အသက် ၇၀ အရွယ် လူပျိုကြီးရဲ့ အသည်းကို ခြွေချနိုင်ခဲ့တဲ့ ခေးမလေး
18 Nov 2019 1,609 Views
အသက်ကြီးတဲ့ အမျိုးသားတွေနဲ့ မိန်းကလေးငယ်ငယ်လေးတွေ လက်ထပ်ကြတဲ့သတင်းကို မကြာခဏဆိုသလို ကြားဖူးကြမှာပါ။ ဒီလိုအမျိုးသားတွေဟာ အများအားဖြင့်တော့ သားကြီး၊ သမီးကြီး၊ အချို့ဆိုရင် မြေးတွေတောင် ရှိနေတတ်ကြပါတယ်။
ဒါပေမယ့် ဒီတစ်ယောက်ကတော့ အသက် ၇၀ အရွယ်ထိ လူပျိုရည်မပျက်သေးတဲ့ တစ်ကိုယ်တည်း လူပျိုကြီးဘဝနဲ့ စီးပွားရေးကိုပဲ လုံးပမ်းလာခဲ့တဲ့သူဖြစ်ပါတယ်။ ဒါပေမယ့် သူနဲ့အသက် ၅၀ ကွာခြားတဲ့ မိန်းကလေးကို တွေ့လိုက်ရတဲ့အချိန်မှာတော့ နှစ်ပေါင်းအတော်ကြာထိန်းထားခဲ့တဲ့ လူပျိုသိုးကြီးဘဝကို ပျော်ပျော်ကြီး စွန့်လွှတ်လိုက်ပါတယ်။
အခုရက်ပိုင်းအတွင်းမှာ မင်္ဂလာဆောင်သွားခဲ့တဲ့ ထိုင်းနိုင်ငံက အသက် ၇၀ အရွယ် သတို့သားနဲ့ အသက် ၂၀ အရွယ် သတို့သမီးလေးတို့ရဲ့ သတင်းနဲ့ ဓါတ်ပုံတွေက အွန်လိုင်းပေါ်မှာ လူပြောများနေတဲ့ အကြောင်းအရာတစ်ခုအဖြစ် ရေပန်းစားနေပါတယ်။
အမျိုးသားကြီးဟာ အောင်မြင်ကျော်ကြားတဲ့ လုပ်ငန်းရှင်သူဌေးကြီးတစ်ဦး ဖြစ်ပါတယ်။ သတို့သမီးလေးနဲ့ စတင်ဆုံဆည်းချိန်မှာ နှလုံးသားတွေ အရည်ပျော်ကျခဲ့ပြီး ထိုင်းဘတ် သန်း ၂၀ နဲ့တောင် တင်တောင်းခဲ့တာဖြစ်ပါတယ်။
သူတို့ရဲ့ ခမ်းနားလွန်းလှတဲ့ မင်္ဂလာပွဲကို တက်ရောက်ခဲ့တဲ့ နှစ်ဖက်အသိုင်းအဝိုင်းက မိတ်ဆွေတွေ တင်ထားခဲ့တဲ့ ပုံတွေကနေ အွန်လိုင်းပေါ်ပျံ့နှံ့ခဲ့တာဖြစ်ပါတယ်။
ဘယ်သူတွေ ဘယ်လိုပဲ ဝေဖန်နေကြပါစေ သူတို့နှစ်ဦး အမှန်တစ်ကယ်ပျော်ရွှင်နေကြတာကိုတော့ ဓါတ်ပုံတွေထဲမှာ အထင်းသားမြင်နေရပါတယ်။ တစ်ကယ်ချစ်မိသွားရင် အသက်အရွယ်ဆိုတာ အတားအဆီးတစ်ခု မဟုတ်ဘူးဆိုတာ ဒါမျိုးကို ခေါ်သလားပါပဲ..။
