ကလေးတွေနဲ့ပတ်သက်ပြီး အကြောင်းမသိပဲဝေဖန်နေသူတွေကို Live လွှင့်ဖြေရှင်းလိုက်တဲ့ ခိုင်နှင်းဝေ
31 Oct 2019 1,994 Views
လှပတဲ့ဆံနွယ်အရှည်ကြီးတွေနဲ့ တည်ကြည်ပြီးချစ်ဖို့ကောင်းတဲ့ ဥပတိရုပ်ကြောင့် တစ်ချိန်ကရုပ်ရှင်ချစ်ပရိသတ်တွေကြားမှာ နာမည်အတော်ကြီးခဲ့တဲ့ သရုပ်ဆောင်ခိုင်နှင်းဝေကိုတော့ ပရိသတ်ကြီးက ယခုချိန်ထိချစ်ခင်အားပေးနေကြဆဲပါ။
ကိုယ်ချင်းစာသနားတတ်တဲ့စိတ်၊ ပရဟိတစိတ်ဓာတ်တို့ အပြည့်ဖုံးလွှမ်းနေတဲ့ခိုင်နှင်းဝေက အနုပညာအလုပ်တွေထက် ပရဟိတလုပ်ငန်းတွေနဲ့ လူထုအကျိုးပြုလုပ်ငန်းတွေကို စွမ်းစွမ်းတမံလုပ်ကိုင်ဆောင်ရွက်နေသူဖြစ်ပြီး အကူအညီလိုအပ်နေတဲ့ မရှိဆင်းရဲသူတွေကို လိုအပ်သည်များ လိုက်လံကူညီထောက်ပံ့ပေးလေ့ရှိတာကြောင့် သူမရဲ့မွန်မြတ်တဲ့စိတ်ထားက ပရိသတ်တွေကြားမှာ အရမ်းကိုနာမည်ကြီးတာဖြစ်ပြီး အားလုံးက ပရဟိတမင်းသမီးလို့ တင်စားခေါ်ဝေါ်ကြတာပါ။
>>Read More ကိုနှိပ်ပြီး ဆက်လက်ဖတ်ရှုပါ<<
ခိုင်နှင်းဝေပရဟိတဖောင်ဒေးရှင်းတစ်ခုကို တည်ထောင်ထားသလို ယခုလဲ မိဘမဲ့ကလေးများအတွက် ပြုစုစောင့်ရှောက်ရေးဂေဟာတစ်ခုကို ထပ်မံဖွင့်လှစ်ထားပါတယ်။ သူမရဲ့ဂေဟာလေးမှာတော့ လက်ရှိအချိန်မှာ မိဘမဲ့ကလေး (၂၆) ယောက်ကို ပြုစုစောင့်ရှောက်ထားတာဖြစ်ပြီး သူမဆီကိုပထမဆုံးရောက်လာတဲ့ သမီးလေးရွှန်းရတီခိုင်ကိုတော့ အမွေစားအမွေခံသူမရဲ့သမီးလေးအဖြစ် မွေးစားထားတာဖြစ်ပါတယ်။
ခိုင်နှင်းဝေက သမီးလေးရွှန်းရတီခိုင်ကို လသားအရွယ်လေးထဲက အမွေစားအမွေခံသမီးအဖြစ် လူသိရှင်ကြားမွေးစားခဲ့တာဖြစ်ပြီး သနားကြင်နာစိတ်အပြည့်ရှိတဲ့သူမက မိဘမဲ့ကလေးဂေဟာတစ်ခုတည်ထောင်ပြီး တစ်ခြားကလေးလေးတွေကိုပါ ကျွေးမွေးပြုစုစောင့်ရှောက်ထားတာဖြစ်ပါတယ်။ ဒါကို တစ်ချို့အကြောင်းမသိသောသူတွေက သမီးလေးရွှန်းရွှန်းနဲ့ ဂေဟာကကလေးတွေကြား သူမရဲ့ထိန်းသိမ်းပြုစုစောင့်ရှောက်ပုံကို ဝေဖန်မှုပြုခဲ့ကြပါတယ်။
ထို့ကြောင့် အကြောင်းသိသည်ဖြစ်စေ၊ အကြောင်းမသိ၍ဖြစ်စေ ဝေဖန်ကြတဲ့သူတစ်ချို့ကို ခိုင်နှင်းဝေက လူမှုကွန်ယက်ကနေ Live လွှင့်ပြီး ဖြေရှင်းချက်ထုတ်လိုက်ပါတယ်။ လက်ရှိမှာတော့ သူမဟာ မိဘမဲ့ကလေး (၂၆) ယောက်ကို ဂေဟာတွင် ပြုစုထိန်းသိမ်းစောင့်ရှောက်ထားကြောင်းနဲ့ သမီးလေးရွှန်းရတီခိုင်ကိုတော့ သူမရဲ့အမွေစားအမွေခံ သမီးတစ်ယောက်အဖြစ်မွေးစားထားတာကြောင့် သူမအိမ်တွင် သမီးအရင်းတစ်ယောက်လို ပြုစုစောင့်ရှောက်တာဖြစ်ကြောင်းနဲ့ အကြောင်းမသိပဲ ဝေဖန်မှုတွေမပြုကြဖို့ကိုပါ အလုံးစုံရင်ဖွင့်ပြောသွားခဲ့ပါတယ်။
သူမရဲ့ကလေးတွေနဲ့ပတ်သက်ပြီး အကြောင်းစုံရှင်းပြထားတဲ့ သရုပ်ဆောင်ခိုင်နှင်းဝေရဲ့ဗီဒီယိုဖိုင်ကိုပါ ပရိသတ်ကြီးအတွက် ဝေမျှပေးလိုက်ပါတယ်။
(ပိုပိုလေး)
