“ဆရာကြီး”ကို နေ့စဉ်မှန်မှန် သောက်ပေးရုံနဲ့ တစ်လ ၄၅ သိန်းရမယ့်အလုပ်ခေါ်ယူ
20 Nov 2019 1,606 Views
“ဆရာကြီး” လို့ ဆိုလိုက်ရင် အချို့လူတွေ သဘောပေါက်သွားကြပါပြီ။ ဆေးခြောက် ကို အတိုင်းအတာ အကန့်အသတ်နဲ့ တရားဝင်သုဲစွဲခွင့်ပြုတဲ့ နိုင်ငံတွေတိုးလာနေပေမယ့် နိုင်ငံအတော်များများမှာတော့ ဒီကိစ္စကို အပြင်းအထန် ငြင်းခုံဆွေးနွေးနေကြဆဲဖြစ်ပါတယ်။
အချို့နိုင်ငံတွေရဲ့ လူမှုအဖွဲ့အစည်းတွေကိုယ်တိုင်က “ဆရာကြီး” အပေါ်ထားတဲ့ သဘောထားတွေကို ပွင့်ပွင်းလင်းလင်းကြီး လက်ခံကြိုဆိုလာနေကြတာကို ဒီအလုပ်ကြော်ငြာစာ တစ်ခုက သက်သေပြနေပါတယ်။
The Sun သတင်းစာမှာ ဖော်ပြထားတဲ့သတင်းအရ “ဆရာကြီး” ကို နေ့စဉ်ပုံမှန် သောက်သုံးပေးရုံနဲ့ တစ်နှစ်စာ စတာလင်ပေါင် ၂၈,၀၀၀/ (ကျပ်သိန် ၅၅၀ ခန့်) ပေးမယ်လို့ AmericanMarijuana.org က အွန်လိုင်းပေါ်ကနေ အလုပ်ခေါ်စာ တင်ထားပါတယ်။ အလုပ်လျှောက်မယ့်သူတွေဟာ ဆေးခြောက်ကို နေ့စဉ်ပုံမှန်သောက်သုံးရမှာဖြစ်ပြီး ဆေးခြောက်မျိုးစုံရဲ့ အာနိသင် အကျိုးအပြစ်တွေကိုလည်း ရေးသားတင်ပြပေးရမှာဖြစ်ပါတယ်။
ကုမ္ပဏီအနေနဲ့ လက်ရှိမှာ ထိတ်တန်း ဆယ်လီတွေကို ချည်းကပ်နေပြီး အမေရိကန်ရက်ပ်ပါ Snoop Dogg လို နာမည်ကြီးအနုပညာရှင်မျိုး ခန့်ထားဖို့ ဆန္ဒရှိနေပါတယ်။ ဒီလောက် လစာကောင်းတဲ့အလုပ်အတွက် လူသိများတဲ့ပုဂ္ဂိုလ်တွေ၊ အနုပညာရှင်တွေဖြစ်ဖို့ ကုမ္ပဏီဘက်ကလည်း မျှော်လင့်နေပါတယ်။ ဒါ့အပြင် လျှောက်ထားသူဟာ အသက် ၁၈ နှစ်ပြည့်ပြီး အမေရိကန်နိုင်ငံ ဒါမှမဟုတ် ကနေဒါနိုင်ငံမှာ နေထိုင်သူဖြစ်ရပါတယ်။ ဘာကြောင့်လဲဆိုတော့ အဲဒီနိုင်ငံတွေမှာ ‘ဆရာကြီး’ လို့ခေါ်တဲ့ ဆေးခြောက်ကို တရားဝင်အဖြစ် အသိမှတ်ပြထားလို့ဖြစ်ပါတယ်။
နိုင်ငံတကာ သတင်းတရပ်အနေနဲ့ ဖော်ပြပေးခြင်းဖြစ်ပြီး မြန်မာနိုင်ငံမှာတော့ ဆေးခြောက် သုံးစွဲ၊ စိုက်ပျိုးမှုဟာ ဥပဒေနဲ့ ငြိစွန်းတဲ့အတွက် နိုင်ငံသားများအနေနဲ့ မိမိနိုင်ငံက ထုတ်ပြန်ထားတဲ့ တရားဥပဒေကို လိုက်နာကြရမှာဖြစ်ပါတယ်။
