ပြီးခဲ့တဲ့ရက်ပိုင်းအတွင်းက တရုတ်လူမှုကွန်ယက် “ဝီဘို” မှာ မင်္ဂလာမောင်နှံစုံတွဲ တစ်တွဲရဲ့ မှတ်တမ်းဓါတ်ပုံတွေက ပျံ့နှံ့သွားပြီး လူစိတ်ဝင်စားမှု မြင့်တက်ခဲ့ပါတယ်။ ဓာတ်ပုံထဲမှာတော့ အပြုံးချိုချိုလေးနဲ့ ချောမောလှပနေတဲ့ သတို့သမီးက တရုတ်ရိုးရာ မင်္ဂလာဝတ်စုံကို ဝတ်ဆင်ထားပြီး သတို့သားရဲ့ လက်ကိုချိပ်ထားပါတယ်။ 

ဒီပုံက အွန်လိုင်းပေါ်က လူတွေအတွက် သိပ်မထူးဆန်းပေမယ့် သူတို့ရဲ့ လက်ထပ်စာချုပ်ကို ရိုက်ထားတဲ့ ဓါတ်ပုံကတော့ အားလုံးကို ပါးစပ်အဟောင်းသား ဖြစ်သွားစေခဲ့ပါတယ်။

 

စာချုပ်အရ သတို့သားဟာ ၁၉၅၇ ခုနှစ်ဖွားဖြစ်တာကြောင့် အသက် ၆၂ နှစ်ရှိပြီဖြစ်ပြီး သတို့သမီးကတော့ ၁၉၉၁ ခုနှစ်မွေးတာကြောင့် အခုမှ အသက် ၂၈ နှစ်ပဲရှိတာကို တွေ့လိုက်ရပါတယ်။ အသက် ၃၄ နှစ်တောင် ကွာခြားနေတဲ့ သူတို့နှစ်ယောက်ရဲ့ ဖူးစာကို အားလုံးက စိတ်ဝင်စားခဲ့ကြတာပါ။

 

 

ဓါတ်ပုံတွေအရ သတို့သားဟာ သူနဲ့သက်တူရွယ်တူ အပေါင်းအသင်းတွေ ခြံရံပြီး မင်္ဂလာပွဲကို ရောက်လာခဲ့ပါတယ်။ မင်္ဂလာခန်းမအပြင်ဘက်မှာ ရိုးလ်ရွိုက်စ်ကားတွေ တန်းစီပြီး ရပ်ထားတဲ့ ပုံကို တွေ့လိုက်ရတော့မှ  “ဪ.. ဒါကြောင့်ကိုး ဒီကောင်မလေး ဉာဏ်ကောင်းတယ်၊ နောက်သုံးလေးနှစ်ဆိုရင် သူဌေးမကြီးဖြစ်ပြီ” လို့ မှတ်ချက်ထောပနာ ဝိုင်းပေးကြပါတယ်။

 

 

မင်္ဂလာဆောင် လက်ဖက်ရည်ကြမ်းကမ်းတဲ့အချိန်မှာတော့ သတို့သားထက် အနည်းငယ်ပိုငယ်တဲ့ သတို့သမီးရဲ့ မိဘနှစ်ပါးကိုလည်း တွေ့လိုက်ရပါတယ်။ သူတို့တွေက သားမက်ရဲ့ရှေ့မှာ မျက်နှာပြရခက်နေပါတယ်။

 

 

မည်သို့ပင်ဆိုစေကာမူ သတို့သမီးလေးရဲ့ မျက်နှာကတော့ ဝင်းပနေပြီး အခုလို လက်ထပ်တာဟာ တစ်စုံတစ်ယောက်က အတင်းအကြပ်တိုက်တွန်းတာမျိုးမဟုတ်ပဲ သူမရဲ့ကိုယ်ပိုင်ဆုံးဖြတ်ချက် ဖြစ်တယ်ဆိုတာကို ပေါ်လွင်စေပါတယ်၊ ဒါ့အပြင် သူ့မိဘတွေနဲ့ အပေါင်းအသင်းတွေ အားလုံးကြားအောင် အိမ်ထောင်ဖက်နဲ့အတူ မျိုးဆက်သစ်တွေ မွေးဦးမယ်လို့ အော်ပြောခဲ့ကြောင်း သိရပါတယ်။

 

 

 

ဘာပဲဖြစ်ဖြစ် အချစ်ဆိုတာ အသက်အရွယ်ပေါ်မှာ မမှီတည်ဘူးဆိုတာကိုတော့ အချောလေးက ကောင်းကောင်းသက်သေပြသွားခဲ့ပါတယ်။ ဒါဆို ဘယ်ပေါ်မှီတည်လဲလို့တော့ မမေးရဘူးနော်...။