National COVID-19 Call Center အား နေ့စဉ် နံနက် (၉)နာရီမှ ညနေ(၅)နာရီ အထိ ဖွင့်လှစ်၍ ဝန်ဆောင်မှုပေးလျက်ရှိ
24 Sep 2020 1,367 Views
COVID -19 ကာလ လူထုကျန်းမာရေး အသိပညာမြှင့်တင်ခြင်းဆိုင်ရာ အကြောင်းအရာများနှင့် COVID -19 ရောဂါဆိုင်ရာအကြောင်းအရာများကို ပြည်သူများ လေ့လာသိရှိနိုင်ရန်အတွက် ကျန်းမာရေးနှင့် အားကစားဝန်ကြီးဌာနမှ National COVID-19 Call Center ကို နေ့စဉ် နံနက် (၉)နာရီမှ ညနေ(၅)နာရီအထိ ရန်ကုန်မြို့၊ ဆေးသုတေသနဦးစီးဌာန၌ ဖွင့်လှစ်ပြီး ဝန်ဆောင်မှုပေးလျက်ရှိကြောင်း သိရသည်။
ပြည်သူများအနေဖြင့် COVID -19 ရောဂါဆိုင်ရာ အကြောင်းအရာများကို သိရှိလိုပါက National COVID-19 Call Center ဖုန်း (2019) သို့ ဆက်သွယ်ခေါ်ယူ မေးမြန်းနိုင်ပါသည်။ National COVID-19 Call Center ဝန်ဆောင်မှုပေးရာတွင် ဆေးသုတေသနဦးစီးဌာနမှ ဝန်ထမ်း(၄၃) ဦး၊ မြန်မာနိုင်ငံဆရာဝန်အသင်းနှင့် စေတနာ့ဝန်ထမ်း ဆရာဝန်(၁၇)ဦး စုစုပေါင်း (၆၀) ဦးဖြင့် ဖွင့်လှစ် ထားရှိကြောင်း ဆေးသုတေသနဦးစီးဌာနမှ ညွှန်ကြားရေးမှူးချုပ် ဒေါက်တာဇော်သန်းထွန်းက ပြောကြားသည်။
MRTV
