အသက်(၅)နှစ်သာ ရှိသေးသောကလေးငယ်ကို ပိုင်ရှင်မဲ့ခွေး (၈)ကောင် ဝိုင်းကိုက်
30 Jun 2020 1,567 Views
လူမှု့ပတ်ဝန်းကျင်မှာ ခွေးများကို အိမ်မွေးတိရစ္ဆာန်အဖြစ်မွေးမြူကြပါတယ်။ သို့ပေမဲ့ ပိုင်ရှင်မဲ့ခွေးများ၊ ခွေးလေခွေးလွင့်များကို လမ်းတော်တော်များများတွင် တွေ့ရပါတယ်။ ရန်ကုန်တိုင်းဒေသကြီး သဃ်န်းကျွန်းမြို့နယ်လေးထောင့်ကန်ရပ်ကွက် ရိပ်သာလမ်း အပိုင်း ၈ နှင့် အပိုင်း ၂ ကြား တွင် အသက် ( ၅ ) နှစ်သာရှိသေးသော မအေးချမ်းမိုး ဆိုသူအား ပိုင်ရှင်မဲ့ခွေး ၈ ကောင် ဝိုင်းကိုက်သောကြောင့် ဒဏ်ရာအမြောက်အမြားရရှိခဲ့ပြီး စံပြဆေးရုံသို့ပို့ဆောင်ပြီး ဆေးကုသမှုပြုလုပ်ခဲ့ကြောင်းသိရပါတယ်။
ဖြစ်စဉ်မှာ 29.6.20 တနင်္လာနေ့ မနက် 7 နာရီ 10 မိနစ် အချိန်ခန့်တွင် ဈေးရောင်းနေသော မိခင်နောက်သို့ မအေးချမ်းမိုးလိုက်သွားရာမှ ပိုင်ရှင်မဲ့ ခွေး ၈ ကောင်မှ ဝိုင်းကိုက်ဆွဲခဲ့ရတယ်လို့သိရပါတယ်။ ပုံမှန်ဆို ကလေးက အစ်ကိုဖြစ်သူနဲ့ အိမ်ရှေ့မှာဆော့နေကျ ဖြစ်ချင်လို့ အဲနေ့က သူ့အစ်ကိုဖြစ်သူက လာမဆော့တော့ ကလေးက တစ်ယောက်ထဲထွက်သွားတာကို အိမ်ကလူတွေမသိလိုက်ဖူးလို့ အဒေါ်ဖြစ်သူမှ ဆိုပါတယ်။
ယခုအချိန်မှာတော့ ကလေးငယ်ကတော့ သက်သာနေပြီ။ ထို့ကြောင့် ခွေးလေခွေးလွင့်များ၊ ပိုင်ရှင်မဲ့ခွေးများ အန္တရာယ်ကို သတိထားရန်အတွက် ကလေးမိဘများအနေဖြင့် ဒီလိုအဖြစ်မျိုးမဖြစ်ရလေအောင် ကလေးများကို သေချာကြည့်ရှု့စောင့်ရှောက်ပေးဖို့နဲ့ လွှတ်မထားဖို့ကို တိုက်တွန်းချင်ပါတယ်ရှင်။
