မော်လမြိုင်တွင် ကိုဗစ်လူနာအသစ် ၄ ဦး ထပ်တွေ့ရှိ
10 Sep 2020 1,352 Views
ကျန်းမာရေးနဲ့ အားကစားဝန်ကြီးဌာနက စက်တင်ဘာ ၉ ရက်နေ့ ညပိုင်း ထုတ်ပြန်လိုက်ပါတယ်။ အသစ်ထပ်တွေ့တဲ့ ကိုဗစ်လူနာ ၄ ဦးမှာ ၃ ဦးဟာ ရန်ကုန်မြို့နေ သင်္ဘောသား ၁ ဦးဖြစ်တဲ့ ကိုဗစ်လူနာအမှတ် ၇၇၁ ကနေ ကူးစက်ခံထားရတဲ့ ကိုဗစ်လူနာအမှတ် ၉၁၆ ကတဆင့် ကူးစက်ခံခဲ့ရသူတွေ ဖြစ်ပါတယ်။ သူတို့ ၃ ဦးဟာ မော်လမြိုင် အောက်ကျင်းရပ်ကွက်နေသူတွေ ဖြစ်ပြီး မော်လမြိုင် တက္ကသိုလ် ၁၀ မြို့နယ် အဆောင်မှာ အသွားအလာကန့်သတ်ထားတာပါ။
အသစ်ထပ်တွေ့တဲ့ လူနာ ၄ ဦးမှာ ကျန် ၁ ဦးကတော့ မော်လမြိုင်က သေဆုံးသွားတဲ့ ကိုဗစ်လူနာအမှတ် ၁၆၂၉ ရဲ့ နေအိမ် အပေါ်ထပ်နေသူ ဖြစ်ပါတယ်။ လက်ရှိမှာတော့ သူနဲ့ထိတွေ့ခဲ့တဲ့သူတွေကို contact လိုက်ပြီး quarantine ကို ပို့ဆောင်နေတာပါ။ မွန်ပြည်နယ်မှာတော့ အခုအခါ ကိုဗစ်လူနာ ၂၁ ဦးအထိ ရှိလာခဲ့ပြီး အဲဒီထဲမှာ ၁ ဦး သေဆုံးထားတာပါ။
ဒီဗွီဘီ
#popolay #popolaytv #news #မော်လမြိုင် #မွန်ပြည်နယ်
