ချစ်သူနဲ့ပုံရိပ်တွေထွက်လာပြီးနောက် ကချင်လူမျိုးများကြားဝေဖန်ခံနေရတဲ့ စူပါမော်ဒယ် အောန်ဆိုင်း

27 Sep 2019 1,727 Views

ဖြူစွတ်စွတ်အသားရေ၊ အဆီပိုမရှိ ကျစ်လျစ်သွယ်လျတဲ့ခန္ဓာကိုယ်လေးကြောင့် မိန်းမထုကြီးကအားကျနေရတဲ့ စူပါမော်ဒယ်အောန်ဆိုင်းကတော့ ပုရိဿတွေကိုသာမက မိန်းကလေးပရိသတ်တွေရဲ့ တစ်ခဲနက်ဝန်းရံအားပေးခြင်းကိုပါ ခံထားရသူပါ။ အနုပညာလောကမှာ နာမည်ကြီးစူပါမော်ဒယ်တစ်ယောက်အဖြစ် ရပ်တည်နေတဲ့သူမဟာ အင်တာနေရှင်နယ်တန်းဝင် မော်ဒယ်တစ်ယောက်ဖြစ်ပြီး ရုပ်ရှင်ကားကြီးတွေထဲမှာလည်း သရုပ်ဆောင်အဖြစ်ပါဝင်ရိုက်ကူးထားပါသေးတယ်။

>>Read More ကိုနှိပ်ပြီး ဆက်လက်ဖတ်ရှုပါ<<

ကချင်တိုင်းရင်းသူတစ်ယောက်ဖြစ်တဲ့ အောန်ဆိုင်းကတော့ ကချင်လူမျိုးတွေအတွက် ဂုဏ်ယူအားထားရတဲ့အနုပညာရှင်တစ်ယောက်လဲဖြစ်ပါတယ်။ အချစ်ရေးနဲ့ပတ်သက်လို့ သိုဝှက်ထားတဲ့အောန်ဆိုင်းတစ်ယောက် ပြီးခဲ့တဲ့ရက်ပိုင်းက သူမချစ်သူနဲ့တွဲရိုက်ထားတဲ့ပုံရိပ်တွေ လူမှုကွန်ယက်မှာပျံ့နှံ့ခဲ့ပါတယ်။

သူမကိုချစ်တဲ့ ပရိသတ်တွေကြားမှာတော့ မထူးခြားခဲ့ပေမယ့် ကချင်လူမျိုးများကြားမှာတော့ အောန်ဆိုင်းတစ်ယောက် ဝေဖန်ပြစ်တင်ခံခဲ့ရပါတယ်။ အောန်ဆိုင်းရဲ့ချစ်သူဟာ တစ်ချိန်ကနိုင်ငံကိုယ်စားပြု အားကစားသမားတစ်ယောက်ဖြစ်ခဲ့ဖူးပြီး လူမျိုးမတူတာကြောင့် ကချင်အမျိုးတွေကြားထဲမှာ လူမျိုးခြားနဲ့ရည်းစားဖြစ်တယ်ဆိုပြီး ဝေဖန်သံတွေထွက်ပေါ်နေတာဖြစ်ပါတယ်။

သူတို့ချစ်သူနှစ်ယောက်ရဲ့အကြောင်းကိုတော့ ကချင်ပေ့ချ်တစ်ခုကနေ ရေးသားဖော်ပြထားတာဖြစ်ပြီး ထိုပို့စ်ရဲ့အောက်မှာတော့ ကချင်လူမျိုးအများစုက အောန်ဆိုင်းရဲ့အချစ်ရေးနဲ့ပတ်သက်ပြီး ဝေဖန်ပြစ်တင်ပြောဆိုထားကြတာဖြစ်ပါတယ်။ တစ်ချို့သူတွေကလဲ အောန်ဆိုင်းရဲ့အချစ်ရေးကို လက်ခံသဘောတူတာလဲ တွေ့မြင်ရပါတယ်။