မန္တလေးမြို့ရှိ COVID-19 ကုသရေးဆေးရုံများနှင့် Quarantine Center များမှ နေ့စဉ်ထွက်ရှိသော စွန့်ပစ်အမှိုက်များအား Biohazard သီးသန့်ယာဉ်ဖြင့် စနစ်တကျလိုက်လံ သိမ်းဆည်းပေးနေ
08 Oct 2020 1,475 Views
မန္တလေးမြို့တော် စည်ပင်သာယာရေးကော်မတီ နယ်နိမိတ် (၆)မြို့နယ်အတွင်းရှိ COVID-19 ကုသရေး ဆေးရုံများနှင့် Quarantine Center များမှ နေ့စဉ်ထွက်ရှိသော စွန့်ပစ်အမှိုက်များအား Biohazard သီးသန့်ယာဉ်ဖြင့် လိုက်လံသိမ်းဆည်းကာ တောင်အင်းမြောက်အင်းရှိ အမှိုက်မီးရှို့စက်တွင် စနစ်တကျ မီးရှို့ဖျက်ဆီးပေးလျက်ရှိကြောင်း သိရသည်။
လက်ရှိတွင် COVID-19 အတည်ပြုလူနာများထားသော ဆေးရုံကြီးများအပါအ၀င် Quarantine Center ပေါင်း (၁၈)ခုမှ နေ့စဉ်အမှိုက်တန်ချိန် စုစုပေါင်း (၃)တန်ခွဲလောက်အထိ ထွက်ရှိနေပြီး သန့်ရှင်းရေး ၀န်ထမ်းများကိုလည်း PPE ၀တ်စုံများ အပြည့်အစုံ၀တ်ဆင်စေကာ လုပ်ကိုင်ဆောင်ရွက်ခိုင်းလျက် ရှိကြောင်း သိရသည်။
MRTV
