ညဘက်အိပ်စက်တဲ့အခါ ဘောင်းဘီမပါပဲ(Bottomless) အိပ်စက်ခြင်း ၊ တစ်နည်းအားဖြင့် ကိုယ်တုံးလုံး အိပ်စက်ခြင်းဟာ ရှက်စရာ ကောင်းတယ်လို့ မြင်နေသူတွေအတွက် ဆေးပညာရှုထောင့်ကနေ သတင်းတစ်ခု သယ်ဆောင်လာခဲ့ပါတယ်။ လူတစ်ယောက်ဟာ တစ်ညကို ပျမ်းမျှအားဖြင့် ၈ နာရီခန့် အိပ်စက်တဲ့အတွက် သင်အိပ်စက်နေတဲ့ ၈ နာရီကြာ အချိန်ကာလအတွင်းမှာ ကူးစက်ရောဂါ တွေနဲ့ အခြား ထူးဆန်းတဲ့ ရောဂါတွေ အချိန်မရွေးဖြစ်လာနိုင်တယ်ဆိုတာကို အရင်ဆုံး သိထားပါ။ ကိုယ်တုံးလုံး အိပ်စက်ခြင်း ရဲ့ ကောင်းကျိုးတွေကတော့ အောက်ပါအတိုင်းပဲ ဖြစ်ပါတယ်။

 

အမျိုးသမီး လိင်အင်္ဂါဟာ အသက်ရှုခွင့်ရဖို့လိုအပ်ပါတယ်

 

ကျန်းမာရေး အမြင်နဲ့ ပွင့်ပွင့်လင်းလင်းပဲ ပြောရမယ်ဆိုရင်တော့ အမျိုးသမီး လိင်အင်္ဂါဆိုတာဟာ အမွှေးအမျှင် ထူထပ်သလို စိုစွတ်မှုလည်း ရှိနေပါတယ်။ အဲဒီအနေအထားဟာ အခြေခံအားဖြင့် ကူးစက်ပိုးမွှား တွေ ဖြစ်ပေါ်ရောက်ရှိလာစေမယ့် အနေအထေားမျိုးပါ။ အဲဒီလို အနေအထားမျိုးမှာ ကောင်းမွန်တဲ့ pH ပမာဏ (သို့) Acidity ပမာဏ လုံလောက်စွာမရှိခဲ့ရင်တော့ ကူးစက်ပိုးမွှားတွေဝင်ရောက်လာမှာ ကျိန်းသေပါပဲ။ ဒီလိုအနေအထားမျိုး မဖြစ်စေဖို့ ကိုယ်တုံးလုံး အိပ်စက်ခြင်းဟာ အသင့်တော်ဆုံး ဖြစ်နေပါတယ်။

 

အမျိုးသားတွေရဲ့ မျိုးပွားနိုင်စွမ်း ကို မသတ်လိုက်မိဖို့လိုအပ်ပါတယ်

 

အမျိုးသားတွေအတွက်တော့ အောက်ခံ ဘောင်းဘီ ဝတ်ပြီး အိပ်စက်ခြင်းဟာ သုတ်ပိုးထုတ်လုပ်နိုင်မှုကို ရပ်တန့်လိုက်တာနဲ့ အတူတူပါပဲ။ Men’s Health သတင်းဌာန ရဲ့ဖော်ပြချက်အရတော့ သင့်ရဲ့ ကပ္ပာယ်အိတ်ဟာ အမျိုးသမီးလိင်အင်္ဂါတွေလိုပဲ အသက်ရှုခွင့်ရဖို့လိုအပ်ပါတယ်။ ကပ္ပာယ်အိတ်(ဝှေးစေ့)တွေအတွက် အကောင်းဆုံး အပူချိန်ဟာ ၉၅ ဒီဂရီ ပတ်ဝန်းကျင်ပဲ ဖြစ်ပါတယ်။ ဒီအပူချိန်ဟာ သင့်ခန္ဓာကိုယ်အပူချိန်လောက်တောင် မရှိပါဘူး။ ကပ္ပာယ်အိတ်ဟာ အပူချိန်လွန်ကဲလာတာနဲ့အမျှ သုတ်ပိုးထုတ်လုပ်မှုဟာ ကောင်းမွန်ခြင်း မရှိတော့ရာကနေ မျိုးမအောင်ခြင်း အထိပါ ဖြစ်သွားနိုင်ပါတယ်။

 

အိပ်ရေးဝဖို့လည်း လိုအပ်ပါတယ်

 

လူဆိုတာ ပူရင် အိပ်မပျော်ကြပါဘူး။ သုတေသနတွေများစွာကလည်း ဖော်ပြခဲ့ပြီးဖြစ်ပါတယ်။ အဝတ်အစားမပါပဲ ကိုယ်တုံးလုံး အိပ်စက်ခြင်းဟာ အိပ်ရေးဝပြီး အင်အားပြည့်ဝစွာ နိုးထလာစေနိုင်ပါတယ်။

 

Credit : Trend Myanmar