မြန်မာအဆန်ဆုံးနဲ့ နန်းဆန်ဆန်ဘွဲ့တက်ယူခဲ့တဲ့ ဖြူဖြူထွေး

20 Dec 2019 2,161 Views

ကျောင်းကပွဲတွေမှာ မြန်မာဝတ်စုံကြီးနဲ့ ခေတ်ဆန်ဆန်အကတွေကို တွဲဖက်ကပြခဲ့ရာမှ အွန်လိုင်းမှာထင်ရှားလာပြီး နာမည်ကြီးဖေ့စ်ဘွတ်ဆယ်လီတစ်ဦးဖြစ်လာသူ ဖြူဖြူထွေးဟာဆိုရင် အနုပညာလောကထဲကို စတင်ဝင်ရောက်ခဲ့စဉ်က သူမရဲ့ပြုမူနေထိုင်မှုပုံစံတို့ကြောင့် ဝေဖန်မှုတွေကိုအမျိုးမျိုးကြုံတွေ့ခဲ့ရပါတယ်။

>>Read More ကိုနှိပ်ပြီး ဆက်လက်ဖတ်ရှုပါ<<

ဖြူဖြူထွေးကတော့ သူမဝါသနာပါရာ အနုပညာအလုပ်တွေကို တစ်စိုက်မတ်မတ်နဲ့ အကောင်းဆုံးဖြစ်အောင် ကြိုးစားလုပ်ကိုင်နေသူတစ်ဦးဖြစ်ပြီး သူမကိုဝေဖန်ပြောဆိုသူတွေကိုလဲ အပြစ်မမြင် အမုန်းမပွားပဲ မေတ္တာနဲ့သာတုံ့ပြန်ဆက်ဆံခဲ့သူဖြစ်ပါတယ်။ ပရိသတ်ရဲ့ဝေဖန်သံတွေကိုနားထောင်ပြီး သူမကိုသူမ အကောင်းဆုံးဖြစ်အောင် ပြုပြင်ပြောင်းလဲခဲ့သူလဲဖြစ်ပါတယ်။

ဖြူဖြူထွေးရဲ့ အရှိကိုအရှိတိုင်း ပွင့်ပွင့်လင်းလင်းပြောဆိုဆက်ဆံတတ်ပုံ၊ ရိုးသားပြီးချစ်စရာကောင်းတဲ့စိတ်ထားလေးက သူမကိုအမြင်မကြည်သူတွေကိုတောင် တဖြည်းဖြည်းအချစ်ပိုလာစေခဲ့တာဖြစ်ပါတယ်။ အောင်မြင်ကျော်ကြားမှုတွေနဲ့အတူ တစ်နေ့ထက်တစ်နေ့ ပိုပိုလှလာတဲ့ ဖြူဖြူထွေးကတော့ ယခုဆိုရင် သူမကိုအားပေးကြတဲ့ ပရိသတ်အခိုင်အမာကို ရရှိပိုင်ဆိုင်ထားပြီပဲဖြစ်ပါတယ်။

ကျောင်းတစ်ဖက်နဲ့ အနုပညာအလုပ်တွေကို ကြိုးစားလုပ်ကိုင်နေတဲ့ ဖြူဖြူထွေးကတော့ ပညာရေးပိုင်းမှာ ဆုံးခန်းတိုင်အောင်မြင်ပြီး ဘွဲ့ရရှိခဲ့ပြီဖြစ်ပါတယ်။ ဒဂုံတက္ကသိုလ်တွင် ရုက္ခဗေဒဘာသာရပ်ဖြင့် ဘွဲ့ရရှိခဲ့တဲ့ ဖြူဖြူထွေးကတော့ မနေ့က ဒီဇင်ဘာလ (၁၉) ရက်နေ့မှာပြုလုပ်တဲ့ ဘွဲ့နှင်းသဘင် Rehersal အခမ်းအနားကို မိဘနှစ်ပါးရဲ့လက်ကိုတွဲကာ မြန်မာအဆန်ဆုံးနဲ့ နန်းဆန်ဆန်ဝတ်စားပြီး တက်ရောက်ခဲ့တာကိုတွေ့ရပါတယ်။

ထိုင်မသိမ်းဝတ်ဆုံလေးနဲ့ နန်းဆန်ဆန်ပြင်ဆင်ဝတ်စားလာတဲ့ ဖြူဖြူထွေးကတော့ အများသူငါကြားမှာ အတောက်ပဆုံးနဲ့ အခမ်းနားဆုံးဖြစ်နေခဲ့တာပါ။ ဘွဲ့နှင်းသဘင် Rehersal နေ့မှာ မိဘနှစ်ပါးရဲ့လက်ကိုတွဲပြီး အပျော်ရွှင်ဆုံးဖြစ်နေခဲ့တဲ့ ဖြူဖြူထွေးရဲ့အပျော်တွေကို မျှဝေခံစားနိုင်ဖို့ ဗီဒီယိုလေးကိုပါ မျှဝေပေးလိုက်ပါတယ်။