ကျောင်းစာမလိုက်နိုင်တာကြောင့် သရုပ်ဆောင်တဲ့ဖက် ကူးပြောင်းခဲ့တယ်ဆိုတဲ့ Jung Hae In
16 Aug 2019 1,434 Views
Something In the rain မမနဲ့ မောင်လေး ဇာတ်လမ်းတွဲမှာ ချစ်ဖို့ကောင်းအောင် သရုပ်ဆောင်တတ်တဲ့ Jung Hae In ကို မနဲ့မောင် ဇာတ်ကားတွေမှာ အများဆုံး မြင်တွေ့ရတာကြောင့် အသက်ငယ်ဦးမယ်လို့ ထင်မှတ်မိကြမှာပါ။ တကယ်တော့ Jung Hae In က ဒီနှစ်ထဲမှာ ၃၁ နှစ်ရှိပြီပဲဖြစ်ပါတယ်။ Jung Hae In က အသက် ၂၅ နှစ်မှာမှ အနုပညာလောကကို ဝင်ရောက်ခဲ့တာဖြစ်ပြီး အသက် ၂၁ နှစ် အရွယ်ကတည်းက စစ်မှုထမ်းခဲ့တာဖြစ်လို့ နိုင်ငံ့တာဝန် ကျေပွန်အောင်ဆောင်ရွက်ပြီးသူ တစ်ဦးလဲဖြစ်ပါတယ်။ စာကြိုးစားတဲ့ တက္ကသိုလ်ကျောင်းသားဘဝကနေ သရုပ်ဆောင်ဖြစ်ဖို့ Jung Hae In ဘယ်လို ဆုံးဖြတ်ချက်တွေ ချခဲ့တယ်ဆိုတာ ပိုပိုလေးနဲ့အတူ ဆက်လက်ဖတ်ရှုလိုက်ရအောင်။
>>ဆက်လက်ဖတ်ရှုရန် Read More ကိုနှိပ်ပါ။<<
Jung Hae In ဟာ KBS ရုပ်သံလိုင်းမှာ ထုတ်လွှင့်ပြသတဲ့ Happy together 4 အစီအစဉ်မှာ လာရောက်ပါဝင်ရင်း သရုပ်ဆောင်လုပ်ဖြစ်ရတဲ့ အကြောင်းအရင်းကိုပြောပြလာပါတယ်။
“ကျွန်တော်ရေခဲမုန့်ဆိုင်ရှေ့မှာ မတ်တပ်ရပ်နေတုန်း အနုပညာဖျော်ဖြေရေး နယ်ပယ်ထဲမှာရှိတဲ့ လူတစ်ယောက်က ကျွန်တော့်ကို သူ့ business card ပေးသွားတယ်။ အဲ့ဒီအချိန်တုန်းက ကျွန်တော်ကျောင်းမှာ စာလဲမလိုက်နိုင်တဲ့အခြေအနေမို့ ဘာဆက်လုပ်ရမလဲဆိုပြီး စိတ်ရှုပ်နေခဲ့တာ၊ နောက်ဆုံးမှာ ကျွန်တော့်မိဘတွေနဲ့ ပြန်တိုင်ပင်ပြီး သရုပ်ဆောင်လုပ်ဖို့ ဆုံးဖြတ်ခဲ့တယ်။ ဇာတ်ညွှန်းရေးဆရာ ရေးထားတဲ့ စာကိုဖတ်ပြီး ခံစားချက်ကို ဖော်ပြရတဲ့ သရုပ်ဆောင်အလုပ်ဟာ အင်မတန်မှ စိတ်ဝင်စားစရာကောင်းလှပါတယ်။ ကျွန်တော် အဲ့အချိန်ကနေစပြီး သရုပ်ဆောင်အလုပ်ကို တစိုက်မတ်မတ် စတင်ခဲ့တော့တာပါပဲ။” ဆိုပြီးပြောပြလာပါတယ်။
တစ်ဖန် Jung Hae In က တက္ကသိုလ်ကျောင်းသင်ခန်းစာနဲ့ ပတ်သတ်ပြီး သူ့ရဲ့ဆုံးဖြတ်ချက်ကို ပြောပြလာပါတယ်။
“ကျွန်တော် အရင်က ဇီဝနည်းပညာ ဘာသာရပ်ကိုလေ့လာဖို့ ရည်ရွယ်ထားတာ မထင်မှတ်ပဲ တက္ကသိုလ်ဝင်တန်းကလဲ အလွယ်တကူအောင်မြင်သွားတယ်။ ဒါပေမဲ့ ရုတ်တရက် ရည်မှန်းချက်ပြောင်းလဲသွားပြီး ကျွန်တော် သရုပ်ဆောင်ဘက်ကို လိုက်တဲ့အခါ အခက်အခဲတွေ အများကြီးရှိခဲ့တယ်။
တော်တော်များများ သရုပ်ဆောင်လုပ်ကြမယ့် သူတွေက အလယ်တန်းနဲ့ အထက်တန်းမှာစပြီး အနုပညာလှုပ်ရှားမှုတွေ စတင်နေကြပြီ။ ကျွန်တော်က တက္ကသိုလ်တက်မှ စတော့ အခက်အခဲတွေ အများကြီးရှိခဲ့ပါတယ်။ သူများတွေထက် နောက်ကျမှ စတင်ခဲ့တာဖြစ်လို့ ကိုယ်ကပိုပြီး ကြိုးစားခဲ့ရပါတယ်။ အခုလို အချိန်တိုအတွင်းမှာ Jung Hae In ဆိုတဲ့ နေရာတစ်နေရာ ရလာတာ ကံကောင်းတယ်ပြောရမှာပါပဲ။”
Jung Hae In ဟာ အသက် ၂၁ နှစ်အရွယ်မှာ ကျောင်းနေဖက်သူငယ်ချင်းတွေနဲ့အတူ စစ်မှုထမ်းခြင်း ပြီးဆုံးခဲ့ပြီမို့ ပရိတ်ကြီးနဲ့ ထပ်ပြီးခွဲခွာစရာမလိုတော့ပါဘူး။ သူ့အနေနဲ့ သရုပ်ဆောင်တစ်ယောက်ဖြစ်လာဖို့ မရည်ရွယ်ခဲ့ဘဲ သူငယ်ချင်းတွေ စစ်မှုထမ်းလို့ လိုက်ထမ်းခဲ့တယ်လို့ ဆိုပါတယ်။
လက်ရှိမှာ နာမည်ကြီးသရုပ်ဆောင်တစ်ယောက်ဖြစ်လာပြီး စစ်မှုထမ်းဖို့ အချိန်ထပ်ပေးစရာမလိုတာကြောင့် ရေကန်အသင့်၊ ကြာအသင့် ပနံသင့်နေတော့တာပါပဲ။
Ref:koreaboo
(ပိုပိုလေး)
