အကယ်ဒမီ ပွဲ တက်မှာမဟုတ်တဲ့ ခင်လှိုင်

30 Nov 2016 1,964 Views

၂၀၁၆ခုနှစ်အတွက် ကျင်းပပြုလုပ်မယ့် အကယ်ဒမီဆုပေးပွဲကို ခင်လှိုင်က တက်ရောက်မှာ မဟုတ်ဘူးလို့ ဆိုပါတယ်။ သရုပ်ဆောင် ခင်လှိုင်ဟာ ၂၀၁၄-၂၀၁၅ ခုနှစ် ၂နှစ်ပေါင်း ပြုလုပ်ခဲ့တဲ့ အကယ်ဒမီ ပေးပွဲအပြီး သူပြောခဲ့တဲ့ စကားကို တည်ချင်တာကြောင့် အကယ်ဒမီပေးပွဲကို တက်ရောက်မှာ မဟုတ်သလို ဒီနှစ်အကယ်ဒမီ ပေးပွဲမှ မဟုတ်ဘဲ သူယုံကြည်ရတဲ့ နှစ်မရောက်မချင်း အကယ်ဒမီ ဆုပေးပွဲကို တက်မှာ မဟုတ်ကြောင်း The Voice သတင်းစာကို ပြောထားပါတယ်။

ခင်လှိုင်ကို "ခိုးဆိုးလုနှိုက်" ရုပ်ရှင်ဇာတ်ကားနဲ့ ပတ်သက်ပြီး အကယ်ဒမီဆု ရရှိနိုင်တယ်လို့ ပရိသတ်များက ခန့်မှန်းထားပေမဲ့လည်း သူကိုယ်တိုင်ကတော့ သူနဲ့အတူ ပါဝင်သရုပ်ဆောင်ထားကြတဲ့ မြင့်မြတ်နဲ့ ထွန်းထွန်းကို အကယ်ဒမီ ရစေချင်တယ်လို့ ပြောခဲ့ပါတယ်။

သရုပ်ဆောင် ခင်လှိုင်ကို ယခင်နှစ်က အကယ်ဒမီဆုပေးပွဲမှာ "ဤအရာကို အချစ်ဟုခေါ်သလား" ဇာတ်ကားနဲ့ ဇာတ်ပို့ဆုရဖို့ ရေပန်းစားခဲ့ပေမဲ့ ဆုနဲ့ လွဲချော်ခဲ့တာကြောင့် ဝေဖန်မှုတွေဟာ ဖေ့စ်ဘွတ်စာမျက်နှာပေါ်မှာ ဂယက်ထခဲ့ပါတယ်။

လက်ရှိမှာတော့ ခင်လှိုင်က ဒါရိုက်တာ ဂျိုးရိုက်ကူးနေပြီး ဇေရဲထက်၊ အောင်လေး၊ လင်းအောင်ခေတ်၊ သုတ၊ စိုးမြတ်သူဇာ၊ ပတ်ထရစ်ရှာတို့ ပါဝင်ထားတဲ့ Bad Boy 2 ရုပ်ရှင်ဇာတ်ကားမှာ ပါဝင်သရုပ်ဆောင်နေတယ်လို့ သိရပါတယ်။