တစ်ကမ္ဘာလုံး ဘယ်မှာမှမရှိတဲ့ တိုက်ခေါင်းမိုးပေါ်က ဓါတ်ဆီဆိုင်
26 Nov 2019 1,724 Views
၆ ထပ်တိုက်ရဲ့ ခေါင်းမိုးပေါ်မှာ ဓါတ်ဆီဆိုင်ဆောက်ထားတာဆိုလို့ တစ်ကမ္ဘာလုံးမှာ ဒီတစ်ဆိုင်ပဲရှိပါလိမ့်မယ်။ တရုတ်နိုင်ငံ ချောင်ကွင်းမြို့မှာရှိတဲ့ SINOPEC ဓါတ်ဆီဆိုင်ဟာ တိုက်ရဲ့အောက်ဆုံးမှာ ဓါတ်ဆီဆိုင်တစ်ဆိုင်နဲ့ တိုက်ခေါင်မိုးပေါ်မှာ ဓါတ်ဆီဆိုင်တစ်ဆိုင်ကို ညှပ်ပြီးဖွင့်ထားပါတယ်။
ဓါတ်ဆီဆိုင်နှစ်ဆိုင်ရဲ့ ကြားထဲမှာတော့ လူနေအိမ်ခန်းတွေနဲ့ ကားပါကင်တွေရှိနေပါတယ်။ ဒီတိုက်မှာ နေထိုင်ကြတဲ့လူတွေအတွက်တော့ အတော်လေးကို ကျောချမ်းစရာကောင်းပါတယ်။
‘ချောင်းကွင်း’ မြို့ဟာ ရန်ဇီမြစ်ရဲ့ နံဘေးနားမှာ တည်ရှိပြီ မတ်ဆောက်လှတဲ့ တောင်တန်းတွေကြားမှ မြို့တည်ထားတာမို့ ရေမြေသဘာဝနဲ့ ကိုက်ညီအောင် လမ်းပမ်းဆက်သွယ်ရေးနဲ့ အဆောက်အဦးတွေကို အင်ဂျင်နီယာတွေက သမာရိုးကျမဟုတ်တဲ့ ပုံစံတွေနဲ့ တည်ဆောက်ထားတာဖြစ်လို့ အားလုံးက အဆန်းကြီးတွေ ဖြစ်နေပါတယ်။
ကားလမ်းတွေဟာ လူနေတိုက်တာအိမ်တွေရဲ့ အပေါ်ဆုံးထပ်တပ်တွေကို ဆက်စပ်ပြီး ဖောက်လုပ်ထားသလို မြို့ပတ်ရထားလမ်းတွေကလည်း လူနေအိမ်တိုက်ခန်းတွေရဲ့ ခါးလယ်ကနေ ဖြတ်ဖောက်ပြီး ဆောက်လုပ်ထားတာကို ထူးဆန်းစွာ မြင်တွေ့ရပါတယ်။
အဆိုပါဓါတ်ဆီဆိုင်ဟာ တောင်အောက်ကားလမ်းတွေအတွက် အောက်ဆုံးအထပ်မှာ ဆီဆိုင်တစ်ဆိုင်နဲ့ တိုက်ခေါင်မိုးပေါ်ကားလမ်းအတွက် ခေါင်မိုးပေါ်မှာ ဓါတ်ဆီဆိုင်တစ်ဆိုင် ညှပ်ပူးညှပ်ပိတ် တည်ဆောက်ထားတာဖြစ်ပါတယ်။ မြို့ဧရိယာကျဉ်းတဲ့ ချောင်ကွင်းမြို့လေးမှာ နေထိုင်သူလူဦးရေ ၈.၅ သန်းရှိပါတယ်။
