ခီမောင်နှံဆီကနေ အထူးလက်ဆောင်တစ်ခု လက်ခံရရှိလိုက်တဲ့ အကယ်ဒမီ သက်မွန်မြင့်

15 Nov 2019 1,766 Views

မြန်မာနိုင်ငံရဲ့ ထိပ်တန်းအကျော်အမော် မင်းသမီးလို့ မှတ်ယူရမယ့် အကယ်ဒမီ သရုပ်ဆောင် သက်မွန်မြင့် (ချစ်သက်) ဟာဆိုရင် ခီမောင်နှံလို့သိကြတဲ့ ဇဏ်ခီ၊ ခရစ္စတီးနားခီ တို့ရဲ့ပွဲဦးထွက် ရုံတင်ဇာတ်ကား ဥပါယ်တံမျဉ်မှာ အဓိကဇာတ်ဆောင် မင်းသမီးအဖြစ် ပါဝင်သရုပ်ဆောင်ခဲ့ပြီး ခီတို့နဲ့ ခင်မင်ရင်းနှီးခဲ့ပါတယ်။

သက်မွန်က လတ်တလော ထွက်ရှိထားတဲ့ ခီတို့ရဲ့ ဇာတ်ကား Now&Ever (ထာဝရ နှောင်ကြိုး) ကိုလည်း အားပေးနေတဲ့အကြောင်း အင်တာဗျူးတစ်ခုမှာ ပြောပြဖူးပါတယ်။ “ထာဝရ နှောင်ကြိုးနဲ့က ရေစက်ကိုပါတာ သက်မွန်တို့ကား ရုံတင်တဲ့နေ့နဲ့လည်း တစ်နေ့တည်းပဲ” ဆိုပြီး ‘သခင်ကြီးနဲ့ ငပိတို့စရာ’ ရုပ်ရှင်ကား အကြိုမိတ်ဆက်ပွဲရဲ့ မီဒီယာ အင်တာဗျူးတစ်ခုမှ ဖြေကြားသွားခဲ့ပါတယ်။

အနုပညာအသိုင်းအဝိုင်းကလူတွေထဲ ခီမောင်နှံတို့နဲ့ အကျွမ်းတဝင်ရှိလှတဲ့ ချစ်သက်က ပြီးခဲ့တဲ့ ရက်မှာ သူမ လူမှုကွန်ယက်ကနေပြီး ခီမောင်နှံဆီက အထူးလက်ဆောင် ရရှိခဲ့တဲ့အကြောင်းကို ပို့စ်ရေးသားပြီး တင်ခဲ့ပါတယ်။

ချစ်သက်ဟာ မင်းသား ကိုဇဏ်ခီ ရေးသားထားတဲ့ ‘ကိုယ်တိုင် သိရှိသွားမှု’ စာအုပ်ကို လက်ဆောင် အနေနဲ့ ရရှိခဲ့ပြီး အထဲမှာ ‘သက်မွန်နဲ့ ကိုစစ်အတွက် အမှတ်တရ’ ဆိုတဲ့ စာသားနှင့်တကွ လက်မှတ်ပါ ရေးထိုးပေးထားတာကို တွေ့မြင်ရပါတယ်။

ချစ်သက်က ဒီစာအုပ် လက်ဆောင်အဖြစ် ရရှိလာတဲ့ အထိမ်းအမှတ်အနေနဲ့ ဓာတ်ပုံတင်ခဲ့ပြီး “Jdonut လေး စားကြပါဦးရှင်” ဆိုပြီး ရေးသားခဲ့ပါတယ်။

ချစ်သက်နဲ့ ခီမောင်နှံတို့ကြားက ခင်မင်မှုဟာ တစ်ဦးအပေါ်တစ်ဦး လေးစားသမှု ချစ်ခင်သမှု တို့နဲ့ တည်ဆောက်ထားတာကြောင့် မြင်တွေ့ရသူ အပေါင်းကို စိတ်ချမ်းသာစေတာတော့ အမှန်ပါပဲ။ ချစ်သက်ရော၊ ခီ တို့ရော ဒီထက်မကတဲ့ အောင်မြင်မှုမျိုးတွေ ပိုင်ဆိုင်နိုင်ရပါစေလို့ ဒီနေရာကနေပဲ ဆုမွန်ကောင်း တောင်းပေးလိုက်ပါတယ်။

Ref: Thet Mon Myint

(ပိုပိုလေး)