လူရဲ့ ခန္ဓာကိုယ်ပေါ်မှာ မွေးရာပါ ရှိနေကြတဲ့ မှဲ့တွေကို ကြည့်ပြီး အဲသည့်လူရဲ့ ဘဝမှာ ဘာတွေဖြစ်လာနိုင်တယ် ဆိုတာကို ပြောပြနိုင်တယ်လို့ တရုပ်ဗေဒပညာရှင်တွေ၊ ဟိန္ဒူဗေဒင်ပညာရှိကြီးတွေက ယုံကြည်ထားပါတယ်။ ခန္ဓာကိုယ်ပေါ်မှာ ရှိနေတဲ့ မှဲ့တွေရဲ့ နေရာအလိုက် အဆိုးအကောင်း အဓိပ္ပါယ်ဖွင့်ဆိုချက်တွေကလည်း မတူညီကြပါဘူး။ 

 

ကိုယ့်ရဲ့ ခန္ဓာကိုယ်ပေါ်က မှဲ့တွေနဲ့ တိုက်ဆိုင်စစ်ဆေးရင်း ကိုယ်ဟာ ချမ်းသာတဲ့လူဖြစ်မလား၊ အောင်မြင်တဲ့သူ ဖြစ်မလား ဘယ်လိုလူမျိုး ဖြစ်မလဲဆိုတာ အဖြေရှာကြည့်ရအောင်..။

 

၁။ နဖူးရဲ့ ညာဘက်က မှဲ့

ဒီလိုမှဲ့မျိုးကို ပိုင်ဆိုင်ထားသူဟာ နာမည်ဂုဏ်သတင်း ကျော်ကြားခြင်းနဲ့ အောင်မြင်မှုတွေ ရရှိသူဖြစ်ပါတယ်။

 

 

၂။ မျက်ခုံးအောက်နားက မှဲ့ 

ဒီလိုမှဲ့မျိုးကို ပိုင်ဆိုင်ထားသတွေဟာ ဉာဏ်ပညာကြီးမားခြင်း၊ တီထွင်ဖန်တီးမှုတွေမှာ ထူးချွန်သူတွေ ဖြစ်ပါတယ်။

 

 

၃။ မေးစေ့နဲ့ ပါးစပ်တစ်ဝိုက်နားက မှဲ့

မေးစေ့နဲ့ ပါးစပ်နား ဝန်းကျင်မှာ မှဲ့ရှိနေသူတွေက အမျိုးသမီးတွေဆိုရင် ချောမောလှပသူ အဖြစ် အများက လက်ခံထားကြသူတွေပါ။ ဒါ့အပြင် ချင့်ချိန်နိုင်စွမ်းရှိပြီး အောင်မြင်တဲ့ဘဝကို ပိုင်ဆိုင်ထားသူတွေလည်း ဖြစ်ပါတယ်။

 

 

၄။ နှာခေါင်းပေါ်က မှဲ့

နှားခေါင်းပေါ်မှာ မှဲ့ရှိနေသူတွေဟာ မျက်နှာများတတ်သူ ဖြစ်သလို စိတ်ဆတ်သူတွေ ဖြစ်ပါတယ်။

 

၅။ မျက်လုံးထဲက မှဲ့

ဒီလိုမျိုး မှဲ့ပိုင်ရှင်က အတော်လေးကိုရှားပါးပါတယ်၊ ညာဘက်မျက်လုံးထဲမှာ မှဲ့ရှိသူတွေဟာ ငွေရေးကြေးရေးနဲ့ ပက်သက်ရင် ပူပင်စရာမလိုလောက်အောင် ငွေရွှင်သူတွေ ဖြစ်ပါတယ်။ အကယ်၍ မှဲ့ဟာ ဘယ်ဘက်မျက်လုံးထဲမှာ ရှိနေသူဆိုရင်တော့ စိတ်ကြီးဝင်တတ်သူ တစ်ဦးဖြစ်ပါလိမ့်မယ်။

 

 

၆။ နားရွက်က မှဲ့

နားရွက်ပေါ်က မှဲ့ဟာ ကောင်းတဲ့ နမိတ်လက္ခဏာ ဖြစ်ပါတယ်။ အကယ်၍ ညာဖက် နားရွက်မှာ မှဲ့ရှိတယ်ဆိုရင်တော့ အဲဒီပုဂ္ဂိုလ်ဟာ မိသားစုအပေါ် တဝန်ကျေပြီး မိသားစုအတွက် မြုတ်နှံထားသူတွေ ဖြစ်ပါတယ်။

