လူမှုကွန်ရက် ဖေ့စ်ဘွတ်ခ် စာမျက်နှာတွင် တေးသံရှင် ကဗျာဘွဲ့မှူး၏ ခင်ပွန်းဖြစ်သူကို ဂုဏ်သိက္ခာ ထိခိုက်စေမည့် ဓာတ်ပုံနှင့်စာများ ရေးသားဖော်ပြခဲ့သော အဂ္ဂမဟာသီရိ သုဓမ္မပုံပျက် ခင်စိန် အကောင့်ပိုင်ရှင်ကို ဇွန်လ ၁ ရက်နေ့က ဆက်သွယ်ရေး ဥပဒေ ပုဒ်မဖြင့် အမှုဖွင့် အရေးယူထားကြောင်း ကမာရွတ်မြို့နယ် ရဲစခန်းထံမှ သိရှိရသည်။

 

“ကဗျာဘွဲ့မှူးတို့ ဇနီးမောင်နှံအပေါ် အများအမြင် အထင်လွဲမှားစေမယ့် မဟုတ်မမှန် သတင်းတွေ ရေးသားဖော်ပြခဲ့တဲ့ ဖေ့စ်ဘွတ်ခ် အကောင့်ပိုင်ရှင်ကို ဖမ်းဆီး အရေးယူနိုင်ဖို့ စုံစမ်းနေပါတယ်။”ဟု ယင်းရဲစခန်းမှ တာဝန်ရှိသူတစ်ဦးက ပြောကြားသည်။

 

အဆိုပါ အဂ္ဂမဟာသီရိ သုဓမ္မ ပုံပျက်ခင်စိန် အကောင့်တွင် မေလ ၃၁ ရက်နေ့က ကဗျာဘွဲ့မှူးနှင့် ၎င်း၏ ခင်ပွန်းဖြစ်သူ ဦးမျိုးမြင့်အောင်တို့သည် ZTH ဆီဆိုင်မှ ငွေလိမ်လည်ခဲ့သူများဖြစ်ကြောင်း ဓာတ်ပုံနှင့်စာများ ပူးတွဲဖော်ပြခဲ့သဖြင့် ယင်းသို့ မဟုတ်မမှန် ရေးသားဖော်ပြခဲ့သည့် ဖေ့စ်ဘွတ်ခ် အကောင့်ပိုင်ရှင်ကို ဖော်ထုတ် အရေးယူပေးရန် ဦးမျိုးမြင့်အောင်က တရားလိုပြု အမှုဖွင့် တိုင်ကြားခဲ့ခြင်းဖြစ်ကြောင်း ကမာရွတ်မြို့နယ် ရဲစခန်းထံမှ သိရှိရသည်။

 

Credit : The Voice