ရှိတော့ရှိတယ် ဒါပေမယ့် အင်မတန်ရှားပါးလာနေတဲ့ ရိုးသားမှု
07 Nov 2016 1,418 Views
အိန္ဒိယနိုင်ငံက ဖြစ်ရပ်မှန်တစ်ခုပါ...။
အသက် ၄၅ နှစ်အရွယ် ကေဆူဒါကရန်ဆိုတဲ့ လူတစ်ယောက်ဟာ ကန်ဟန်ဂတ်မြို့လေးက ဈေးထဲမှာ ဆိုင်လေးတစ်ခုဖွင့်ပြီး ဈေးရောင်းတယ်။ သူ့ဆိုင်လေးမှာ ချိုချဉ်၊ အအေးနဲ့ ထီလက်မှတ်တွေ ရောင်းတယ်။ သူ့ဆိုင်ကနေ တစ်လကို ရူပီငွေ ၁၀,၀၀၀ (ကျပ်တစ်သိန်း ၂ သောင်း) လောက်တော့ ပုံမှန်လေး ရနေပါတယ်။
တမနက်ခင်းမှာ သူ့ဆိုင်မှာ ဝယ်နေကျ ဖေါက်သယ်တစ်ယောက်ဖြစ်တဲ့ ပီအရှိုကန်က သူ့ဆီကို ဖုန်းဆက်ပြီး ထီလက်မှတ် ၁၀ စောင် ဖယ်ထားပေးပါ။ နောက်တနေ့မနက်မှာ လာယူမယ်လို့ ပြောလိုက်တယ်။
အဲဒီညနေမှာ ထီဖွင့်လို့ ဆူဒါကရန်က ထီတိုက်ကြည့်လိုက်တယ်။ အရှိုကန် ဝယ်ဖို့ ဖယ်ခိုင်းထားတဲ့ ထီလက်မှတ် ၁၀ စောင်ထဲက တစ်စောင်ဟာ ထီပေါက်နေတာကို တွေ့လိုက်ရတယ်။ ပေါက်တဲ့ဆုက ပထမဆုကြီး။ ရူပီငွေ ၁၀ သန်း (ကျပ်သိန်း ၁,၈၀၀)။ အရှိုကန် ရုတ်တရက် ဘာလုပ်ရမှန်း မသိဖြစ်သွားတယ်။ နောက်တော့ သူ့အဖေကို အရှိုကန် မှာထားတဲ့အထဲက ထီတစ်စောင်ဟာ ပထမဆုကြီး ပေါက်နေကြောင်း ပြောပြလိုက်တယ်။ သူ့ အဖေက အရှိုကန်ကို ဖုန်းဆက်ပြောလိုက်လို့ ပြန်ပြောလာတယ်။ သူ ချက်ခြင်း အရှိုကန်ဆီ ဖုန်းဆက်အကြောင်းကြားလိုက်တယ်။ အရှိုကန် ရောက်လာပြီး သူ့ရဲ့ ရိုးသားမှုကို အံ့သြချီးကျူးမဆုံး ဖြစ်သွားတယ်။
တကယ်တမ်းဆိုရင် ဆူဒါကရန်က အရှိုကန်ကို သူ့အတွက် ဖယ်ထားတဲ့ ထီလက်မှတ်နံပတ်တွေကို မပြောပြရသေးပါဘူး။ နောက်ပြီး သူ့ဆီက ထီလက်မှတ်ဖိုးလည်း မယူရသေးပါဘူး။ သူ့အနေနဲ့ အဲဒီပေါက်တဲ့ ထီလက်မှတ်ကို ထီမပေါက်တဲ့ လက်မှတ်တစ်စောင်နဲ့ လဲထားလိုက်ရင်လည်း ဘယ်သူမှ မသိပါဘူး။ တရားဥပဒေအရလည်း သူ့ဟာ ဘာမှ ငြိစွန်းမှုမရှိပါဘူး။
သူ့ကို အဲဒီလို ဘာကြောင့် လုပ်ရတာလဲလို့ မေးကြည့်တော့ သူက ခုလို ဖြေပါတယ်။
ကျနော့်အဖေက ကျနော်ငယ်ငယ်လေးကတဲက ပြောနေကျ စကားတစ်ခု ရှိတယ်။ မင်းမှာ ပိုက်ဆံမရှိရင် တောင်းစား။ သူများပစ္စည်းကို ဘယ်တော့မှ မခိုးနဲ့ မရိုးမသားနည်းနဲ့ မယူနဲ့တဲ့။ အဖေ့စကားကြောင့်ပါ
... တဲ့။
လအတန်ကြာမှာ သူဟာ ရထားစီးသွားရင် တွဲပေါ်မှာ ကျနေတဲ့ ရွှေဆွဲကြိုးတစ်ကုံးကို ရဲလက်ကို အပ်လိုက်ပါတယ်။ ရဲက စုံစမ်းပြီး ပိုင်ရှင်ကို ပြန်ပေးလိုက်ပါတယ်။
ဆူဒါကန်ဟာ ထီဆုကြီး မယူလို့ သူ့ဘဝဟာ ချောင်ချောင်လည်လည် ရှိရဲ့လား။ သူ့မှာ ကလေး ၆ ယောက် ရှိတယ်။ သမီးတစ်ယောက်က မသန်စွမ်းဖြစ်နေတယ်။ သူ့ဆိုင်ခန်းကို ငှားထားရတာပါ။ မနက်တိုင်း ၄ နာရီခွဲထပြီး သူ့ရွာကနေ သူ့ဆိုင်ရှိတဲ့ ကန်ဟန်ဂတ်မြို့ကို ၂ နာရီကြာ ရထားစီးသွားရတယ်။ သူဟာ တပတ်လုံး တစ်ရက်မှ အနားမယူဘဲ ဈေးရောင်းရတယ်။ မိသားစု စားဝတ်နေရေးအတွက် ကြိုးစားရုန်းကန်နေရတယ်။
ရိုးသားမှုဟာ ယနေ့ကမ္ဘာပေါ်မှာ ဒိုင်နိုဆောသတ္တဝါကြီးလို ပျောက်ကွယ်သွားပြီလို့ ထင်နေမိတာ ဒီသတင်းဖတ်လိုက်ရတော့လည်း အော်..ရှိပါသေးလားလို့ တွေးရင်း ရင်အေးမိပါတယ်။
Credit:ဗန်းမော်သိန်းဖေ
