Now&Ever လက်စွပ်နဲ့ အောင်သပြေ ရတနာရွှေဆိုင်တို့ကြားက ပြဿနာဂယက်

22 Nov 2019 1,661 Views

Now&Ever - ထာဝရနှောင်ကြိုး ရုပ်ရှင်ကားကြီးဟာဆိုရင် ‘ခီမောင်နှံ’ တို့ ဖန်တီးထားတဲ့ အနုပညာလက်ရာမြောက် ဇာတ်ကားကောင်းတစ်ကားဖြစ်ပြီး ကြိုက်နှစ်သက်တဲ့ ပရိတ်သတ် အများအပြားရှိတဲ့ ဇာတ်ကားကောင်းတစ်ကားပဲဖြစ်ပါတယ်။ Now&Ever ဇာတ်ဝင်ခန်း တစ်ခုမှာ ပါဝင်တဲ့ လက်စွပ်ဒီဇိုင်းနဲ့ ဆင်တူတဲ့ ဒီဇိုင်းမျိုးကို ‘အောင်သပြေ ရတနာ ရွှေဆိုင်’ က ထုတ်လုပ်ရောင်းချခဲ့ပါတယ်။

ဒီအကြောင်းအရာနဲ့ ပတ်သတ်ပြီး Now&Ever ရဲ့ ဒါရိုက်တာ မခရစ္စတီးနားခီက မူပိုင်ခွင့်နဲ့ သက်ဆိုင်တဲ့ အကြောင်းအရာတချို့ကို သူမ လူမှုကွန်ယက်မှာ ဝေမျှပြောပြလာပါတယ်။

Infinity ဟာ မူလထဲက ရှိပြီးသား ဖြစ်ပေမယ့်လို့ Now & Ever (သီဟ နဲ့ ဝတ်မှုံ) ဆိုတဲ့ စာသားလေးကတော့ ဖန်တီးသူရဲ့ မူပိုင်ခွင့်ရှိတယ်ဆိုတဲ့အကြောင်းလေးကို ဒါရိုက်တာ ခရစ္စတီးနားခီက ပြန်လည်ပြီးရှင်းပြထားတာဖြစ်ပါတယ်။

ပြီးခဲ့တဲ့ရက်ပိုင်းလောက်က Now&Ever - ထာဝရနှောင်ကြိုး official facebook page ကနေ Now&Ever ထဲက သီဟနဲ့ ဝတ်မှုံ လက်ထပ်မင်္ဂလာပွဲမှာ ပန်ဆင်ခဲ့တဲ့ လက်စွပ်ကို စာသားနှင့်တကွ ဖန်တီးပေးခဲ့တဲ့ ရတနာဆိုင် KAM LE –Gems & Jewelry Shop ကနေတစ်ဆင့် အားပေးတဲ့ ပရိတ်သတ်တွေအနေနဲ့ မှာယူလို့ရတယ်ဆိုတဲ့အကြောင်း စာနှင့်တကွ ကြေညာထားခဲ့ပါတယ်။

ဖြစ်ပျက်သွားတဲ့ ပြဿနာတွေနဲ့ ပတ်သတ်လို့ ‘အောင်ရတနာ ရွှေဆိုင်ပိုင်ရှင် သူဌေး’ က လူမှုကွန်ယက်ကနေတစ်ဆင့် သူကိုယ်တိုင်ကလည်း ဒါရိုက်တာ ခရစ္စတီးနားခီကို အားပေးတဲ့ အမာခံပရိတ်သတ်တစ်ဦးဖြစ်ပြီး အခုလို ဖြစ်ပျက်သွားရတာတွေအတွက် စိတ်မကောင်းဖြစ်မိတဲ့အကြောင်း ရေးသား ပြောပြလာပါတယ်။