“အရက်သောက်ဖို့ အမြည်းမရွေးဘူးကွ” ဆိုတဲ့ ယမကာလုလင်တွေ သတိထားစေချင်ပါတယ်။ ထိုင်းနိုင်ငံက အသက် ၄၈ နှစ်အရွယ် အမျိုးသားဟာ  သူငယ်ချင်းဖြစ်သူ တားနေတဲ့ကြားကနေ ဒူးရင်းသီးကို အမြည်းလုပ်ကာ တွဲဖက်စားသောက်ခဲ့တာကြောင့် ၅ နာရီလောက် အကြာမှာ နေရာတင် သေဆုံးသွားခဲ့ပါတယ်။

 

 

 

 

ဆေးသိပ္ပံပညာအရ ဒူးရင်းသီးနဲ့ အရက် ရောစပ် စားသောက်ခြင်းဟာ သေစေနိုင်တယ်လို့ ခိုင်ခိုင်မာမာ သက်သေပြချက် မရှိသေးပေမယ့် အရက်နဲ့ ဒူရင်းသီး တွဲစားလို့ သေခဲ့ရတဲ့အဖြစ်ပျက်အချို့ ရှိခဲ့ဖူးပါတယ်။ ဒီလို အသက်အန္တရာယ်ရှိမှုဟာ တစ်ဦးတစ်ယောက်ခြင်းစီရဲ့ ကျန်းမာရေး ကိုယ်ခံအား စတဲ့ အခြေအနေတွေနဲ့လည်း စပ်ဆက်နေပါတယ်။ မည်သို့ပင်ဖြစ်စေ အန္တရာယ်ရှိနိုင်တယ်၊ ရှိဖူးတဲ့သာဓကတွေ ရှိခဲ့တယ်ဆိုရင်တော့ အသက်နဲ့ရင်းပြီး မစွန့်စားသင့်ကြောင်းပါ။