မနေ့က ချန်ပီယံလိဂ် အုပ်စုပွဲစဉ်များယှဉ်ပြိုင်ကစားခဲ့ကြပြီး လန်ဒန်ကလပ် စပါးအသင်းဟာ ဘိုင်ယန်မြူးနစ်အသင်းကို ၂-၇ ဖြင့်အရှက်တကွဲ ရှုံးနိမ့်ခဲ့ပါတယ်။ အဆိုပါပွဲမှာ ၄ ဂိုးသွင်းယူကာ သူရဲကောင်းဖြစ်ခဲ့တဲ့ နာဘရီက စပါးအသင်းကို တွက်တာ လူမှုစာမျက်နှာကနေ လှောင်ပြောင်မှု ပြုလုပ်သွားခဲ့ပါတယ်။

 

နာဘရီဟာ အာဆင်နယ်အသင်းရဲ့လူငယ်ကစားသမားတစ်ဦးခဲ့ပြီး အခုအချိန်မှာတော့ ဘိုင်ယန်မြူနစ်အသင်းမှာ ခြေစွမ်းပြကစားနေတဲ့ ကစားသမားတစ်ဦးဖြစ်ပါတယ်။ တစ်ခါက အနီရောင်အင်္ကျ ီဝတ်ဆင်ခဲ့တဲ့ နာဘရီဟာ မြောက်လန်ဒန် ခါးသီပြိုင်ဘက်ဖြစ်တဲ့ စပါးအသင်းကို ကိုယ်တိုင် ၄ ဂိုးသွင်းယူပြီး ဂိုးပြတ်အနိုင်ရှိပြီးနောက် လှောင်ပြောင်ခဲ့တာဖြစ်ဖြစ်ပါတယ်။

 

နာဘရီက တွက်တာ စာမျက်နှာမှာ “ မြောက်လန်ဒန်က အနီရောင်ပါ ” လို့ တွက်တာ စာမျက်နှာမှာ ရေးသားပြီး ဂိုးသွင်းယူပြီး သူ့အောင်ပွဲခံတဲ့ ပုံတွေနဲ့တင်ခဲ့ပါတယ်။ ဒါကို အာဆင်နယ် ပရိတ်သတ်တွေက သဘောကျခဲ့ပြီး သူပို့စ်အောက်မှာ ပွဲကျခဲ့ကြပါတယ်။

 

 

နာဘရီဟာ ချန်ပီယံလိဂ်ပြိုင်ပွဲမှာ တစ်ပွဲတည်း ၄ ဂိုးသွင်းယူနိုင်တဲ့ ဒုတိယမြောက် ဂျာမန်ကစားသမားအဖြစ် မှတ်တမ်းဝင်သွားခဲ့ပါတယ်။ နာဘရီဟာ အာဆင်နယ်အသင်း၏ လူငယ်ကစားသမားတစ်ဦးဖြစ်ပြီး ၂၀၁၆ ခုနှစ်မှာ ဝါဒါဘရီမင်အသင်းက သူ့ကိုခေါ်ယူခဲ့ပါတယ်။ ထို့နောက်မှာတော့ ဘိုင်ယန်မြူနစ်အသင်းက ခေါ်ယူလိုက်ပြီး ဟောဖန့်ဟိန်းအသင်းမှာ အငှားချထားခဲ့ပါတယ်။

 

ပြီးခဲ့တဲ့ နှစ်မှာတော့ ဘိုင်ယန်မြူနစ်အသင်းက သူ့ကို အသင်းမှာ နေရာပေးခဲ့ပြီး အခုချိန်မှာတော့ သူဟာ ဘိုင်ယန်မြူးနစ်အသင်းမှာ ထိုက်တန်တဲ့နေရာဖြစ်ကြောင်း သက်သေပြနိုင်ခဲ့ပါတယ်။