ဝေဖန်မှုတွေများနေတဲ့ ဟိုတယ်ခန်းဓာတ်ပုံထဲက ခြေထောက်ပိုင်ရှင်အကြောင်း ဟန်နေတာရဲ့ဖြေရှင်းချက်

30 Sep 2019 2,440 Views

ပရိသတ်တွေကြားထဲ Feel လို့အကောင်းဆုံးသီချင်းတစ်ပုဒ်ဖြစ်နေတဲ့ ‘မိုးမခအိမ်မက်ခရမ်းပြာ’ သီချင်းနဲ့နာမည်ကြီးလာတဲ့ အဆိုတော်ဟန်နေတာကတော့ လတ်တလောအနုပညာလောကထဲမှာ နာမည်ကြီးရေပန်အစားဆုံးသူဖြစ်နေပါတယ်။ Eternal Gosh အဖွဲ့ဝင်တစ်ယောက်ဖြစ်တဲ့ ဟန်နေတာကတော့ နှုတ်ခမ်းနီမလေးတွေရဲ့ အသဲနှလုံးကိုပါ ဖမ်းစားထားနိုင်ခဲ့ပြီး လူငယ်ပရိသတ်တွေရဲ့အခိုင်အမာအားပေးမှုတွေကို ရရှိခဲ့ပါတယ်။

>>Read More ကိုနှိပ်ပြီး ဆက်လက်ဖတ်ရှုပါ<<

အောင်မြင်ကျော်ကြားသူတစ်ယောက်ဖြစ်လာတဲ့ ဟန်နေတာကတော့ သူ့ရဲ့လှုပ်ရှားမှုတိုင်းကို ပရိသတ်တွေက မျက်ခြေမပြတ်စောင့်ကြည့်နေကြပြီဖြစ်ပါတယ်။ ချစ်သူရည်းစားမရှိသေးတဲ့ဟန်နေတာဟာ ခေးလို့ချစ်စနိုးခေါ်ကြတဲ့ သရုပ်ဆောင်ခင်ဝင့်ဝါရဲ့မွေးနေ့တုန်းက ပုံတူပန်းချီကားကြီးနဲ့ မွေးနေ့စပရိုက်လုပ်ခဲ့ကြတာကြောင့် ပရိသတ်တွေကြား ဘာညာအသံတွေထွက်ခဲ့ပါသေးတယ်။

ပရိသတ်တွေက သူတို့နှစ်ယောက်ကိုသူတို့နှစ်ယောက် ချစ်သူတွေဖြစ်နေကြပြီလားဆိုကာ သဘောတူသူတွေလဲ ရှိသလို တကယ်မဟုတ်ပါစေနဲ့လို့ ဆုတောင်းကြသူတွေလဲရှိခဲ့ပါတယ်။ ပြီးခဲ့တဲ့ရက်က ဟန်နေတာက သူ့ရဲ့ဖေ့စ်ဘွတ်မှာ ဓာတ်ပုံတစ်ပုံကို တင်ခဲ့ပြီး ထိုဓာတ်ပုံက လတ်တလောမှာတော့ ပရိသတ်တွေကြားဝေဖန်ပြောဆိုခံနေရပါတယ်။

အမြင်အားတွေစူးရှတဲ့ ပရိသတ်အချို့က ဟန်နေတာရဲ့ဓာတ်ပုံထဲမှာပါဝင်နေခဲ့တဲ့ ခြေထောက်ကိုရှာဖွေတွေ့ရှိခဲ့ကြပါတယ်။ ထို့နောက် ထိုခြေထောက်ပိုင်ရှင်ဟာ ဘယ်သူလဲဆိုပြီးဖော်ထုတ်ခဲ့ကြသလို တစ်ချို့က မင်းသမီးခင်ဝင့်ဝါဖြစ်တယ်ဆိုပြီး ထင်ကြေးပေးပြောဆိုလာကြတာတွေရှိပါတယ်။

ဝေဖန်မှုတွေမြင့်တက်လာတဲ့ ထိုဓာတ်ပုံကြောင့် ဟန်နေတာက ခြေထောက်ပိုင်ရှင်ကို ဖော်ထုတ်ပြောဆိုခဲ့ပါတယ်။ ထိုခြေထောက်ပိုင်ရှင်ဟာ အားလုံးထင်မြင်ဝေဖန်နေကြသလိုမျိုးမဟုတ်ပဲ Eternal Gosh အဖွဲ့ရဲ့ မန်နေဂျာအကိုကြီးခြေထောက်ပဲဖြစ်ပါတယ်။ အားလုံးရဲ့အထင်အမြင်လွဲမှားနေမှုတွေကြောင့် ဟန်နေတာက သူတင်ထားတဲ့ပို့စ်ရဲ့အောက်မှာ ခြေထောက်ပိုင်ရှင်ကို မန်းရှင်းခေါ်ပြီး ဖြေရှင်းရတဲ့ထိဖြစ်ခဲ့ပါတယ်။

ပရိသတ်ကြီးအားလုံးထင်မြင်နေကြသလို မဟုတ်ပဲ ဟန်နေတာဓာတ်ပုံထဲက ခြေထာက်ပိုင်ရှင်အမှန်ကို သိသွားလို့ ကျေနပ်ကြမယ်ထင်ပါတယ်နော်….

(ပိုပိုေလး)