မြို့မကျောင်းလမ်းရှိ အမျိုးသားဇာတ်ရုံ အကြီးစားပြန်လည်ပြင်ဆင်မှု (၅၂%) ပြင်ဆင်ပြီးစီး

11 Jan 2021 1,624 Views

တရုတ်နိုင်ငံမှ မြန်မာနိုင်ငံသို့ ၁၉၉၀ ပြည့်နှစ်၊ ဒီဇင်ဘာလ တွင်လှူဒါန်းထားသည့်ရန်ကုန်မြို့၊ မြို့မကျောင်းလမ်းတွင်ရှိသော အမျိုးသားဇာတ်ရုံအား ၂၀၁၉ ခုနှစ်မှစတင်၍ (၂) နှစ်တာ လုပ်ငန်းအစီအစဉ်ဖြင့် ဇာတ်ရုံအတွင်းပိုင်းပြင်ဆင်မှုများအား တရုတ်နိုင်ငံမှပညာရှင်များက တာဝန်ယူပြင်ဆင်လျက်ရှိပါသည်။

COVID - 19 ကာလအတွင်းမှာပင် လုပ်ငန်းခွင်ရပ်နားခြင်းမရှိဘဲ ပြည်တွင်းပြည်ပအလုပ်သမား (၁၀၀) ကျော်အားအမျိုးသားဇာတ်ရုံဝင်းအတွင်း camp ထားရှိကာ လုပ်ငန်းခွင်အား လည်ပတ်စေခြင်းဖြစ်သဖြင့် ယခုအခါ ဇာတ်ရုံပြင်ဆင်မှုမှာ (၅၂%) ပြီးစီးနေပြီဖြစ်သည်။

ယခုအခါ နှစ်ပေါင်း(၃၀)ကျော်ကြာမြင့်နေပြီဖြစ်သည့် အမျိုးသားဇာတ်ရုံ (ရန်ကုန်) ၏ ပင်မအဆောက်အအုံ ကြံ့ခိုင်မှု၊ အသံစနစ်၊ မီးအလင်းအမှောင်စနစ်၊ LED စနစ်၊လေအေးပေးစက်စနစ်များအား ပြန်လည်စစ်ဆေးမွမ်းမံမှုများ ပြုလုပ်နေကာ ဇာတ်ရုံကြီး၏ လုံခြုံမှုအဆင့်အတန်းအတွက် CCTV များတပ်ဆင်မည်ဖြစ်သည်။ ထို့အပြင် မျှော်လင့်မထားသည့် မတော်တဆမှုအန္တရာယ် ပေါ်ပေါက်လာပါက မီးငြိမ်းသတ်ရေးစနစ်နှင့် ဧည့်ပရိသတ်များ အဆောက်အအုံတွင်းမှ အလွယ်တကူထွက်ခွာနိုင်ရန်စနစ်များလည်း ဖြည့်ဆည်းတပ်ဆင်သွားမည် ဖြစ်သည်။

Photo credit