ဗီယက်နမ်သတင်းစာ Nguoi Dua Tin ရဲ့ ဖော်ပြချက်အရ အသက် ၂၅ နှစ်အရွယ် သူတို့နှစ်ဦးဟာ ချစ်သူတွေအဖြစ် အကြာကြီးတွဲခဲ့ကြပြီး လာမယ့် စက်တင်ဘာလထဲမှာ လက်ထပ်ဖို့ စီစဉ်ထားခဲ့ကြပါတယ်။ သူတို့နှစ်ယောက်လုံးက ဂျပန်နိုင်ငံမှာ အတူတူ အလုပ်လုပ်ကိုင်နေခဲ့ကြပါတယ်။

 

 

စက်တင်ဘာလ ၂၉ ရက်နေ့မှာ မင်္ဂလာဆောင်ဖို့ ဆုံးဖြတ်ထားကြတဲ့အတွက် မိန်းကလေးက စီစဉ်စရာရှိတာတွေ ကြိုတင် စီစဉ်ဖို့ ဗီယက်နမ်နိုင်ငံကို အရင်ပြန်နှင့်ခဲ့ပါတယ်။ သူတို့နှစ်ယောက် ဂျပန်နိုင်ငံမှာ ခွဲခွာခဲ့ကြတာဟာ ထာဝရဝေးရဖို့ ဖြစ်လာလိမ့်မယ်ဆိုတာ ဘယ်သူက ထင်ထားမလဲနော်။

 

 

 

 

ချက်ခြင်းဆိုသလို လေယာဉ်လက်မှတ်ကောက်ဝယ်ကာ ဗီယက်နမ်နိုင်ငံကို ပြန်သွားခဲ့ပြီး သူ့ရဲ့ ဖေ့စ်ဘွခ်မှာလည်း “အရင်စီစဉ်ထားတဲ့ မင်္ဂလာနေ့ရက်အစား ဒီနေ့ည ၁၀ နာရီမှာ ကျွန်တော်တို့ရဲ့ မင်္ဂလာပွဲကို တက်ရောက်ချီးမြှင့်ပေးပါ” လို့ ရေးတင်ပြီး မိတ်ဆွေတွေကို ကြေညာခဲ့ပါတယ်။

 

 

ဒီပို့စ်က ပျံ့နှံ့ခဲ့ပြီး များစွာသော အွန်လိုင်းသုံးသူတွေက ဝမ်းနည်းကြောင်းစာတွေ ရေးသားပေးပို့ခဲ့ကြပါတယ်။ တစ်ချိန်ထဲမှာပဲ ဆွေမျိုးမိတ်ဆွေတွေရဲ့ ရှေ့မှောက်မှာ သူ့ရဲ့ချစ်သူ ကောင်မလေးရဲ့ ရုပ်အလောင်းနဲ့ လက်ထပ်ပွဲဆင်နွှဲခဲ့ပါတယ်။ 

 

 

မိန်းကလေးရဲ့ ခေါင်းတလားရှေ့မှာ မင်္ဂလာပွဲမှာထုံးစံအတိုင်း ပန်းတွေ၊ လက်ဝတ်ရတနာဗူးနဲ့ အပြန်အလှန် လဲလှယ်ရမယ့် လက်ထပ်လက်စွပ်တို့ကို ပြင်ဆင်ထားပြီး မင်္ဂလာဆောင်ခဲ့ကြပါတယ်။

 

 

သူ့ရဲ့ လက်ထပ်လက်စွပ်ကို ဝတ်ဆင်ခဲ့ပြီးနောက် “မင်္ဂလာဆောင်ကြရင် သူ့ကို ဆိုပြဖို့ သီချင်းတစ်ပုဒ်ပြင်ဆင်ထားခဲ့ပါတယ်၊ ဒီသီချင်းကို အခုဆိုပြခွင့်ပြုကြပါ၊ အားလုံးပဲ စိတ်မရှိပါနဲ့” လို့ တောင်းပန်ခဲ့ပြီး သီချင်းတစ်ပုဒ်ကို ဆိုပြခဲ့ပါတယ်။

 

 

ပြီးသွားတဲ့အခါမှာတော့ “ကျွန်တော့်ရဲ့ ဇနီးဟာ ကျွန်တော့်အတွက်တော့ အကောင်းဆုံးပါပဲ၊ သူမရှိတော့ပေမယ့်လည်း ကျွန်တော်အကောင်းဆုံး ကြိုးစားနေထိုင်သွားပါ့မယ်။ လည်ဆွဲသေးသေးလေးတွေ သဘောကျတယ်လို့ သူက ကျွန်တော့်ကို ပြောဖူးတယ်၊ ကျွန်တော်သိပါတယ် ကျွန်တော် သူ့အတွက် အကုန်အကျများမှာစိုးလို့ ဒီလိုပြောတယ်ဆိုတာ။ ကျွန်တော်အလုပ်တွေ ကြိုးစားတာဟာ သူ့အတွက်အရာရာအကုန်လုံး ဖြည့်ဆည်းပေးချင်လို့ပါ၊ ဒီအတိုင်းပဲ ဆက်နေသွားမှာပါ” လို့ ပြောပြီး သူဝယ်လာတဲ့ လည်ဆွဲလေးကို သူမရဲ့ ဓါတ်ပုံဘေးမှာ တင်ထားလိုက်ပါတယ်။

 

 

Dan Thien ဟာ မင်္ဂလာပွဲ အစဆုံး အကောင်းဆုံး စိတ်ကိုငြိမ်အောင် ထိန်းသိမ်းထားနိုင်ခဲ့ပေမယ့် သူ့ရဲ့မိခင်ဖြစ်သူက သားအဖြစ်ကို သနားလွန်းလို့ သူ့ကို လာဖက်ထားတဲ့အချိန်မှာတော့ စိတ်မထိန်းထားနိုင်တော့ပဲ ဝမ်းနည်းပက်လက် ပြိုလဲကျသွားခဲ့ပါတယ်။ အရမ်းကြေကွဲစရာကောင်းတဲ့ အဖြစ်ပျက်ရုပ်သံဟာ အွန်လိုင်းပေါ်မှာလည်း ထပ်မံပျံ့နှံ့သွားခဲ့ရပြန်ပါတယ်။ ရုပ်သံလေးကို ကြည့်ရင်း ချစ်ကြသူတိုင်း ရိုးမြေကျပေါင်းကြရပါစေလို့ ဆုတောင်းပေးလိုက်မိပါတယ်။