နှစ် ၃၀ လုံးလုံး ဆေးလိပ်တစ်နေ့တစ်ဗူး ပုံမှန်သောက်သူရဲ့ အဆုတ်(ရုပ်သံ)
20 Nov 2019 2,044 Views
ဆေးလိပ်သောက်သူတွေအနေနဲ့ သောက်လက်စဆေးလိပ်ကို ပြစ်ချပြီး တစ်ထိုင်ထဲ ဆေးလိပ်ဖြတ်ဖို့သင့်တဲ့ သတင်းတစ်ပုဒ်ဖြစ်ပါတယ်။
အဆုတ်အစားထိုးပေးဖို့အတွက် ဆရာဝန်တွေက လှုဒါန်းထားတဲ့ အမျိုးသားကြီးထံမှ ခွဲစိတ် ထုတ်ယူခဲ့ရာမှာ ဆေးလိပ်မှာပါတဲ့ နစ်ကိုတင်းနဲ့ ကတ္တရာတွေရဲ့ ဒဏ်ကြောင့် မဲခြောက်ပြီး မီးဖိုပေါ်မှာ တူးနေအောင် အကင်ခံထားရသလို ဖြစ်နေတဲ့ အဆုတ်ကြီးကို ထိတ်လန့်ဖွယ်ရာတွေ့ခဲ့ရပါတယ်။ အဆိုပါ အဆုပ်အစားထိုးကုသနေတဲ့ ရုပ်သံကို အွန်လိုင်းပေါ်မှာ ကြည့်ရှုသူ ၂ သန်း နီးပါးရှိနေပြီဖြစ်ပါတယ်။
တရုတ်နိုင်ငံ ဂျင်ဆူးမြို့က ဆေးရုံတစ်ရုံမှာ အဆုတ်အစားထိုးဖို့အတွက် ဆရာဝန်တွေက သေဆုံးသွားတဲ့ အသက် ၅၂ နှစ်အရွယ် အမျိုးသားကြီး လှုဒါန်းခဲ့တဲ့ သူ့ရဲ့အတွင်းကလီစာတွေကို ခွဲစိပ်ထုတ်ယူတဲ့အခါ အံ့သြစရာကောင်းလောက်အောင် မဲခြောက်နေတဲ့ အဆုတ်ကို တွေ့ခဲ့ရပြီး ပြန်သုံးလို့မရတဲ့အတွက် ပယ်ခဲ့ရပါတယ်။
လှုဒါန်းခဲ့သူဟာ မသေခင်က ဆေးလိပ်ကို တစ်ရက်တစ်ဗူး နှစ်ပေါင်း ၃၀ လောက် ဆက်တိုက်သောက်ခဲ့သူဖြစ်နိုင်တယ်လို့ ဆရာဝန်တွေက မှတ်ချက်ချပါတယ်။ သူဟာ ဦးနှောက်သွေးကြောပေါက်ပြီး သေဆုံးသွားခဲ့တာဖြစ်ပါတယ်၊ သူ့ရဲ့ဆန္ဒအရ အတွင်းကလီစာတွေကို လှုဒါန်းဖို့ သေပြီးနောက် အချိန်ပိုင်းအတွင်းမှာ ဆေးရုံကို ပို့ပေးခဲ့တာဖြစ်ပါတယ်။
ဆရာဝန်တွေကလည်း ချက်ခြင်းခွဲထုတ်ပြီး အခြားလူနာကို အစားထိုးပေးဖို့ ကြိုးစားနေချိန်မှာ အခုလို မမျှော်လင့်ပဲ မဲတူးနေတဲ့ အဆုတ်ကြီးကို တွေ့လိုက်ရတာပါ။ အဆုတ်ဟာ အောက်ဆီဂျင်စက်နဲ့ စမ်းသပ်ရာမှာ အလုပ်လုပ်နေသေးပေမယ့် အခုလို မဲခြောက်နေတာကြောင့် ပြန်သုံးဖို့လုံးဝ မသင့်တော်ဘူးလို့ ဆရာဝန်တွေ ဆုံးဖြတ်ခဲ့ပါတယ်။
လက်ရှိမှာ ဆေးလိပ်သောက်နေတဲ့သူတွေအတွက်တော့ ဒီသတင်းဟာ ဆေးလိပ်ဖြတ်ဖို့အတွက် အကောင်းဆုံး အကြောင်းပြချက်တစ်ခု ဖြစ်ပါလိမ့်မယ်။ ဆေးလိပ်သောက်ခြင်းဟာ မိမိကိုယ်တိုင်ကိုသာမက အနီးနားက မိသားစုနဲ့ ပတ်ဝန်းကျင်ကိုပါ ကျန်းမာရေးအရ ဆိုးရွားစွာ ထိခိုက်စေနိုင်ပါတယ်။
