ထိုင်းပရိတ်သတ်ပေးတဲ့ လက်ဆောင်တွေ တပွေ့တပိုက်ကြီး ရရှိလိုက်တဲ့ ပိုင်တံခွန်
09 Aug 2019 1,525 Views
တက်သစ်စလူငယ် မော်ဒယ်၊ သရုပ်ဆောင် ပိုင်တံခွန်ဟာဆိုရင် မြန်မာနိုင်ငံမှာရှိတဲ့ နှုတ်ခမ်းနီမလေးတွေရဲ့ အသည်းစွဲဖြစ်ရုံသာမက ထိုင်းနိုင်ငံက ထိုင်းမလေးတွေတောင် ကြွေကျနေရပါတယ်။ ပိုင်တံခွန် ဟာ လူမှုကွန်ယက် ဖေ့ဘွတ်ခ်၊ အင်စတာဂရမ်တို့မှ တစ်ဆင့် ထိုင်းပရိတ်သတ်တွေရဲ့ သတိထားစောင့်ကြည့်မှုကို ခံခဲ့ရပြီး နာမည်ကျော် ထိုင်းသတင်းမီဒီယာတွေမှာပါ ဖော်ပြခြင်းခံခဲ့ရပါတယ်။ လက်ရှိ ပိုင်တံခွန်ဟာ ထိုင်းပရိတ်သတ်တွေနဲ့ တွေ့ဆုံဖို့ fan meeting ပြုလုပ်ရင်း ဘန်ကောက်ကို ရောက်ရှိနေတာပဲဖြစ်ပါတယ်။ ပိုင်တံခွန်တစ်ယောက် ထိုင်းပရိတ်သတ်တွေကို ဘယ်လောက်ထိ လွှမ်းမိုးထားနိုင်တယ်ဆိုတာ သိရှိဖို့ ဆက်လက်ဖတ်ရှုလိုက်ရအောင်။
>>ဆက်လက်ဖတ်ရှုရန် Read More ကိုနှိပ်ပါ။<<
ပိုင်တံခွန် သြဂုတ်လ ၃ ရက်နေ့မှာ ထိုင်းပရိတ်သတ်တွေနဲ့ တွေ့ဆုံခဲ့ပြီး ပရိတ်သတ်များရဲ့ အချစ်တွေကို တစ်ပုံတစ်ပင်ကြီးရရှိခဲ့ပါတယ်။ သူ့ရဲ့ fandom name ကို Kalicos လို့ နာမည်ပေးထားပြီး အဓိပ္ပါယ်ကတော့ ‘ကံကောင်းခြင်း’ ကိုဆောင်ယူလာတယ်လို့ သူကပြောပါတယ်။ ပိုင်တံခွန်ဟာ ကြောင်ချစ်တတ်သူမို့ သူ့ရဲ့ fandom name ကိုလဲ Kalico ကြောင်အမျိုးအစားကို အခြေခံပြီး ပေးထားတာဖြစ်ပါတယ်။
ပိုင်တံခွန်ကို ချစ်ပေးတဲ့ ထိုင်းက Kalicos တွေအတွက် ပိုင်တံခွန်က နောက်တစ်ကြိမ် ထပ်မံတွေ့ဆုံဖို့ အခွင့်အရေးတွေ ပေးခဲ့ပါတယ်။ သြဂုတ် ၇ ရက်နေ့၊ Siam Paragon က infinicity hall paragon cineplex မှာ Asian Rising Star ခေါင်းစဉ်နဲ့အတူ ပွဲတစ်ခု ထပ်မံပြုလုပ်ခဲ့ပါတယ်။
ဒီပွဲမှာလဲ ပိုင်တံခွန်ကို အားပေးကြတဲ့ ထိုင်းပရိတ်သတ်တွေ အများအပြား လာရောက်ခဲ့ကြပြီး လက်ဆောင်ကိုယ်စီ ပေးအပ်ခဲ့ကြပါတယ်။
ပွဲပြီးသွားတဲ့ ဒီနေ့မှာ ပိုင်တံခွန်က လူမှုကွန်ယက်ကနေတစ်ဆင့် ထိုင်းပရိတ်သတ်တွေ ပေးခဲ့တဲ့ လက်ဆောင်တွေနဲ့ ဓာတ်ပုံရိုက်ပြီး တင်ခဲ့ပါတယ်။ ဒီနေ့ဟာဆိုရင် ‘International Cat Day’ ဖြစ်တာကြောင့် ပိုင်တံခွန်က ‘Happy International Cat Day, Love you all my Kalicos’ လို့ရေးသားပြီးတင်ခဲ့ပါတယ်။
မြန်မာနိုင်ငံက အနုပညာရှင်တစ်ယောက်ကို အခုလို ထိုင်းကပရိတ်သတ်တွေ သောင်းသောင်းဖြဖြ အားပေးကြတာဟာ ဝမ်းသာကြည်နူးစရာပါ။ ပိုင်တံခွန်တစ်ယောက် နိုင်ငံတကာမှာ ဒီထက်မကသော အောင်မြင်မှုတွေ ရရှိနိုင်ပါစေလို့ ပိုပိုလေးအဖွဲ့သားများမှ ဆုမွန်ကောင်းတောင်းပေးလိုက်ပါတယ်။
Ref:Paing_takhon
(ပိုပိုလေး)
