သတင်းမီဒီယာရှေ့မှာ အမှားကိုဝန်ချတောင်းပန်ပါက အမှုကိုချက်ခြင်းကျေအေးပေးမယ်လို့ စူးရှထက်ပြော

05 Aug 2019 1,414 Views

လွန်ခဲ့သော တစ်နှစ်ကျော်ခန့် ၂၀၁၈ ခုနှစ် ဧပြီလ ၁၂ ရက်နေ့မှာဖြစ်ပွားခဲ့တဲ့ အဆိုတော်အစ္စဏီနဲ့ မော်ဒယ်စူးရှထက်တို့ရဲ့ အမှုကတော့ ယနေ့ချိန်ထိရုံးချိန်းများဖြင့် အမှုတွဲကိုရင်ဆိုင်နေရဆဲဖြစ်ပါတယ်။ အစ္စဏီနဲ့စူးရှထက်တို့နှစ်ယောက်ဟာ သမီးရည်းစားများဖြစ်နေစဉ်ကာလအတွင်း ယခုကဲ့သို့အချင်းဖြစ်ပွားခဲ့ကြတာဖြစ်ပြီး ရည်စားဟောင်းဖြစ်သူစူးရှထက်မှ အစ္စဏီကို အဓ္ဓမပြုကျင့်မှု၊ ကိုယ်ထိလက်ရောက် ရိုက်နှက်စော်ကားမှုတို့အပါအ၀င် ပုဒ်မတွဲ ၃ ခုဖြင့် တရားစွဲဆိုထားခဲ့တာဖြစ်ပါတယ်။

>>Read More ကိုနှိပ်ပြီး ဆက်လက်ဖတ်ရှုပါ<<

ပရိသတ်တွေကြား ဟိုးလေးတကျော်ဖြစ်ခဲ့တဲ့ ထိုအမှုကြောင့် မော်ဒယ်စူးရှထက်ကို စာနာသနားပြီး ထောက်ခံအားပေးသူတွေရှိခဲ့ကြပေမယ့် တစ်ချို့သောသူတွေရဲ့ ဝေဖန်ပြစ်တင်ပြောဆိုခြင်းကိုလည်းခံခဲ့ရပါတယ်။ ပရိသတ်တွေကတော့ ဘယ်သူကအမှား၊ ဘယ်သူကအမှန်ဆိုတာကို သိချင်နေကြပြီး သူတို့နှစ်ယောက်ရဲ့ရုံးချိန်းတိုင်းကို စိတ်ဝင်တစားစောင့်ကြည့်နေကြတာပါ။

ယနေ့ သြဂုတ် (၅) ရက်နေ့ တာမွေမြို့နယ်တရားရုံးတွင်ပြုလုပ်တဲ့ ရုံးချိန်းမှာတော့ အစ္စဏီအနေဖြင့် သတင်းမီဒီယာတွေရှေ့မှာ အမှားကိုဝန်ချတောင်းပန်လိုက်ပါက စူးရှထက်ဘက်မှ အမှုကိုချက်ခြင်းကျေအေးပေးမယ်လို့ ဆိုသွားပါတယ်။

“ဒီနေ့ ရုတ်သိမ်းလွှာလည်း အဆင်သင့်လုပ်လာတယ်။ သက်သေတွေနဲ့ ဟိုဘက်ရှေ့နေ၊ဒီဘက်ရှေ့နေတွေနဲ့အတူ လက်မှတ်ရေးထိုးဖို့အတွက်။ အစ္စဏီဘက်ကသာ သတင်းမီဒီယာတွေရှေ့မှာ သူမှားပါတယ်လို့ ၀န်ချတောင်းပန်မယ်ဆိုရင်တော့ ဒီအမှုကိုကျေးအေးပေးမယ်” လို့ စူးရှထက်ကပြောကြောင်းကို ရှေ့နေဦးရောဘတ်ဆန်းအောင်က သတင်းမီဒီယာတွေကို ထုတ်ပြောခဲ့တာဖြစ်ပါတယ်။

အမှုကိုစစ်ဆေးနေစဉ်ကာလအတွင်းမှာလည်း အစ္စဏီဘက်မှ အမှုကိုကျေအေးပေးရန် လာရောက်ညှိနှိုင်းမှုတွေ လုပ်ဆောင်ခဲ့တယ်လို့သိရပြီး ဂုဏ်သရေရှိစာရေးဆရာမတစ်ဦးမှ ကြားဝင်ကူညီပေးခဲ့တာဖြစ်ကြောင်း စူးရှထက်ကသတင်းမီဒီယာတွေမှာပြောကြားခဲ့ပါသေးတယ်။ ယနေ့လုပ်တဲ့ ညှိနှိုင်းမှုမှာတော့ ငွေကြေးတစ်စုံတစ်ရာ မပါဝင်ပဲ နှစ်ဦးနှစ်ဖက်အဆင်ပြေပါက အချိန် ၂ လခန့် စောင့်ဆိုင်းရမယ်လို့လည်းသိရပါတယ်။

Photos_Cele Gabar & Irrawaddy

(ပိုပိုလေး)