မြန်မာအသင်းကို အားပေးဖို့ပရိတ်သတ်ကို စည်းရုံးလိုက်တဲ့ စိုင်းစိုင်းရဲ့ ထိထိမိမိ စာတစ်ကြောင်း
25 Nov 2019 1,461 Views
လတ်တလော ဖိလစ်ပိုင်နိုင်ငံမှာ ကျင်းပပြုလုပ်နေတဲ့ အရှေ့တောင်အာရှနိုင်ငံများဆိုရာ Seagame 2019 မှာ မြန်မာ နိုင်ငံ ကိုယ်စားပြုအနေနဲ့ အားကစားသမားများ ကိုယ်စီ သွားရောက်ယှဉ်ပြိုင်နေကြပြီပဲဖြစ်ပါတယ်။ ဘောလုံးဟာဆိုရင် လူကြိုက်များတဲ့ အားကစားတစ်ခုဖြစ်ပြီး မြန်မာပရိတ်သတ်တွေ မျှော်လင့်ချက်ကြီးစွာနဲ့ စောင့်မျှော်ကြည့်ရှုတတ်တဲ့ အားကစားတစ်မျိုးပဲဖြစ်ပါတယ်။
နိုင်ငံကျော် အဆိုတော် သရုပ်ဆောင် စိုင်းစိုင်းခမ်းလှိုင်က သူကိုယ်တိုင် ဘောလုံးဝါသနာရှင် တစ်ယောက်အနေနဲ့ မြန်မာ ပရိတ်သတ်တွေ မြန်မာအသင်းကို သောင်းသောင်းဖြဖြအားပေးကြဖို့ လူမှုကွန်ယက်မှာ စာတစ်ကြောင်းရေးသားပြီး တင်ခဲ့ပါတယ်။
စိုင်းစိုင်းက “စာမေးပွဲ ကျကျအောင်အောင် ကိုယ့်သားသမီးကိုယ် အားပေးရမှာပဲ ကိုယ့်မောင်နှမဘက်က ကိုယ်ရပ်ရမှာပဲ ဘောပွဲနိုင်နိုင်ရှုံးရှုံး ကိုယ့်အသင်းကိုယ် အားပေးရမှာပဲ ကိုယ့်ညီတွေဘက်က ကိုယ်ရပ်တည်ရမှာပဲ အစွမ်းကုန် ညှစ်ထုတ် ကစားကြမယ်လို့ ယုံကြည်တယ် အပြည့်အဝအားပေးကြမယ် ဒါဘဲ” ဆိုပြီး မြန်မာအသင်းကို အားရှိသွားစေမယ့် စာသား ရေးသားလာပါတယ်။
.png)
စိုင်းစိုင်းဟာ သူကိုယ်တိုင်က ဘောလုံးဝါသနာရှင် တစ်ဦးပီပီ မြန်မာအသင်းကို အပြတ်အသတ်အားပေးနေတော့တာပါပဲ။
စိုင်းစိုင်းပေးတဲ့ ခွန်အား၊ တစ်နိုင်ငံလုံးက အားပေးနေတဲ့ ခွန်အားတွေနဲ့အတူ မြန်မာ ယူ-၂၂ နဲ့ မြန်မာ အမျိုးသမီး လက်ရွေးစင် ဘောလုံးအသင်းတို့ ပြိုင်ပွဲမှာ ထိခိုက်ဒဏ်ရာမရှိဘဲ အနိုင်ရရှိအောင် ဆော့ကစားနိုင်ပါစေလို့ ပိုပိုလေးမှ ဆုမွန်ကောင်းတောင်းပေးလိုက်ပါတယ်။
Ref:Sai Sai Kham Leng
(ပိုပိုလေး)
