We Love တွေဆီက နောက်ဆုံးပေါ် IPhone ကြီးနဲ့ စပရိုက်အလုပ်ခံလိုက်ရတဲ့ သက်မွန်မြင့်
24 Dec 2019 1,647 Views
ပရိသတ်အချစ်တော်မင်းသမီးတစ်ဦးဖြစ်သူ သက်မွန်မြင့်ကတော့ အနုပညာလောကထဲမှာ ကျင်လည်နေခဲ့တာ နှစ်အတော်ကြာပြီဖြစ်ပြီး အောင်မြင်ကျော်ကြားမှုတွေကို အများဆုံးရရှိထားတဲ့ ထိပ်တန်းစာရင်းဝင်မင်းသမီးတစ်ဦးပါ။ သူမကိုချစ်ခင်အားပေးကြတဲ့ ပရိသတ်တွေအတွက် အနုပညာအလုပ်တွေကို အကောင်းဆုံးကြိုးစားလုပ်ကိုင်နေသူဖြစ်ပြီး အကယ်ဒမီဆုတွေကိုလဲ ထိုက်ထိုက်တန်တန်ရရှိပိုင်ဆိုင်ထားပါတယ်။
>>Read More ကိုနှိပ်ပြီး ဆက်လက်ဖတ်ရှုပါ<<
ရုပ်ရှင်ကားများစွာကို မအားမလပ်အောင် ရိုက်ကူးနေရပြီး သူမပါဝင်ရိုက်ကူးထားတဲ့ ရုပ်ရှင်ကားကြီးတွေဟာဆိုရင်လဲ ဆက်တိုက်ဆိုသလိုကို ရုံတင်ပြသနေတာဖြစ်ပါတယ်။ လက်ရှိမှာတော့ ချစ်သက်တစ်ယောက် သူမကိုအခိုင်အမာအားပေးနေတဲ့ We Love တွေရဲ့ စပရိုက်အကြီးကြီးလုပ်ခြင်းခံလိုက်ရပါတယ်။ မနေ့ကကျင်းပပြုလုပ်ခဲ့တဲ့ ‘ချည်’ ရုပ်ရှင်ဇာတ်ကား Red Carpet Show မှာ ချစ်ရတဲ့ Fan တွေက သက်မွန်မြင့်ကို စပရိုက်လုပ်ခဲ့ကြတာဖြစ်ပါတယ်။
သူမရဲ့ Fan တွေက ‘ချည်’ ရုပ်ရှင် Red Carpet Show ကိုလာရောက်အားပေးခဲ့ကြပြီး အချစ်စာလွှာလေးတွေ၊ လက်ဆောင်လေးတွေနဲ့အတူ နောက်ဆုံးပေါ် IPhone 11 Pro ကြီးနဲ့ စပရိုက်အကြီးကြီးလုပ်ခဲ့တာဖြစ်ပါတယ်။ သက်မွန်မြင့်ကတော့ Fan တွေရဲ့လက်ဆောင်လေးတွေကြောင့် အရမ်းကိုကြည်နူးပျော်ရွှင်ခဲ့ပြီး ဝမ်းသာမျက်ရည်ကျတဲ့ထိ ဖြစ်ခဲ့တာကိုတွေ့ရပါတယ်။ သူမကိုချစ်လွန်းလို့ ချွေးနည်းစာလေးတွေနဲ့စုပြီးပေးတဲ့ တန်ဖိုးကြီးလက်ဆောင်မို့ ယူတောင်မယူရက်ဘူးလို့လဲ ဆိုပါတယ်။
သက်မွန်က သူမအတွက် တန်ဖိုးကြီးလက်ဆောင်တို့မလိုအပ်ကြောင်း၊ သူမကိုအချစ်တွေပေးတာနဲ့တင် လုံလောက်ပြီဖြစ်ကြောင်းနဲ့ သူမအနေနဲ့ အရမ်းကိုပျော်ရွှင်ရပြီး အံ့ဩဝမ်းသာဖြစ်ခဲ့မိကြောင်းကို ယခုလိုပဲရေးသားထားပါတယ်။
“တကယ် surprise အကြီးကြီးပါတော်! အရမ်းလန့်ပြီး တကယ် နောက်ဆုတ်ခဲ့တာပါ.. မယူချင်ဘူး မယူရက်ဘူး ကိုယ့်ကို ချစ်ကြ အားပေးကြတဲ့သူတွေ သူတို့မုန့်ဖိုးလေးတွေ ကိုယ့်ရုပ်ရှင်တွက်နဲ့ အချိန်ကုန် ငွေကုန် လူပန်းနေကြပြီးသားကို.. ဒီနှစ်ကုန်ဆို ကိုယ့်ကား ဆက်တိုက် သူတို့မှာ မျိုးစုံဝန်းရံရတာ တအား အားနာနေပါပြီ! ကိုယ်က ဘာမှလည်း ပြန်မလုပ်ပေးနိုင်ပဲနဲ့.. ဒါ ဒီလို တန်ဖိုးကြီးတွေ ပေးတာ နောက်ဆုံးပဲနော်.. ဒီတိုင်းလေး အားပေးဝန်းရံတာနဲ့တင် ဘဝ တခု ခိုင်မာနေပါပြီ.. ကျေးဇူး အထူးအထူးပါလို့” လို့ဆိုကာ We love တွေရဲ့ စပရိုက်ကြောင့် ပျော်ရွှင်ခဲ့ရပုံကို ရေးသားမျှဝေထားတာဖြစ်ပါတယ်။
ကြည့်မိရင်း အပျော်တွေပါကူးစက်သွားစေဖို့ We Love တွေရဲ့ စပရိုက်တိုက်ခံလိုက်ရတဲ့ သက်မွန်မြင့်ရဲ့ဗီဒီယိုဖိုင်ကိုပါ ဖော်ပြပေးလိုက်ပါတယ်။
Photos_Stun, Video_Skynet UptoDate
(ပိုပိုလေး)
