အက်စတာကို အားပေးမိလို့ အဆဲပါခံလိုက်ရတဲ့ သက်မွန်မြင့်

22 Nov 2019 1,532 Views

အားလုံးကစိတ်ဝင်တစားနဲ့ အပတ်စဉ်တိုင်း စောင့်မျှော်ကြည့်ရှုအားပေးနေကြရတဲ့ မြန်မာအိုင်ဒေါပြိုင်ပွဲကြီးကတော့ တစ်ပတ်ပြီးတစ်ပတ်အောင်မြင်စွာကျင်းပလာတာ ယခုဆိုရင် လေးပတ်မြောက် Live performance ကို ရောက်ရှိလို့လာခဲ့ပါပြီ။ ဒီတစ်ပတ်မှာလဲ ကျန်ရှိနေသေးတဲ့ ပြိုင်ပွဲဝင် ၈ ဦးက သူတို့တက်စွမ်းသမျှ လုပ်နိုင်သမျှတွေကိုချပြပြီး အကောင်းဆုံးကြိုးစားအားထုတ်ကာ သီဆိုယှဉ်ပြိုင်ခဲ့ကြတာကိုလဲ တွေ့မြင်ရပါတယ်။ ဒီတစ်ပတ် Country Week ရဲ့သီဆိုယှဉ်ပြိုင်မှုမှာလဲ တစ်ယောက်ချင်းစီတိုင်းရဲ့ ပင်ကိုအရည်အချင်း၊ ကြိုးစားအားထုတ်မှုတွေကို အားလုံးလဲတွေ့မြင်ခဲ့ရမှာပါ။

>>Read More ကိုနှိပ်ပြီး ဆက်လက်ဖတ်ရှုပါ<<

ဒီနှစ်မြန်မာအိုင်ဒေါမှာတော့ ပထမဆုံး Live performance 1^st week စတင်ယှဉ်ပြိုင်စဉ်ကတည်းက ရေပန်းစားနာမည်ကြီးနေခဲ့တဲ့ ပြိုင်ပွဲဝင်တွေလဲရှိပါတယ်။ သူတို့ကတော့ ပရိသတ်အားပေးမှု အများဆုံးရရှိထားကြသူတွေဖြစ်ပြီး Voting အနည်းအများနဲ့ ထိပ်ဆုံးကရပ်တည်နေသူတွေဖြစ်ပါတယ်။ ဒီနှစ်မြန်မာအိုင်ဒေါရဲ့ Winner ဖြစ်နိုင်တဲ့သူတွေလို့တောင် ထင်ကြေးပေးခန့်မှန်းခံထားရတာပါ။

အက်စတာ၊ အေးမြဖြူနဲ့ ဘင်ဂျမင်တို့ကတော့ အပတ်စဉ်သီဆိုယှဉ်ပြိုင်မှုတိုင်းမှာ လူကြိုက်အများဆုံးနဲ့ Voting အများဆုံးရရှိနေသူတွေဖြစ်ပါတယ်။ သူတို့သုံးယောက်လုံးမှာ မတူညီတဲ့ ပင်ကိုဟန်၊ စတိုင်နဲ့ ပါရမီအရည်အချင်းတွေရှိတာကြောင့် Fan တွေကတော့ သူတို့ကြိုက်နှစ်သက်သူကိုအားပေးပြီး Winner ဖြစ်စေနေချင်ကြတာပါ။ မြန်မာအိုင်ဒေါပြိုင်ပွဲကြီးကိုတော့ ပရိသတ်တွေတင်မက အနုပညာရှင်များစွာကပါစောင့်မျှော်ကြည့်ရှုပြီး သူတို့ကြိုက်နှစ်သက်တဲ့ ပြိုင်ပွဲဝင်တွေကို အားပေးနေကြတာပါ။

ထိုထဲကမှ ပရိသတ်အချစ်တော်မင်းသမီးတစ်ယောက်ဖြစ်တဲ့ သက်မွန်မြင့်ကလဲ မြန်မာအိုင်ဒေါရဲ့ပရိသတ်တစ်ယောက်ပါ။ သူမကတော့ ဒီနှစ်ပြိုင်ပွဲဝင်တွေထဲမှာ အက်စတာဒေါ့သ်ချင်းဆုန်ကို အားပေးသူတစ်ယောက်ပါ။ ချင်းတိုင်းရင်းသူလေးဖြစ်တဲ့ သက်မွန်မြင့်က သူမနဲ့လူမျိုးချင်းတူတာကြောင့် အက်စတာကိုစတင်အားပေးခဲ့တာဖြစ်ပြီး အက်စတာရဲ့ ဘယ်ကစမ်းစမ်း၊ ညာကစမ်းစမ်း အဖက်ဖက်ကပြည့်၀နေတဲ့ ပါရမီအရည်အချင်းတွေကြောင့် winner ဖြစ်မယ်လို့တောင် ခန့်မှန်းနေတာပါ။

ဒါ့ကြောင့် သက်မွန်ကပရိသတ်တစ်ယောက်အနေနဲ့ သူမရဲ့အမြင်ကို ပွင့်ပွင့်လင်းလင်းရေးသားလိုက်မိတဲ့အခါမှာတော့ အမြင်မတူသူတွေနဲ့ တစ်ခြားပြိုင်ပွဲဝင်တွေရဲ့ Fan တွေက ဝိုင်းဝန်းပြစ်တင်ဝေဖန်ခဲ့ကြပြီး တစ်ချို့က ဆဲဆိုတိုင်းထွာတဲ့ထိ ပြုမူခဲ့ကြပါတယ်။ ထိုကိစ္စနဲ့ပတ်သက်ပြီး သက်မွန်က သူမရဲ့လူမှုကွန်ယက်မှာ အဆဲခံရဖူးပြီဆိုကာ စိတ်မကောင်းစရာစကားတစ်ချို့ပါ ရေးသားခဲ့ပါတယ်။

အနေအထိုင်အေးဆေးတည်ငြိမ်ပြီး စကားပြောရာမှာလဲ ချစ်စရာကောင်းအောင် ပွင့်ပွင့်လင်းလင်းပြောဆိုတတ်တာကြောင့် ပရိသတ်အချစ်တော်မင်းသမီးတစ်ယောက်ဖြစ်နေတဲ့ သက်မွန်လဲ မြန်မာအိုင်ဒေါနဲ့တွေ့မှပဲ အဆဲပါခံရတဲ့ထိပါပဲနော်။ ကြည့်ရှုနေကြတဲ့ ပရိသတ်ကြီးလဲ သက်မွန်လိုပဲ ကိုယ်သဘောကျအားပေးတဲ့သူကို Winner ဖြစ်စေချင်မှာကတော့ မလွဲဧကန်ပါ…

(ပိုပိုလေး)