သေပြီးရင် နိဗ္ဗာန်ရောက်ဖို့ လက်မှတ်တွေ အာမခံနဲ့ ရောင်းချသူ ဖမ်းဆီးခံရ
11 Nov 2019 2,082 Views
လူတိုင်းဟာ သေသွားတဲ့အခါ နိဗ္ဗာန်ရောက်ကို ရောက်ချင်ကြပါတယ်၊ ဒီအတွက်လည်း ဘုရားရှိခိုးတိုင်း နိဗ္ဗာန်ရောက်ဖို့ ဆုတွေတောင်းကြပါတယ်။ နိဗ္ဗာန်ဆိုတာ ဒီလိုမျိုးဆုတွေတောင်းတိုင်း ရောက်တဲ့နေရမျိုးမဟုတ်ပါဘူး။ နိဗ္ဗာန်ကို သေချာပေါက်ရောက်ဖို့ ဆိုရင် လက်မှတ်တစ်စောင်တော့ လိုပါလိမ့်မယ်။ မြန်မာငွေ ၆၅၀၀ နဲ့ နိဗ္ဗာန်ရောက်မယ်ဆိုရင် သင်ရော ဒီလက်မှတ်ကို ဝယ်မှာလား..?
အင်ဒိုနီးရှားနိုင်ငံ ဆူလာဝေစီတောင်ပိုင်း ဂိုဝါမြို့မှာ အသက် ၇၄ နှစ်အရွယ် အမျိုးသားကြီးတစ်ဦးက နောက်လိုက်နောက်ပါတွေနဲ့အတူ သူ့ကိုယ်သူ အာလာအရှင်မြတ်ရဲ့ တမန်တော်ဖြစ်တယ်လို့ ကြွေးကြော်ပြီး နိဗ္ဗာန်သွားဖို့ လက်မှတ်တွေ ရောင်းချနေခဲ့ပါတယ်။
ဒီလိုနဲ့ နံမည်တစ်ဖြည်းဖြည်းရလာပြီး နိဗ္ဗာန်လက်မှတ်တွေဟာ သူ့ရဲ့နောကလိုက်နောက်ပါတွေကနေတစ်ဆင့် မလေးရှားနိုင်ငံထိအောင် ပျံ့နှံ့ရောင်းချခဲ့ရပါတယ်။ မလေးရှားပိုက်ဆံ ၁၈ ရင်းဂစ် (ကျပ် ၆,၅၈၅) တန် နိဗ္ဗာန်ကတ်လေးတွေ ရှိသူတိုင်း သူတို့ရဲ့ အပြစ်တွေအားလုံး အရှင်မြတ်က ခွင့်လွှတ်ပေးပြီး နိဗ္ဗာန်မှာ သူတို့အတွက် တစ်နေရာရှိစေရမယ်လို့ အာမခံရဲရဲတင်းတင်းနဲ့ ဖြန့်ဖြူးရောင်းချခဲ့တာဖြစ်ပါတယ်။
ဒါ့အပြင် သူ့အနေနဲ့ လူတစ်ယောက်ကို လူ့ပြည့်မှာ နောက်ထပ် ၁၅ နှစ်အထိ အသက်ရှည်အောင် သက်တမ်းတိုးပေးနိုင်တယ်လို့လည်း ကြေညာထားပါတယ်။ အခုလို နိဗ္ဗာန်ကတ်တွေ ရောင်းချနေခြင်းမှာ တရားဥပဒေကို ချိုးဖောက်ရာရောက်တဲ့အတွက် အင်ဒိုနီးရှားရဲတွေက သူ့ရဲ့နေအိမ်ကို ဝင်ရောက်ဆီးနင်းခဲ့ရာ နိဗ္ဗာန်လက်မှတ် ၁၃၈ စောင်နဲ့အတူ သက်သေပစ္စည်းတွေကို တွေ့ရှိခဲ့ပါတယ်။
သူ့ကို ကိုးကွယ်ရာအရှင်မြတ်အား အသုံးချမှု၊ လိမ်လည်မှု၊ ပရိယာယ်ဆင်မှု နဲ့အတူ နိဗ္ဗန်လက်မှတ်တွေနဲ့ ဆက်စပ်ပြီး ငွေကြေးခဝါချမှုတို့နဲ့ ဖမ်းဆီးထားပြီး ထောင်ဒဏ် အနှစ် (၂၀) ချမှတ်ခံရမယ့် အခြေအနေနဲ့ ရင်ဆိုင်နေရကြောင်း သိရသည်။
