အသက် ၁၃ နှစ်အရွယ် ယောက်ျားလေးတစ်ယောက်ဟာ သူငယ်ချင်းတွေနဲ့အတူ ကြက်ကြော်ဆိုင်(စားသောက်ဆိုင်) မှာ အတူထိုင်ကြရင်း ဖုန်းကို အားသွင်းထားလျှက် ဂိမ်းဆော့နေစဉ် ဓါတ်လိုက်ပြီး သေဆုံးမှုတစ်ခု သြဂုတ်လ ၂၀ ရက်နေ့က တရုတ်နိုင်ငံမှာ ဖြစ်ပွားခဲ့သည်။

 

 

‘လွီ’ ဟု အမည်ရတဲ့ ကလေးဟာ ကြက်ကြော်ဆိုင်ရှိ သူထိုင်နေရာ စားပွဲအနားမှာ တပ်ဆင်ထားတဲ့ ပလပ်ပေါက်မှတစ်ဆင့် သူ့ရဲ့ဖုန်းကို အခြားအားသွင်းကြိုးတစ်ခုနဲ့ ချိပ်ဆက် အားသွင်းရင် ဂိမ်းဆော့နေခဲ့တာဖြစ်ပါတယ်။

 

 

 

 

ကလေးရဲ့ မျက်နှာနဲ့ ခန္ဓာကိုယ်ပေါ်မှာ မီးလောင်ဒဏ်ရာတွေ တွေ့ခဲ့ရတယ်လို့ သေဆုံးသူရဲ့ အစ်မက ပြောပါတယ်။ ကလေးဓါတ်လိုက်ခဲ့တဲ့ ဖုန်းနဲ့ အားသွင်းကြိုးကို ပြန်လည်စစ်ဆေးရာမှာ အားလုံးအကောင်းအတိုင်းရှိနေတာကို တွေ့ရပါတယ်။ ဒါကြောင့် စားသောက်ဆိုင်မှာ တပ်ဆင်ထားတဲ့ အားသွင်းပလပ်ပေါက်ကို စစ်ဆေးရာမှာတော့ လျှပ်စစ်ဆက်သွယ်ထားမှု မှားယွင်းနေတာကို တွေ့ခဲ့ရပါတယ်။

 

 

 

ဖြစ်စဉ်ကြောင့် အာဏာပိုင်တွေက စားသောက်ဆိုင်ကို နှစ်ရက်ကြာပိတ်ခိုင်းခဲ့ပြီး အခုဆိုရင် ဓါတ်လိုက်မှုဖြစ်ပွားခဲ့တဲ့ ပလပ်ပေါက်ကို စားသောက်ဆိုင်ပိုင်ရှင်က အသုံးပြုလို့မရအောင် ပိတ်ထားကြောင်း Jiangxi Net TV သတင်းတွင် ဖော်ပြပါရှိသည်။