ရထားနှင့် ကုန်တင်ယာဉ်တိုက်မိပြီး ယာဉ်နောက်လိုက်တစ်ဦး သေဆုံး
17 Nov 2016 1,338 Views
မုံရွာမြို့၊ မုံရွာတောင်ရပ် ကွက် ပြည်ထောင်စုလမ်းနှင့် ထန်းတောအင်းဖြတ်လမ်းဆုံတွင် မီးရထားနှင့် ခြောက်ဘီးကုန်တင် ယာဉ်တိုက်မိ၍ ကုန်တင်ယာဉ် နောက်လိုက်အမျိုးသားသေဆုံးခဲ့ ကြောင်း မုံရွာမြို့ မြို့မရဲစခန်းမှ သတင်းရရှိသည်။
နိုဝင်ဘာ ၁၆ ရက် နံနက် ၉ နာရီ ၅ဝ မိနစ်က ပခုက္ကူမှ မုံရွာမြို့သို့ မောင်းနှင်လာသော ရထား
နှင့် ပြည်ထောင်စုလမ်းမှ ထန်းတောအင်းဖြတ်လမ်းသို့ ရထားလမ်းဖြတ်ကူးသည့် ခြောက်ဘီး ကုန်တင်ယာဉ်တို့ တိုက်မိသဖြင့် ကုန်တင်ယာဉ်ပေါ် လိုက်ပါလာ သော အသက် (၂၅) နှစ်အရွယ် ယာဉ်နောက်လိုက်အမျိုးသား သေဆုံးခဲ့ခြင်းဖြစ်သည်။
“ကုန်တင်ယာဉ်မောင်းကို မုံရွာမီးရထားဘူတာဒုရုံပိုင်ကြီးက တရားလိုလုပ်ပြီး ရထားဥပဒေနဲ့ အမှုဖွင့်ထားတယ်။ ယာဉ်မဆင်မခြင်မောင်းနှင်လို့ လူသေဆုံးသွားတဲ့အတွက် ယာဉ်ထိန်းရဲကလည်း ရာဇသတ်ကြီးဥပဒေပုဒ်မ ၃၀၄-က အရ အမှုဖွင့်ထားပါတယ်” ဟု ၎င်းက ပြောသည်။
ရထားနှင့် ကုန်တင်ယာဉ် တိုက်မိမှုကြောင့် ကုန်တင်ယာဉ် ခေါင်းခန်းကြေမွပျက်စီးခဲ့ပြီး ယာဉ် ပေါ်လိုက်ပါသော ဒီပဲယင်းမြို့နယ် လိပ်သဲခုတ်ကျေးရွာနေ အသက် (၂၅) နှစ်အရွယ် ယာဉ်နောက် လိုက်အမျိုးသားတစ်ဦးတွင် ဒဏ်ရာများရရှိခဲ့သဖြင့် မုံရွာပြည်သူ့ ဆေးရုံကြီးသို့ပို့ဆောင်စဉ်သေဆုံး သွားခဲ့ခြင်း ဖြစ်သည်။
ယာဉ်တိုက်မှုကြောင့် ရ ထားစက်ခေါင်းရှိဘာဖာလိုက်(မီးလုံး)ကွဲ၊ ဘေးလမ်းလျှောက်လက် ကိုင်တန်းယိုင်သွားသဖြင့် ကာလ တန်ဖိုး ကျပ်ငါးသောင်းခန့်ဆုံးရှုံး ခဲ့ပြီး ယာဉ်မဆင်မခြင်မောင်းနှင် သောအမျိုးသားအား (ပ) ၁၅၃၃/ ၂၀၁၆၊ ရထားပို့ဆောင်ရေးဥပဒေ ပုဒ်မ-၈၅ နှင့် ယာဉ် (ပ) ၁၁၇/
၂၀၁၆၊ ရာဇသတ်ကြီးဥပဒေပုဒ်မ - ၃ဝ၄ အရ အမှုဖွင့်ထားသည်။
“အခုယာဉ်တိုက်မှုဖြစ်ပွား တဲ့နေရာက တရားမဝင် ကားဖြတကူးလမ်းပါ။ အရင်ကတည်းက မောင်းလက်တံမရှိပါဘူး။ မုံရွာမြို့ မှာဒီနှစ်အတွင်း ရထားနဲ့ ကားတိုက်မှုဖြစ်ပွားတာ နှစ်ကြိမ်ပဲရှိပါ တယ်” ဟု မုံရွာဘူတာရုံမှ ဒုရုံပိုင် ကြီးက ပြောသည်။
Credit:7Day
