ပြည့်တန်ဆာနဲ့တူတယ်ဆိုပြီး ဝေဖန်တာမျိုးတောင်ကြုံခဲ့ဖူးတယ်လို့ ဆိုလာတဲ့ Wonder Girls အဖွဲ့ဝင်ဟောင်း Yubin
26 Nov 2019 1,672 Views
နာမည်ကျော် Kpop Girl Group, Wonder Girls ဟာဆိုရင် ဟောလိဝုဒ်ကို ပထမဆုံးထိုးဖောက်နိုင်ခဲ့တဲ့ Kpop အဆိုတော် အဖွဲ့တစ်ဖွဲ့ဖြစ်ခဲ့ပါတယ်။ Wondr Girls အဖွဲ့မှ ရက်ပ်သီဆိုသူ Yubin က နောက်မှအဖွဲ့ဝင် အသစ်အနေနဲ့ ဝင်ရောက်ခဲ့တာဖြစ်ပြီး ပွဲဦးထွက်အနေနဲ့ စတင်ဖျော်ဖြေတဲ့အချိန်မှာပဲ ပြင်းထန်တဲ့ ဝေဖန်မှုများနဲ့ ကြုံတွေ့ခဲ့ရတဲ့အကြောင်း SBS’s Street Feast မှာပြောပြလာပါတယ်။
“ကျွန်မ Wonder Girls အဖွဲ့ကို မဝင်ခင်တုန်းက hate comments (အမုန်းစကား) တွေကို ခံနိုင်ရဲ့လားဆိုပြီး မေးတာမျိုး ခံခဲ့ရတယ်။ ကျွန်မ သာမန်ဆယ်လီတွေထက် အမုန်းခံရတာ သက်သာအောင် နေပါ့မယ် ဆိုပြီး အဲ့တုန်းက ပြန်ပြောခဲ့သေးတာ”
“ကျွန်မ Wonder Girls ကို စဝင်တုန်းက လူတွေ ကျွန်မ အသားမဲလို့ဆိုပြီး ဝေဖန်ကြတယ်။ ကျွန်မပုံစံက ကြမ်းကြမ်းတမ်းတမ်းနဲ့ ကျန်တဲ့ အဖွဲ့ဝင်တွေကို စားတော့ ဝါးတော့မယ့်ပုံဆိုပြီးပြောကြပါတယ်။ ပြီးတော့ ညစ်တီးညစ်ပေ ပုံစံလို့လည်းပြောကြတယ်”
“ရုပ်ရည်နဲ့ ပတ်သတ်လို့ ဝေဖန်ခံရပြီးနောက်မှာ ကျွန်မ အသံနဲ့ ပတ်သတ်ပြီးဝေဖန်ခံရပြန်တယ်။ ကျွန်မအသံက လုံးဝမကောင်းဘူး ဘာညာပေါ့”
“ကျွန်မကို ပြည့်တန်ဆာဆိုပြီး စွပ်စွဲပြောဆိုလာတာမျိုးတွေတောင် ရှိလာတယ်။ ဒီသတင်းက မဟုတ်မမှန်ဆိုပေမဲ့ ကျွန်မ မိဘတွေ တော်တော်လေး စိတ်ထိခိုက်သွားရတယ် ” ဆိုပြီး ပြောပြလာပါတယ်။
Yubin ဟာ Wonder Girls အဖွဲ့ကို ၂၀၀၇ ခုနှစ်မှာ စတင် ဝင်ရောက်ခဲ့တာဖြစ်ပြီး ၂၀၁၈ မှာ တစ်ကိုယ်တော် အယ်လ်ဘမ်ထုတ်နိုင်ခဲ့ပြီး Mnet ကပြုလုပ်တဲ့ Unpretty Rapstar 2 မှာ ဝင်ရောက်ယှဉ်ပြိုင်ပြီးမှ ပရိတ်သတ် အသိအမှတ်ပြုမှုကို ရရှိခဲ့တာပဲဖြစ်ပါတယ်။
Ref:koreaboo
(ပိုပိုလေး)
