GovInsider Magazine ပေးအပ်ချီးမြှင့်တဲ့ Rising Star Award ကို မန္တလေးမြို့တော်စည်ပင်ရရှိ
17 Oct 2019 1,511 Views
စင်ကာပူနိုင်ငံ အခြေစိုက် GovInsider Magazine ကကျင်းပတဲ့ Rising Star Award ပေးအပ်ပွဲအခမ်းအနားမှာ မန္တလေးမြို့တော်စည်ပင်သာယာရေးက ရရှိခဲ့တယ်လို့ သိရပါတယ်။
အဆိုပါဆုဟာ အာဆီယံဒေသတွင်းမှာ အစိုးရတွေရဲ့ ပြုပြင်ပြောင်းလဲ ဆန်းသစ် အစီရင်ခံစာရေးသားတဲ့ GovInsider Magazine က ဒီဆုကို ချီးမြှင့်ခဲ့တာဖြစ်ပါတယ်။ မန္တလေးမြို့တော်စည်ပင်ဟာ လူမှုနေထိုင်မှုဘဝ ပိုမိုကောင်းမွန်အောင် ပြုပြင်ပြောင်းလဲ ဆောင်ရွတ်တဲ့ အဖွဲ ့အစည်းတစ်ခုအဖြစ် သတ်မှတ်ခံရတာကြောင့် ဒီဆုကို ရရှိခဲ့ခြင်းဖြစ်ပါတယ်။
မန္တလေးမြို့တော်စည်ပင်ဟာ ပြီးခဲ့တဲ့ နှစ်က မန္တလေးမြို့တော်ကြီး သာယာစည်ပင်ဝပြောရေးအတွက် အဓိကထား ဆောင်ရွတ်ခဲ့ကြပါတယ်။ ထို့သို့ ပြုပြင်ပြောင်းလဲမှုဆောင်ရွက်မှုတွေပြုလုပ်တဲ့တွက်ကြောင့် အများပြည်သူ နှစ်ခြိုက်သဘောကျ အားပေးမှုတို့လည်း ရရှိခဲ့ပါတယ်။
မန္တလေးမြို့ဟာ ၂၀၁၈၊၂၀၁၉ ခုနှစ်မှာ အာဆီယံဒေသတွင်း စမတ်စီးတီး (၁၀) နိုင်ငံ ရွေးချယ်ခဲ့ရာ မှာ အဆင့် (၅) နေရာမှာ နှစ်နှစ်ဆက်တိုက်ရယူနိုင်ခဲ့တယ်လို့ သိရပါတယ်။ ဒါ့အပြင် မန္တလေးမြို့တော်စည်ပင်က တာဝန်ယူဖွင့်လှစ်ထားတဲ့ လမ်း (၇၀)၊ (၂၆-၂၇) လမ်းအတွင်းက လမ်းဘေးသန့်စင်ခန်းမှာ ASEAN Public Toilet Award 2019-2021 ရရှိခဲ့ပါတယ်။
ဂျပန်အခြေစိုက် ASOCIO အဖွဲ့က ချီးမြှင့်တဲ့ ၂၀၁၉ ခုနှစ်အတွက် Smart City ဆုကို မန္တလေးမြို့ရရှိခဲ့သလို ၂၀၁၉ ခုနှစ် ၁၀ ကြိမ်မြောက်ပြည်သူ့ဂုဏ်ရည်ဆုကိုလည်း မန္တလေးမြို့တော်စည်ပင်သာယာရေးကော်မတီက ရရှိခဲ့တယ်လို့ သိရပါတယ်။