 

 

၇။ ပါးပြင်ပေါ်က မှဲ့

ညာဖက်ပါးပြင်ပေါ်မှာ မှဲ့ရှိသူတွေဟာ နဲနဲလေးမှ သေးသေးတင်မခံတဲ့ စန်းစန်းတင့် သမားတွေ ဖြစ်တတ်ပါတယ်။ အကယ်၍ ဘယ်ဖက်ပါးပြင်မှာ မှဲ့ရှိနေသူဆိုရင်တော့ သင်ဟာ ဘယ်သူနဲ့မှ အရောတဝင်မနေတတ်တဲ့ သီးသန့်တစ်ကိုယ်ရည်သမား ဖြစ်ပါတယ်။

 

 

၈။ လည်ပင်းပေါ်က မှဲ့

လည်ပင်းရဲ့ လယ်နေရာမှာမဆို မြင်သာထင်သာတဲ့ မှဲ့တစ်လုံး ပိုင်ဆိုင်ထားသူဟာ ရုပ်ရည်ရှုပကာ သန့်ပြန့်သူတွေ ဖြစ်ပါတယ်။

 

 

၉။ ပခုံးပေါ်က မှဲ့

ပခုံးရဲ့ မည်သည့်ဘက်အခြမ်းမှာမဆို မှဲ့ရှိသူတွေဟာ အလုပ်တာဝန်လွန်စွာမှ ကျေပွန်သူတွေဖြစ်သလို၊ ထိုးထွင်းသိ စဉ်းစားချင့်ချိန်တတ်သူတွေဖြစ်ပြီး လက်တွေ့ဆန်သူတွေ ဖြစ်ပါတယ်။

 

 

၁၀။ ရင်ဘတ်မှာပေါ်က မှဲ့

ရင်ဘတ်တစ်ဝိုက်(ရင်သား) ပေါ်မှာ မှဲ့ရှိသူတွေဟာ အထက်တန်းကျကျ ဇိမ်ရှိရှိဘဝမှာ နေထိုင်လိုသူတွေဖြစ်ပေမယ့် အပျင်းထူသူတွေ ဖြစ်ပါတယ်။

 

 

၁၁။ လက်ချောင်းလေးတွေပေါ်က မှဲ့

လက်ချောင်းတွေပေါ်မှာ မှဲ့ရှိသူတွေက ဘဝမှာ အတားအဆီးခံရတတ်သူတွေ ဖြစ်ပါတယ်။ ဘာပဲလုပ်လုပ် အခက်အခဲတွေ ကြုံရတတ်ပြီး မွဲပြာတာကျနိုင်သူတွေပါ။

 

 

၁၂။ လက်ဖဝါးပေါ်က မှဲ့

ညာဘက် လက်ဖဝါးမှာ မှဲ့ရှိသူတွေက ဘဝမှာ ချမ်းချမ်းသာသာ နေထိုင်သွားရမယ့်သူတွေ ဖြစ်ပါတယ်။ ဘယ်ဘက် လက်ဖဝါးမှာ မှဲ့ရှိသူတွေကတော့ လက်ဖွာဖွာနဲ့ အသုံးအဖြုန်းကြီးသူတွေ ဖြစ်ပါတယ်။

 

 

၁၃။ ခြေဖဝါးပေါ်က မှဲ့

ခြေဖဝါးပေါ်မှာ မှဲ့ရှိသူတွေကတော့ ခရီးသွားရမယ့် အခွင့်အလမ်းတွေ အများကြီး ပေါ်လာပြီး ကမ္ဘာကြီးပေါ်က အလှဆုံးနေရာတွေကို လှည့်လည်ကြည့်ရှုရမည့်သူ ဖြစ်ပါတယ်။ 

 

 

၁၄။ လက်မောင်းပေါ်က မှဲ့

လက်မောင်းပေါ်မှာ မှဲ့ရှိသူတွေဟာ ရဲရင့်သူတွေဖြစ်ပြီး ဆုံးဖြတ်ချက်တွေကို မှန်မှန်ကန်ကန် ချနိုင်သူတွေ ဖြစ်ပါတယ်။

 

သင်ရော... ဘယ်လိုမှဲ့မျိုးတွေ ပိုင်ဆိုင်ထားသူလဲ....?