လေပွခြင်း (သို့မဟုတ်) Flatulence

28 Jan 2021 3,250 Views

လေပွခြင်း ဆိုသည်မှာ ဇီဝကမ္မဖြစ်စဉ်တစ်ခုဖြစ်ပြီး လူတိုင်းကြုံတွေ့ရလေ့ရှိသည်။ ပျမ်းမျှအားဖြင့် သာမန်လူတစ်ယောက်သည် ၅ ကြိမ်မှ ၁၀ ကြိမ်အထိ လေလည်လေ့ရှိပြီး အချို့သည်လည်း ဒီထက်များကြနည်းကြပါသည်။ သာမန်ထက်လွန်ကဲ၍ ကျယ်လောင်စူးရှစွာ လေလည်တတ်သူများသည် လူကြားထဲတွင်အနေခက် အထိုင်ခက်ဖြစ်ရသည်။

ဖြစ်ပွားရသောအကြောင်းရင်းများ

လေများများမျိုချမိခြင်း

ပုံမှန်အသက်ရှူခြင်း အစာစားခြင်းတို့တွင် လေမျိုချလေ့ရှိကြသည်။ လေများများမျိုချမိနိုင်သည့် အခြေအနေများမှာ

· ပီကေဝါးခြင်း

· ဆေးလိပ်သောက်ခြင်း

· ဘောပင်အဖုံးစုပ်ခြင်း

· အံတု သွားတုများ ချောင်နေခြင်း

· အစာများကို အလောတကြီးမျိုချခြင်း တို့ဖြစ်ပါသည်။

လေပွစေသည့်အစားအသောက်များ

ခန္ဓာကိုယ်မှ စုပ်ယူရန်ခက်ခဲသည့် ကာဘိုဟိုက်ဒြိတ်ဓာတ်များပါသည့် အစာများမှာ..

· ပဲအမျိုးမျိုး

· ပန်းဂေါ်ဖီ၊ ဂေါ်ဖီထုပ်

· ကြက်သွန်

· ဆီးသီး

· စပျစ်သီးခြောက်

· ပန်းသီး

· Broccoli

· Fructose ဓာတ်ပါသော အစားအသောက်များ

ကျန်းမာရေးအခြေအနေများ

· အစာမကြေခြင်း

· ဝမ်းချုပ်ခြင်း

· အူလမ်းကြောင်းလှုပ်ရှားမှု မူမမှန်ရောဂါ (Irritable Bowel Syndrome)

· Coeliac Disease

· Lactose Intolerance (နို့တွင်ပါသော Lactose နှင့် ဓာတ်မတည့်ခြင်း)

· ဝမ်းပျက်ဝမ်းလျှော

· အူနံရံမှ အစာကောင်းကောင်း မစုပ်နိုင်ခြင်း

ဆေးဝါးများ

· NSAID အမျိုးအနွယ် အကိုက်အခဲပျောက်ဆေးများ

· အချို့သော ဝမ်းချူဆေးများ

· မှိုသတ်ဆေးများ

· Statinအုပ်စုဝင် အဆီကျဆေးများ

ဆရာဝန်ပြသသင့်ချိန်

· တောက်လျှောက်ဗိုက်ရစ်နေပြီး ရင်ပြည့်ရင်ကယ်ဖြစ်နေခြင်း

· ခဏခဏ ဝမ်းပျက်ခြင်း

· အကြောင်းမဲ့ပိန်ကျသွားခြင်း

· ဝမ်းမထိန်းနိုင်ခြင်း

· ဝမ်းထဲသွေးပါနေခြင်း

· အဖျားတက်ခြင်း၊ ချမ်းတုန်ခြင်း၊ အဆစ်အမြစ်ကိုက်ခြင်း၊ ကြွက်သားနာခြင်း အစရှိသည့် ပိုးဝင်သော လက္ခဏာများပြခြင်း

မည်ကဲ့သို့ထိန်းသိမ်းမည်နည်း

အစားအစာနှင့် လူနေမှုဘဝပြင်ဆင်ခြင်းများဖြင့် ထိန်းသိမ်းနိုင်ပါသည်။ ဥပမာအားဖြင့်...

· လေပွစေသော အစားအစာများ ရှောင်ရှားခြင်း

· အစာကို နည်းနည်းနှင့် ဖြည်းဖြည်းစီ စားခြင်း

· လေ့ကျင့်ခန်း မှန်မှန်ပြုလုပ်ခြင်း

Charcoal tablets သို့ Simethicone အစရှိသောဆေးများ သောက်သုံးပေးနိုင်ပါသည်။ ကျန်းမာရေးအခြေအနေတစ်ခု အခံရှိပါက ပျောက်ကင်းအောင်ကုသရန် ဆရာဝန်အကူအညီလိုအပ်ပါသည်။

Credit: