ဂျိမ်းစ်ဘွန်း ဖြစ်လာမှာမဟုတ်တော့တဲ့ Tom hiddleston

13 Jun 2016 1,365 Views

ဂျိမ်းစ်ဘွန်းမင်းသားသစ် ဖြစ်လာမယ်လို့ ခန့်မှန်းမှုတွေ ကျယ်ကျယ်ပြန့်ပြန့်ထွက်နေချိန်မှာ Tom hiddleston ကိုယ်တိုင်က သူဟာဂျိမ်းဘွန်းစ်လက်သစ် ဖြစ်လာမှာမဟုတ်ဘူးလို့ ပြောလိုက်ပါတယ်။ ဂျိမ်းစ်ဘွန်းမင်းသားသစ်ကို မကြာခင်ကြေညာတော့မယ်လို့လည်း သတင်းတွေထွက်နေပါတယ်။

" စိတ်ပျက်စေခဲ့မိတဲ့အတွက် ဝမ်းနည်းပါတယ်ဗျာ၊ ကျွန်တော့်ကို ဂျိမ်းစ်ဘွန်းအဖြစ် ကြေညာမယ့် ကြေညာချက်က ထွက်လာတော့မယ်မထင်ဘူး" လို့ Tom က ဖီလာဒဲဖီးယားမှာ ပြုလုပ်တဲ့ တွေ့ဆုံခန်းတစ်ခုမှာ ပြောခဲ့တာပါ။

Tom ဟာ သူ့ကို ဘွန်းအဖြစ်လူတွေထင်ကြေးပေးတာတွေ စတင်ပျံ့နှံ့လာချိန်တုန်းကလည်း ဒါဟာ ကောလာဟလတွေသာဖြစ်ကြောင်း ပြောခဲ့ဖူးပါတယ်။ သိပ်မကြာသေးခင်ကတော့ ဘွန်းဒါရိုက်တာ ဆမ် မန်းဒက်စ်က ဘွန်းနေရာကို Daniel Craig အစားထိုး ဝင်ရောက်လာမယ့်သူဟာ မျှော်လင့်မထားတဲ့လူဖြစ်မယ်လို့ ပြောခဲ့ပါသေးတယ်။Credit: Duwun