက်ရိုက်အကျိုးပြုစေမည့် ကဏ္ဍများတွင် သုံးစွဲသွားမည် ဖြစ်ကြောင်း၊ နိုင်ငံ့ဘဏ္ဍာငွေသည် ပြည်သူ့ဘဏ္ဍာငွေဖြစ်ကြောင်း နိုင်ငံတော်သမ္မတက ပြောကြားထားသည်။
၂၀၁၆ ခုနှစ် ပြည်ထောင်စု အခွန်ဥပဒေအရ မိုဘိုင်းဝန်ဆောင်မှု သုံးစွဲသူများသည် ကုန်သွယ်လုပ်ငန်းခွန် ငါးရာခိုင်နှုန်းကို ၂၀၁၆ ခုနှစ်ဧပြီ ၁ ရက်မှစ၍ ပေးဆောင်ရမည်ဖြစ်ကြောင်း ပြည်ထောင်စု လွှတ်တော်က အတည်ပြုပြီးနောက် ဧပြီ ၁ ရက်မှစ၍ ဖုန်းဘီလ်ခွန်များကို စတင်ကောက်ခံ ခဲ့ခြင်းဖြစ်သည်။ ထိုသို့ကောက်ခံရာတွင် သုံးစွဲပြီးနောက် ကျသင့်ငွေထဲမှ ငါးရာခိုင်နှုန်းကို ဖြတ်တောက်ကောက်ခံခြင်းဖြစ်သည်။ ဖုန်းငွေဖြည့်ရာတွင် ကျပ်တစ်ထောင်တန် ငွေဖြည့်ကတ်ကိုသာ သုံးစွဲနိုင်သူများအဖို့ ဖုန်းဘီလ်ခွန်မှာ ၀န်ထုပ်ဝန်ပိုးတစ်ခု ဖြစ်နေကြောင်း သိရသည်။
Soure : news-eleven
