နိုင်ငံခြား သူတွေနဲ့ အဆင်မပြေ ဖြစ်နေတဲ့ ကျိုက်ထီးရိုး ဂေါပကအဖွဲ့
19 Feb 2016 1,497 Views
အမျိုးသမီး မဝင်ရ၊ မတက်ရ ဆိုတဲ့ ကိစ္စတွေနဲ့ ပတ်သတ်ပြီး နိုင်ငံခြား သူတွေရဲ့စောဒက တက်တာကို အများဆုံးဖြေရှင်း နေရတဲ့ ဂေါပက အဖွဲ့ ၊ ကျိုက်ထီးရိုး စေတီတော် ဂေါပကအဖွဲ့အနေနဲ့ အမျိုးသမီး မဝင်ရ ၊ မတက်ရဆိုတဲ့ ကိစ္စတွေနဲ့ ပတ်သတ်ပြီး နိုင်ငံခြားသူတွေ စောဒကတက်တာကို အများဆုံးကြုံတွေ့ ဖြေရှင်းနေရပါတယ်။
လာရောက်လေ့လာ ဖူးမျှော်ကြတဲ့ နိုင်ငံခြားသူ အများစုက ကျိုက်ထီးရိုးဘုရားကို အနီးကပ်ဖူး မျှော်ချင်ပြီး ရွှေသင်္ဃန်းကပ်လိုတာကြောင့် စောဒကတက်ကြတာ များပါတယ် ။
ဒီလိုခွင့်မပြုတာတွေကြောင့် နိုင်ငံခြားသားဝင်ကြေးတွေကို ပြန်လည်တောင်းခံတာတွေ ရှိနေကြတယ်လို့ ဝင်ကြေးကောက်ခံတဲ့ နယ်စပ်စည်ပင် ဝန်ထမ်းတစ်ဦးက ပြောပါတယ်။" ကိုယ့် ယဉ်ကျေးမှုကို သူတို့နားလည်အောင် ရှင်းပြနိုင်တဲ့ ဧည့်လမ်းညွှန်ပါရင် သူတို့သိချင်တာကို နားလည်အောင်ရှင်းပြရင်တော့ သူတို့လက်ခံကြတယ်။ " လို့ ဧည့်လမ်းညွှန်တစ်ဦးက ပြောသွားခဲ့ပါတယ်။
မြန်မာနိုင်ငံရဲ့ ဓလေ့ထုံးစံကို နားမလည်တဲ့သူတွေ ဧည့်လမ်းညွှန်မပါတဲ့ သူတွေ က ဇုန်ဝင်ကြေးပေးရတာချင်းအတူတူ ဝင်ခွင့်မရလို့ စောဒကတက်တာ ဖြစ်နိုင်တယ်လို့ လည်း ဧည့်လမ်းညွှန်တစ်ဦးက ပြောပါတယ်။ဘာသာစကားတတ်ကျွမ်းတဲ့သူ မရှိတဲ့ အခက်အခဲကြောင့် လက်ရှိအချိန်မှာ ဒီပြဿနာကိုဖြေရှင်းဖို့ မဖြစ်နိုင်သေးဘူးလို့ ဂေါပက အဖွဲ့ က ပြောသွားခဲ့ပါတယ်။
