စက်တင်ဘာလ ၁၅ ရက်နေ့က ရုရှားနိုင်ငံ ဆိုက်ဘေးရီးယားရှိ ဟိုင်းဝေး အမြန်လမ်းမပေါ်မှာ မောင်းနှင်နေတဲ့ တိုရိုတာ RAV 4 ကားတစ်စီးကို မိုးကြိုးပစ်ချလိုက်တဲ့ ရုပ်သံက အွန်လိုင်းမှာ ပျံ့နှံ့နေပါတယ်။

 

ဖြစ်စဉ်အစဆုံးကိုတော့ အဲဒီကားရဲ့နောက်မှာ ပါလာတဲ့ ကားပေါ်က ကင်မရာကနေ မှတ်တမ်းတင်နိုင်ခဲ့တာပါ။ မိုးကြိုးထိမှန်ခဲ့တဲ့ RAV 4 ကို အမျိုးသမီးတစ်ဦး မောင်းနှင်ခဲ့တာဖြစ်ပြီး မိုးကြိုးပစ်ခံရပြီးနောက် ကားကိုရပ်ကာ အခြားကားတွေကို အကူညီတောင်းခဲ့ပါတယ်။ ကားက မိုးကြိုးထိမှန်ခဲ့တဲ့အတွက် လျှပ်စစ်ပိုင်ဆိုင်ရာတွေ ပျက်ဆီးပြီး  ဆက်မောင်းလို့ မရတော့ပါဘူး။

 

မိုးကြိုးကြောင့် ကားရဲ့ အန်တန်နာ ကျိုးပြီး အနောက်ဘက်က လေကာမှန်လည်း အက်သွားခဲ့ပါတယ်။ ကားဟာ မိုးကြိုး နှစ်ကြိမ်ထိမှန်ခဲ့ပြီး လူကတော့ ဘေးအန္တရာယ်ကင်းခဲ့ပါတယ်။