မိန်းကလေးတစ်ယောက်ဟာ ဂျင်းဘောင်းဘီ ၈ ထည်တိတိကို ဆိုင်တစ်ဆိုင်ထဲ တစ်ချိန်ထဲမှာပင် အလစ်သုတ်ပြီး သူ့ရဲ့ကိုယ်ပေါ်မှာ ထပ်ဝတ်လာတာကို ဖမ်းမိသွားခဲ့ပါတယ်။ ဒီဘောင်းဘီတွေကို တစ်လွှာပြီးတစ်လွှာ ချွတ်ခိုင်းနေတဲ့ ဗီဒီယိုက ရက်ပိုင်းအတွင်းမှာပင် အွန်လိုင်းပေါ်မှာ ကြည့်ရှုသူ ၂.၅ သန်းကျော်ရှိနေတဲ့ ရုပ်သံတစ်ခု ဖြစ်နေပါတယ်။

ရုပ်သံထဲက အမျိုးသမီးဟာ ဗင်နီဇွဲလားသူလို့ ယူဆရပြီး ဘယ်နေရာမှာ ဖြစ်ခဲ့တာလဲဆိုတကိုတော့ အတိအကျ မသိရပါဘူး။ ဒီရုပ်သံဟာ ပီရူးနိုင်ငံကနေ စတင်ပျံ့နှံ့လာခဲ့တာဖြစ်ပါတယ်။ ဗီဒီယိုထဲမှာ မည်သူမည်ဝါဟ မသိရတဲ့ အမျိုးသမီးဟာ သန့်စင်ခန်းတစ်ခုထဲမှာ ဂျင်းဘောင်းဘီတွေ ချွတ်ချခိုင်းခံနေရပါတယ်။ ဗီဒီယိုရိုက်နေတဲ့သူက တစ်ထည်ပြီးတစ်ထည် လိုက်ရေတွက်နေပါတယ်။

ဘောင်းဘီ ၈ ထည် ချွတ်ချပြီးနောက်မှာ နောက်ဆုံးတစ်ထည်ကို ခပ်သုတ်သုတ်ချွတ်ပြပြီး သူမမှာ အတွင်းခံပဲကျန်တော့ကြောင်း အတည်ပြုခဲ့ရပါတယ်။ ဒီရုပ်သံကို ပြန်လည်ဝေမျှသူ တစ်သိန်း နီးပါးရှိပြီး ဝင်ရောက်ပြောဆို ဝေဖန်ရေးသားထားတာတွေကိုလည်း တွေ့ရပါတယ်။

အချို့က ထောင်ထဲပို့ဖို့သင့်တယ်လို့ ပြောထားသလို အချို့ကလည်း သူမမှာ ဘာအခက်အခဲရှိနေလဲဆိုတာ ဘယ်သူမှမသိနိုင်ပဲ လူတွေက ဝေဖန်နေကြတယ်လို့ ရေးသားထာကြပါတယ်။ မည်သို့ပင် ဆိုစေကာမူ ဂျင်းဘောင်းဘီ ၉ ထည်ကို ပိပိရိရိထပ်ဝတ်ပြီး အလစ်သုတ်လာနိုင်တဲ့ အစွမ်းကိုတော့ လူတွေအားလုံး အံ့အားသင့်ခဲ့ကြရပါတယ်။ ဒီအမျိုးသမီးကို တရားဥပဒေအရ အရေးယူခံရမှု ရှိ/မရှိဆိုတာကိုတော့ မသိရပါ။