အဆိုတော်စိုင်းဆိုင်မော့ဝ် ကွယ်လွန်သည်ဆိုတဲ့ သတင်းမှာ မဟုတ်မှန်
03 Jan 2020 1,731 Views
သီချင်းအေးအေးလေးတွေနဲ့ ရှမ်းပြည်ကိုအမြဲလာလည်ဖို့ ဖိတ်ခေါ်တတ်တဲ့ ရှမ်းသီချင်းကောင်းလေးတွေကို သီကုံးဖွဲ့ဆိုတတ်သူ ရှမ်းလူမျိုး အဆိုတော်စိုင်းဆိုင်မော့ဝ်ဟာဆိုရင် တစ်ချိန်က လက်ဖက်ရည်ဆိုင်တွေ၊ ကော်ဖီဆိုင်တွေနဲ့ နေရာတော်တော်များများမှာ သူ့သီချင်းသံငြိမ့်ငြိမ့်လေးတွေက အမြဲနေရာယူထားခဲ့သည်သာ။ ရှမ်းပြည်ကြီးနဲ့ ရှမ်းမလေးတွေအကြောင်းကိုဖွဲ့နွဲ့သီဆိုတတ်လွန်းလို့ သူ့သီချင်းလေးတွေကြားလိုက်တိုင်း ရှမ်းပြည်ကြီးကို ခဏခဏအလည်သွားချင်စိတ်တွေဖြစ်ခဲ့ရတာ အကြိမ်ကြိမ်ခါ။
>>Read More ကိုနှိပ်ပြီး ဆက်လက်ဖတ်ရှုပါ<<
သီချင်းချစ်သူတိုင်း ကြိုက်နှစ်သက်အားပေးခဲ့ရတဲ့ အဆိုတော်ကြီးစိုင်းဆိုင်မော့ဝ်ဟာဆိုရင် အသက်အရွယ်ကြီးရင့်လာတာကြောင့် ကျန်းမာရေးလဲမကောင်းဖြစ်လာပါတယ်။ ပြီးခဲ့တဲ့နှစ်တုန်းကလည်း ကျန်းမာရေးအခြေအနေမကောင်းတာကြောင့် ဆေးကုသမှုခံယူခဲ့ရပြီး ပြန်လည်ထူထူထောင်ထောင်နဲ့ ကျန်းကျန်းမာမာဖြစ်လာပါသေးတယ်။
လက်ရှိအချိန်မှာတော့ လူမှုကွန်ယက်ပေါ်မှာ စိုင်းဆိုင်မော့ဝ်ကွယ်လွန်သွားပြီဆိုတဲ့ သတင်းတွေကတက်လာခဲ့ပါတယ်။ အသက် ၇၅ နှစ်ရှိပြီဖြစ်တဲ့ အဆိုတော်စိုင်းဆိုင်မော့ဝ်ဟာဆိုရင် ကျန်းမာရေးမကောင်းဖြစ်နေတာ နှစ်အတော်ကြာပါပြီ။ လက်ရှိမှာလဲ ကျန်းမာရေးအခြေအနေဆိုးလာတာကြောင့် ကျောက်ကပ်နဲ့အာရုံကြောရောဂါနဲ့ မန္တလေးမြို့ရှိ မန္တလာဆေးရုံကြီးမှာ ဆေးကုသမှုခံယူနေတာဖြစ်ပါတယ်။
ယနေ့မှာတော့ လူမှုကွန်ယက်ပေါ်မှာ တေးသံရှင်စိုင်းဆိုင်မော့ဝ် ကွယ်လွန်ပြီဆိုတဲ့သတင်းတွေက ရုတ်ချည်းထွက်ပေါ်လာခဲ့ပြီး ထိုသတင်းကြောင့် ပရိသတ်တွေက စိုင်းဆိုင်မော့ဝ်အတွက် ဝမ်းနည်းစိတ်မကောင်းဖြစ်နေကြတာကိုတွေ့ရပါတယ်။ အမှန်တကယ် အဆိုတော်စိုင်းဆိုင်မော့ဝ်ကွယ်လွန်တယ်ဆိုတဲ့ သတင်းဟာ သတင်းအမှားသာဖြစ်ပြီး စိုင်းဆိုင်မော့ဝ်ဟာ ဆေးကုသမှုခံယူနေတာဖြစ်ကြောင်းကို မန္တလေးဆေးရုံမှ တာဝန်ရှိသူတစ်ဦးက ပြည်မြန်မာဂျာနယ်ကို ယခုလိုထုတ်ပြောခဲ့ပါတယ်။
သူပြောခဲ့တာက ‘အဆိုတော်စိုင်းဆိုင်မော့ဝ် အခန်းနံပါတ် (၆၂၃) မှာ ဆေးကုသမှုခံယူနေပါတယ်။ ကောင်းပါတယ်၊ ဆေးရုံကလဲ ဂရုစိုက်ပါတယ်’ လို့ ပြောခဲ့တာဖြစ်ပါတယ်။ ဒါ့အပြင် အဆိုတော်စိုင်းဆိုင်မော့ဝ်ရဲ့သမီးကလဲ မီဒီယာတစ်ခုကို “ဖခင်ဖြစ်သူဟာ ကျောက်ကပ်နဲ့အာရုံကြောရောဂါကြောင့် မန္တလာဆေးရုံကြီးတွင် ဆေးကုသမှုခံယူနေတာ (၅) ရက်ခန့်ရှိပြီဖြစ်ကြောင်း၊ ဖခင်ဖြစ်သူမှာ ပြန်လည်သက်သာလာပြီဖြစ်ကြောင်းနဲ့ ယခုထွက်ပေါ်နေသော စိုင်းဆိုင်မော့ဝ်သေးဆုံးသည် ဆိုတဲ့သတင်းများမှာလည်း မဟုတ်မမှန်ကြောင်း” ပြောပြသွားခဲ့ပါတယ်။
ကဲ ပရိသတ်ကြီးရေ တေးသံရှင်ကြီး စိုင်းဆိုင်မော့ဝ် ကွယ်လွန်တယ်ဆိုတဲ့ သတင်းမှာ သတင်းအမှားသာဖြစ်ပြီး သူ့ရဲ့ကျန်းမာရေးအခြေအနေဟာ စောင့်ကြည့်ဆဲအနေအထားဖြစ်တာကြောင့် စိုင်းဆိုင်မော့ဝ်အတွက် ဝိုင်းဝန်းဆုတောင်းပေးသွားကြပါဦးနော်….
Source_Internet
(ပိုပိုလေး)
