မေမေနဲ့တူလွန်းလို့ အားလုံးကအချစ်ပိုနေကြတဲ့ စန္ဒီမြင့်လွင်ရဲ့သမီးလေး

09 Sep 2019 1,388 Views

အဆိုတော်၊သရုပ်ဆောင်အဖြစ် အနုပညာလမ်းကြောင်းပေါ်မှာ လျှောက်လှမ်းခဲ့တဲ့ စန္ဒီမြင့်လွင်ကတော့ Rap သံစဉ် သီချင်းအမိုက်စားတွေဖန်တီးသီဆိုတတ်တဲ့ Rapper Girl တစ်ယောက်လည်းဖြစ်ပါတယ်။ သူမဟာ အနုပညာလောကထဲမှာ အောင်မြင်မှုတွေကိုအချိန်အတော်ကြာထိ ပိုင်ဆိုင်ပြီးတဲ့နောက်မှာတော့ ပျော်ရွှင်စရာကောင်းတဲ့မိသားစုဘ၀လေးကို ထူထောင်ခဲ့ပါတယ်။ လက်ရှိမှာတော့ ဒီးဒီက ကြည်နူးအားကျစရာမိသားစုကမ္ဘာလေးကို ပိုင်ဆိုင်နေပါပြီ။

>>Read More ကိုနှိပ်ပြီး ဆက်လက်ဖတ်ရှုပါ<<

၂၀၁၈ ခုနှစ် မတ်လက ချစ်သူနဲ့လက်ထပ်ခဲ့တဲ့ စန္ဒီမြင့်လွင်တို့ဇနီးမောင်နှံရဲ့ဘ၀ထဲကို ယခုချိန်မှာတော့ ချစ်စရာကောင်းတဲ့ သမီးလေးတစ်ယောက်ရောက်ရှိလို့လာပါပြီ။ သမီးလေးလိုချင်နေတဲ့ ဒီးဒီအတွက်တော့ ဇူလိုင်လ (၁၄) ရက်နေ့က အပျော်ရွှင်ရဆုံးနေ့လေးတစ်နေ့ဖြစ်ခဲ့ပါတယ်။ လက်ရှိမှာ ဒီးဒီရဲ့သမီးလေးက (၂) လသားအရွယ်ရောက်လာပြီး ရုပ်လုံးလေးလဲတစ်စတစ်စပေါ်လွင်လာပါပြီ။

(၂) လသားအရွယ် သမီးလေး Treasure ကတော့ ဒီးဒီရဲ့ကိုယ်ပွားလေး၊ စန္ဒီမြင့်လွင်ပေါက်စလေးလို့ထင်ရအောင်ကို အပြုံးအရယ်လေးတွေကအစ မေမေနဲ့တစ်ပုံစံထဲကိုတူတာဖြစ်ပါတယ်။ စန္ဒီမြင့်လွင်က သူမသမီးလေးရဲ့ချစ်စရာပုံရိပ်လေးတွေကို လူမှုကွန်ယက်ကနေမျှဝေပြီး သမီးလေးပြုံးနေရင် ကမ္ဘာကြီးတစ်ခုလုံးငြိမ်းချမ်းသွားတယ်လို့ ဆိုထားပါတယ်။ ဟုတ်ပါတယ်… သူမရဲ့ကမ္ဘာကြီးတင်မက ကြည့်မိသူပရိသတ်တိုင်းရဲ့ ရင်တစ်ခုလုံးကိုပါ ငြိမ်းချမ်းစေ၊ အချစ်ပိုသွားစေအောင် သမီး Treasure ရဲ့အပြုံးတွေကဖမ်းစားနိုင်ခဲ့ပါတယ်။

ဒါ့ကြောင့်လည်း သူမသမီးလေးပုံကို မြင်တွေ့သူတိုင်းက ဒီးဒီပေါက်စလေးလို့မှတ်ချက်ပေးကာ မေမေနဲ့ချွတ်စွပ်တူတဲ့သမီးလေးကိုလည်း အချစ်ပိုနေကြတာတွေ့ရပါတယ်။ သမီးလေးဟာ သူမဘ၀အတွက်၊ သူမတို့တစ်မိသားစုလုံးအတွက် ဘယ်လောက်အဖိုးထိုက်လဲဆိုတာကိုတော့ သမီးလေးရဲ့နာမည်ကိုကြည့်ရုံနဲ့တင် သိနိုင်ပါပြီနော်။ အရင်ကတော့ သီချင်းတွေကသာ သူမရဲ့ဘ၀ကြီးဖြစ်ခဲ့ပေမယ့် လက်ရှိမှာတော့ သူမရဲ့ကိုယ်ပွားလေးဖြစ်တဲ့ သမီးလေး Treasure က သူမရဲ့ကမ္ဘာကြီးဖြစ်လို့နေပါပြီ။

ပရိသတ်ကြီးကတော့ စန္ဒီမြင့်လွင်ကိုသာမက သူမရဲ့သမီးလေး Treasure ကိုပါ အချစ်ပိုနေရပါပြီ။ ဒီးဒီတို့မိသားစုလေးကတော့ ကြည်နူးအားကျစရာလေးပါပဲနော်။ မြင်လိုက်တာနဲ့ အချစ်ပိုသွားစေမယ့် စန္ဒီမြင့်လွင်ရဲ့သမီးလေးပုံရိပ်တွေကို မျှဝေပေးလိုက်ပါတယ်။

photos_Sandy Myint Lwin

(ပိုပိုလေး)