ကွာရှင်းပြီးနောက် ပျော်ရွှင်စွာ ပြန်လည်မြင်တွေ့ရတဲ့ ဆောင်းဂျွန်ကီ

27 Aug 2019 1,399 Views

တောင်ကိုးရီးယား ထိပ်တန်းသရုပ်ဆောင် နှစ်ဦးဖြစ်တဲ့ ဆောင်းဟယ်ကျိုနဲ့ ဆောင်းဂျွန်ကီတို့ ကွာရှင်းပြတ်စဲတာ (၂) လတိတိရှိခဲ့ပြီ ဖြစ်ပါတယ်။ ကွာရှင်းပြီးနောက်ပိုင်း ဆောင်းဟယ်ကျိုက နာမည်ကြီး brands တွေရဲ့ ကုန်ပစ္စည်းသစ်မိတ်ဆက်ပွဲတွေတက်ရောက်ရင်း အနုပညာလှုပ်ရှားမှုတွေ ဆက်တိုက်ရှိနေခဲ့ပေမယ့် ဆောင်းဂျွန်ကီတစ်ယောက်ကတော့ ပျောက်ခြင်းမလှပျောက်နေခဲ့ပါတယ်။ နှစ်လတိတိ လူထုပရိတ်သတ်ရှေ့ လူလုံးမပြခဲ့ပေမယ့် ဒီရက်ပိုင်းမှာတော့ ဆောင်းဂျွန်ကီ မိတ်ဆွေသူငယ်ချင်းတွေနဲ့ အပြင်ထွက်မုန့်စားနေတဲ့ ဓာတ်ပုံတွေတက်လာပါတယ်။

>>ဆက်လက်ဖတ်ရှုရန် Read More ကိုနှိပ်ပါ။<<

ဆောင်းဂျွန်ကီဟာ ဘာဘီကျူးအသားကင်ရင်း ဆိုဂျူနဲ့ ဘီယာတွေကိုသောက်နေခဲ့ပါတယ်။ သာမန် ပေါ့ပေါ့ပါးပါး အဝတ်အစားနဲ့သွားတာမို့ ရင်းနှီးတဲ့ သူငယ်ချင်းတွေနဲ့ သွားတဲ့ပုံစံပါပဲ။

နောက်တစ်ပုံကတော့ ဆောင်းဂျွန်ကီ မိန်းကလေးတစ်ယောက်နဲ့ ရိုက်ကူးထားတဲ့ ဓာတ်ပုံပါ။ ဓာတ်ပုံထဲက မိန်းကလေးမျက်နှာကို ဝါးထားပြီး သူဘယ်သူဆိုတာတော့ မသိရပါဘူး။ ဆောင်းဂျွန်ကီနဲ့အတူ အသားကင်လာစားတဲ့ မိန်းကလေးလို့သိရပါတယ်။

ဆောင်းဂျွန်ကီဟာ ပြီးခဲ့တဲ့ ဇွန် ၂၆ မှာ ဆောင်းဟယ်ကျိုနဲ့ ကွာရှင်းဖို့ ကြေညာပြီးနောက် ဇူလိုင် ၂၃ မှာတော့ တရားရုံးမှာ အပြီးအပိုင် ကွာရှင်းပြတ်စဲခဲ့ကြပါတယ်။ တစ်ချိန်က လူတိုင်းအားကျရတဲ့ Song စုံတွဲဟာ တစ်ယောက်နဲ့တစ်ယောက် ကျောခိုင်းပြီး သူ့လမ်းကိုယ့်လမ်း လျှောက်နေကြပါပြီ။