မြန်မာ အလုပ် သမားများ လုပ်အားခ ဘတ်ငွေ ၃.၄သန်း အလိမ် ခံရ
29 Jan 2016 1,565 Views
ဇန်န၀ါရီလ ၂၇ ရက်နေ့  ၂၀၁၆ခုနှစ် နံနက် ၉ နာရီခွဲခန့် တွင် ရွှေ့ ပြောင်း မြန်မာ အလုပ်သမား ၁၂၁ဦးခန့်  ထိုင်းနိုင်ငံ ချင်းမိုင်မြို့ ရှိ အလုပ်သမားနှင့် လူမှုဖူလုံရေး ဌာနသို့ ပါဖက်တို( เปอร์เฟตโต) ကုမ္ပဏီနှင့် ပတ်သက်၍ မိမိတို့ ၏ ရသင့်ရထိုက်သော အခွင့်အရေးနှင့် တရားမျှတရေးကို လာရောက် ဆန္ဒ ဖော်ထုတ် တောင်းဆို ခဲ့ကြသည်။
ရွှေ့ ပြောင်း အလုပ်သမားများထဲမှ ကိုယ်စားလှယ်တစ်ဦး၏ ပြောချက်အရ ကျွန်တော်တို့ အားလုံးဟာ ပါဖက်တို့ ( เปอร์เฟตโต) ကုမ္ပဏီက အလုပ် ထုတ်ခံလိုက်ရတဲ့ အလုပ်သမား တွေပါ ၊အဲဒီ ကုမ္ပဏီရဲ့ ဆောက်လုပ်ရေး ဆိုဒ် တွေဖြစ်တဲ့ စတားအီဝင်းနယူး ၊ဒီဟာမော ၊The spring condominium စတဲ့ ဆိုဒ် ၃ နေရာမှာ အလုပ်လုပ်ခဲ့တဲ့ အလုပ်သမားတွေ ဖြစ်ပါတယ်၊၂၀၁၅ ဒီဇင်ဘာလ ၁၆ ရက်နေ့ မှ ၂၀၁၆ ဇန်န၀ါရီလ ၁၅ ရက်နေ့ အထိ လုပ်အားခ ငွေစုစုပေါင်း ဘတ် ၉၀၆၉၈၈.၈၀ နဲ့  ကြိုတင်ငွေတစ်ပတ်စာ ဘတ် ၅၅၄၈၅၀ ၊ အလုပ်ထုတ်လိုက်တဲ့ အတွက် အလုပ်သမား နစ်နာကြေးငွေ ဘတ် ၂၀၃၆၁၀၀၊ စုစုပေါင်း ဘတ် ၃၄၆၁၆၀၂.၈၀ ကို ကုမ္ပဏီက ကျွန်တော်တို့ ကိုပေးချေရမှာ ဖြစ်ပါတယ်။
ဇန်န၀ါရီလ ၂၂ ရက်နေ့ လောက်က အလုပ်သမားတွေ နေတဲ့ အဆောင်ကို ရေဖြတ်မီးဖြတ် လုပ်လိုက်တဲ့ အတွက် အလုပ်သမားတွေဟာ ကိုယ့်ဘာသာကိုယ် နေစရာအသစ် လိုက်ရှာနေရတာဖြစ်ပါတယ်။
အလုပ်ရှင်အားလုပ်ခလစာနဲ့ မိမိတို့ ၏ရပိုင်ခွင့်ကို တောင်းဆိုဖို့ ဆက်သွယ်သွားရာမှာ အဆက်အသွယ်မရတော့သဖြင့် ကုမ္ပဏီရုံးခန်းအထိသို့ သွားရာတွင် ရုံးခန်းလည်း ပိတ်လိုက်ပြီဖြစ်ပါတယ်။
ဇန်န၀ါရီလ ၂၁ ရက်နေ့မှာ ရွှေ့ ပြောင်း အလုပ်သမားများဟာ လူမှုရေး အသင်းအဖွဲ့ ဖြစ်တဲ့ (Migrant Workers Federation)အဖွဲ့ အား ဥပဒေနှင့်အညီ မိမိတို့ ကို ကူညီဆောင်ရွက်ပေးရန် တောင်းဆိုထားပြီးဖြစ်ကြောင်း ပြောကြား ထားပါတယ်။
Credit source:
MTF Channel
https://www.facebook.com/mtftv/
