ဂင်းနစ် စံချိန်တင် Converse ရှူးဖိနပ် ပိုင်ဆိုင်သူ

10 May 2016 1,558 Views

အမေရိကန် နိုင်ငံမှာ Joshua Mueller လို့ အမည်ရတဲ့ လူငယ် တစ်ဦးဟာ ကမ္ဘာပေါ်မှာ Converse အမှတ်တံဆိပ် ပါ ရှူးဖိနပ် အများဆုံး ပိုင်ဆိုင်သူ အဖြစ် စံချိန်တင်ခဲ့ ပါတယ်။ စုစုပေါင်း Converse ရှူးဖိနစ် အရံပေါင်း ၁၅၄၆ ရံတောင် ရှိတာ ဖြစ် ပါတယ်။ တစ်ရက်ကို တစ်ရံပဲ စီးမယ် ဆိုရင်တောင် ၄ နှစ်လုံးလုံး စီးလို့ ရပါတယ်။ ၂၀၁၂ ခုနှစ် မတ်လ ၈ ရက်နေ့က စံချိန်တင်ခဲ့တာ ဖြစ်ပါတယ်။

ဒီနေ့ထဲလည်း ဖိနပ်စုတာ မရပ်သေး ပါဘူး။ Converse (အော်စတား) ရှူးဖိနပ် ကို ခရေဇီဖြစ်ပြီး ကြိုက်နှစ်သက်သူ လူငယ်လေး ဖြစ်ပါတယ်။ ညစ်ပတ်တဲ့ လမ်းခရီးကို သွားရမယ်ဆိုရင် ဖိနပ်စီးထားတဲ့ ခြေထောက်ကို ပလပ်စတစ်အိတ်နဲ့ စွပ်တဲ့အထိ Converse ကို တန်ဖိုး ထားပါတယ်။ ဒါကြောင့်မို့ အရံပေါင်း ၁၅၀၀ ကျော် ပိုင်ဆိုင်တဲ့ Joshua Mueller ကို ကမ္ဘာ ပေါ်မှာ Converse အမှတ်တံဆိပ် ပါ ရှူးဖိနပ် အများဆုံး ပိုင်ဆိုင်သူ အဖြစ် ဂင်းနစ် စံချိန် တင်စေ ခဲ့ ပါတယ်။